豚王 (荃灣) – 拉麵店

餐廳位於荃灣廣場大門側邊，店舖裝修簡單座位開陽，進食時人來人往，比較不自在。出品實屬一般，但價錢偏貴，所以性價比很低。

211227 假期 3pm 有位直入 想食拉面喺荃灣記得有呢間 一個豚王一個黑王加多個餃子王 自己食黑王 hum .... 味道 OK 囉唔會有驚喜 食完好以好細碗咁唔飽 我諗緊一風堂會好過佢

好味的，不過未算好回味那種，可以再試。黑醬油都特別，不是黑蒜。綠茶可樂特別既味，不算怪又不算好飲。一星是給味精的，飲完湯返屋企個口仲好勁味精，狂飲水。

坐左係最入對住馬路，感覺有啲似係動物園睇出面既動物（或者相反）。叫左限定同墨汁，限定由佢決定曬所有野。 限定係胡麻即係唔知係乜，粗身厚硬既面質幾有口感，個湯底食落幾沉厚，油唔會浮面不過感覺油膩，將中間既唐辛醬整散可以令口感變薄，不過食到最後都有啲膩，小弟建議食一半再整散再食另一半。佢話有辣不過一啲都食唔出。墨汁湯底咸底冇咁膩，幼麵淋patpat冇口感。肩脊肉肉實有口感，腩肉有一半係肥。 加左餃子食，啲餃子淋過粥，個底又有少少過濃，可免則免。 加曬220。

不論麵條粗幼、味道濃淡、配料多少、豚肉、辣度都可以選擇。當然，最緊要嘅味道都有高水準，服務態度好。要挑剔嘅……係價錢比較貴。舖位位置近商場門口，冷氣略嫌不足。