賢河日本料理 – 日本餐廳

早鳥優惠下午5：30-7：30 前结單$259（+ 10%） 新開張放題並沒有的,現在加入了火鍋,幾好👍可以有肥牛、豆腐、蔬菜吃. 食物種類都多：魚生、天婦羅、鐵板燒、炸物、串燒、 鍋物,味道都幾好...... 不過蒜蓉燒茄子比較油膩,鐵板燒虎蝦、牛舌比較鹹.

今日同男友子約好黎食荃灣依間放題 已經係第二次回訪！ 見真係幾抵食決定要介紹下！ 晚市5:30-7:30時段每人$250加一 我地星期日食另外加$10 但有勁多野食！火鍋、生蠔、刺身、鐵板燒應有盡有 放題既生蠔本身驚好伏， 不過又唔差！唔算好肥美但都鮮甜既 刺身都唔錯， 三文魚同馬刀貝都幾好～ 連打邊爐都有！ 都有幾款海鮮，有帆立貝、青口！ 仲有大推依間既鐵板燒！ 燒牛舌同燒帆立貝都好食！ 燒得剛剛好又好香 Encore之選

星期五530pm，一個人都食$275位，730pm前離場的優惠價。整體質素唔錯，性價比算好。 最吸引係有生蠔放題，我一個人食了7隻。其他食物都唔錯，算放題的稍優水準。飲品和甜品都係罐裝或交貨的，無特別。有啤酒提供，又有酒精煲食吓牛肉火鍋。 職員係普通商場餐廳水準。 裝修係日式簡約，廚房可透過玻璃窗望到，眼見算乾淨。 25年4月又來了，應該係近半年第4次來。依然好正。

食1730-2000時段放題2小時，賣單$306一位，都算幾抵食。 先講生食，刺身有一半以上都中上水準，唔算差。不過唔好比中拖羅呃入黎，質素唔得，好多筋。另外生蠔都係任食，質素都算ok。 熟食就比較一黎，天婦羅虎蝦厚粉，燒物會比炸物好。鍋物同埋一器料理都一般，有啲ok有啲麻麻地。 甜品就主要haagen-dazs雪糕同埋唔同牌子嘅雪條，仲有和菓子同果凍之類。 服務方面算幾好，收碟上菜都幾快手，同埋所有食物都到齊冇漏單，可能星期四唔多人。好似係最後廿分鐘截單，冇得再加單。

衰過旺角劣食之塔 食過粉嶺店覺得唔錯先黎 點知中左大伏 book左枱 明明好多位 堅持要人逼細枱 然後前後櫈嘅櫈背都係痴住 逼到傻左 本身有女侍應見我地有火鍋又有其他野想拍枱 呀老闆唔俾 話有人book 跟住要所有2人既逼哂係同行 （附圖） 但又唔知點解過多半個鐘，入黎既2個人們就係我地後面可以享有2張枱，最後到我地走仲有好多空枱，搞到我真係嬲嬲地，連埋食物質素人生第一次係google map留一星 嗌左刺身同火鍋， 火鍋冇位擺，逼你食咗啲嘢先幫你上，但食材就幫你上咗先，鍋就唔畀你☺️ also, 食物質素真係嚇親人 例加： 大拖羅壽司- 大拖羅成塊膠紙咁（又薄又硬又腥，舊飯黏到泥膠咁 中拖羅刺身- 有不知名既黑色野係上面 其他刺身都係角切 啲羊架生熟不一，我勇士俾左三次機會佢，認真放題啲牛羊medium都覺得驚驚地，仲要佢第一第三次都衰過medium rare.. 連整係炸返熟既芋圓都可以overcook，外殼石頭咁硬，入面乾曬 火鍋上既牛肉係灰色既，蜆係已經煮熟再俾你碇返入去鍋，啲蜆正常發揮有沙 芒果布甸重魚膠粉 另外朋友食左生蠔唔新鮮，好多灰黑色嘅嘢感覺洗唔乾淨 如果你係勇者真係好想試，有幾樣我覺得係可以食 ： 希靈魚，螺，火鍋既蚌，和牛漢堡粒，串燒大頭蝦，其他牛粒牛舌燒菠蘿都正常放題質素 不過我就唔會再食啦，荃灣有更好既選擇☺️