{“星期一”: “11:45-01:45”, “星期二”: “11:45-01:45”, “星期三”: “11:45-01:45”, “星期四”: “11:45-01:45”, “星期五”: “11:45-01:45”, “星期六”: “11:45-01:45”, “星期日”: “11:45-01:45”}
{“星期一”: “11:45-01:45”, “星期二”: “11:45-01:45”, “星期三”: “11:45-01:45”, “星期四”: “11:45-01:45”, “星期五”: “11:45-01:45”, “星期六”: “11:45-01:45”, “星期日”: “11:45-01:45”}
填寫評論
Read More Reviews
Hugh Cheung
6 個月前賢記清湯腩｜全港最癲清湯脯！ 話說元朗大街後面條巷仔真係臥虎藏龍，呢間賢記門面似足舊式粉麵檔，入到去即刻比陣牛骨香勾咗魂！ 之前聽朋友講話佢哋朝早五點半開爐吊湯，用足料牛筒骨加數唔清幾多斤牛腩熬到湯色金黃，最癲係用騸牯牛，飲落喉嚨尾果油香真係其他清湯腩舖冇得比！飲完成個喉嚨暖笠笠仲有陣回甘，同某啲落重胡椒遮羶味嘅舖頭完全兩回事！ 叫左碗牛腩河，腩位分得夠晒刁鑽。崩沙腩肥膏位閃令令，咬落似食緊牛脂啫喱；坑腩連住筋膜位爽到啪啪聲，最正係啲肉淋身得嚟仲keep到絲絲纖維，浸完都唔會散！牛味濃到似食緊和牛刺身級數！ 重點嚟喇——嗰啲新鮮手帶牛成粒乒乓波咁大，同埋佢哋嗰個自家製嘅辣椒油真係不得了！成粒牛丸跟牛尾濃鬱得嚟係有層次呀,彈牙就唔使講啦,但牛肉牛腩牛丸食完你會有唔同牛嘅味道,你就知道人哋落咗啲功夫喺邊度！ 見到隔籬枱個熟客柯打「雙腩加底」，跟風叫多份牛爽腩，嘩！真係腩界天花板，半肥瘦位夾住層啫喱狀膠質，入口即刻化成陣牛油香，連平時唔食肥膏嘅女友都搶住夾。埋單兩個人食到捧住個肚都係$200有找，今次真係中咗清湯腩毒，食完第二日已經心思思想返轉頭！ 結論：由湯底鮮味到牛腩質感，呢間絕對係香港清湯腩嘅隱世天花板。某啲網紅店排長龍果啲，同賢記比真係差成條彌敦道。食勻全港十八區，敢講句——清湯腩王者，非賢記莫屬！ （利申：食完即刻encore多碗外賣返屋企孝敬阿爸） #元朗真味 #清湯腩界MVP #食過返尋味系列
Stardust M
2 個月前有一次經過覺得個門面光猛環境清潔，唔係傳統潮州粉麵嗰啲個地下油淋淋。試左清湯腩湯底好食，腩有啲韌， 可能叫肥少少會好啲。辣椒油好味。$70 一碗，係稍貴。但我覺得最好嘅係樓面姐姐好親切，起碼唔係趕客嗰啲，雖然第一次嚟食，我聽到佢講下次見，覺得幾窩心。 門口可以「泊車」，店內有電視睇住出邊
K T
11 個月前麻麻地嘅牛腩河，食落唔夠牛味同埋好韌，有幾舊差啲咬唔開…湯底正正常常，但賣成70蚊碗，性價比係極低。如果諗住有彪記嘅質素而黎食，我勸各位可以唔洗黎…
cc luk
1 年前湯底好味，真心好飲。 牛腩同牛筋我覺得唔太夠味，好似淡咗啲。 蘿蔔得一舊仔，略嫌孤寒。 辣辣油好味！夠香夠辣！ 調味料仲有一樽蔥，一樽唐芹。個人口味將唐芹加落個湯度更加好味！ 我見幾個姐姐都好有禮貌，值得一讚！ 店內仲有部大電視，方便睇走鬼。
Saxon Tsang
1 年前帶位姐姐禮貌 餐廳環境乾淨 牛腩牛丸河 湯清甜 蘿蔔無咩味 牛丸一般 牛腩6 嚿 其中有2嚿真嚇我一跳 鋼牙都咬唔爛 最後收錢同返戴帽個哥哥仔講啲腩咬唔到放係枱你留意返 佢笑住同我講唔好意思 收我一百 默默咁找返25蚊比我 其實賣75蚊 都做返對得住呢個價啲野 唔係求鬼其 網上有片講到幾用心做都無用 咬唔爛