豐鍋雞煲火鍋 – 火鍋餐廳

今晚同朋友去咗石門 「豐鍋」 食雞煲打邊爐！呢度嘅 招牌麻辣雞煲 好出名，仲可以食完雞煲加湯變火鍋，一次過滿足兩個願望～ 整體食物質素高，雞煲夠香，牛肉選擇多，即刻同大家分享！ 🍗 招牌麻辣雞煲 姐姐幫你搞好晒，一上枱就聞到好香嘅麻辣同酒味，雞肉煮得 好嫩滑，呢到BB辣等於出面既小辣，麻香得嚟唔會太刺激，仲帶少少甜味，好惹味！ 🍲 打邊爐配料精選 加湯變火鍋後，我哋叫咗： 🥩 極品本地手切牛頸脊：肉味濃，油脂分布靚，涮幾秒就食得！ 🐮 頂級安格斯牛小排：入口即化，牛香十足～ 👅 牛舌芯：爽脆有嚼勁，必試！ 🔔 自家製響鈴：新鮮炸起，吸滿湯汁超正！ 🍜 稻庭烏冬：滑溜彈牙，完美收尾～ 其他配料如 牛柏葉、土豆片 都新鮮，最重要份量多，整體質素唔錯！

最近想食雞煲，聽朋友介紹石門呢度有間性價比高嘅火鍋店，初初以爲好遠，但其實石門站一出行幾分鐘就到，都好方便，最緊要係食到好野！入到店內已經聞到陣陣香味，原來係來自呢度出名嘅十年陳花雕酒！叫咗招牌麻辣雞煲，會加入花雕酒一齊炒，陣陣酒香撲出嚟，仲要有咁多芫荽，未開始食已經好期待！ 半隻雞份量十足，肉嫩多汁，愈食愈辣，加上明顯嘅麻感，愈食愈滋味！之後叫咗其他配菜，款款都好出色！ 手工即炸魚皮 ~ 重點推介！超！好！食！第一次見到咁大塊炸魚皮，食落去有微微鹹香，夠晒香脆又惹味！唔駛加湯就咁食已經食唔停口，送酒一流！ 手工四寶丸 ~ 蝦丸 + 墨魚丸 + 黑墨丸 + 鯪魚丸，每款都鮮味十足，夠晒彈牙！ 餃餃陣 ~ 鮮蝦雲吞+ 魚皮餃 + 韭菜餃 + 麻辣雲吞，真正嘅皮薄餡靚，水準極高，尤其麻辣雲吞好想再 encore 🤤🤤 每位店員都好友善，而且食材高質，真正性價比高！下次一定要再過嚟食！

豐窩嘅雞煲好出名，想食好耐喇～ 除咗招牌嘅麻辣雞煲外，佢哋仲有滋補螺片花膠雞煲、花雕藥膳雞煲同埋滋潤椰子雞煲。 今日約咗朋友，一於去試吓！🤤 🩵滋潤椰子雞煲(半隻) $198 一打開煲蓋，就聞到濃濃嘅椰子清香，湯底奶白色，睇落好滋潤！湯底真材實料，有新鮮嘅椰子肉，椰青水，紅棗，杞子同竹笙。煲入面有嫩滑雞件、椰子肉同紅棗，成個配搭好養生！襯未放雞件入去，忍唔住飲咗幾啖湯，好清甜！椰子水＋椰肉嘅天然甜味好出！雞肉肉質嫩滑，點上薑蓉柑桔醬汁，酸酸甜甜好特別。竹笙吸晒椰子湯精華同雞油嘅味道，好正！ 🩵手工四寶丸 $89 四寶包括有蝦丸、墨魚丸、黑墨丸及鯪魚丸，每粒都圓碌碌、脹卜卜。 手工蝦丸鮮甜，咬落去超彈牙，食到一粒粒蝦
肉碎，真材實料。墨魚丸香口濃郁，口感爽脆彈牙，中間仲有少少墨魚粒增加層次。黑墨丸用咗墨魚汁整，味道比普通墨魚丸更濃厚，帶微微海水鹹香。鯪魚丸都唔錯，有陳皮同胡椒粉嘅味道，食落唔腥。 🩵極品本地手切牛頸脊 $238 牛肉紋理好靚，脂肪同肉嘅分佈平均，色澤鮮紅帶少少油花。輕輕淥8-10秒，粉紅色就食得，鮮嫩到不得了！嫩中帶爽，入口牛油油香，肉味濃郁到爆燈！👍🏻👍🏻👍🏻 🩵貴花蚌 $125 蚌肉橙紅色，色澤光亮，睇得出好新鮮。入口爽脆 ，超鮮甜～完全冇腥味！ 🩵手工即炸魚皮 $54 從來未見過咁大塊炸魚皮，有啲驚喜！魚皮金黃酥脆，超香口！輕輕點湯，外層索唒椰子湯，內裡仲脆，雙重口感～浸得多湯汁，都唔會淋唒！咬落去好似薯片咁脆口！ 🩵龍鳳檸樂 $34 🩵藍妹啤酒（大罐） $30 🩵醬油費 每位$8

多自家製食材配招牌微辣雞煲，滋味十足 1招牌BB辣雞煲：辣度適中，雞肉嫩滑，湯底味道濃郁帶微辣，好開胃！ 手工四寶丸：蝦丸彈牙、墨魚丸爽口、黑墨丸濃香、鯪魚丸軟糯，超有層次感。 自家製韭菜餃：皮薄餡多，韭菜香氣十足，好juicy！ 頂級雪花肥牛：油花均勻，涮湯後入口即化，好嫩滑。 自家製響鈴：炸得金黃酥脆，蛋香味濃，沾點湯汁更好食。 雜菜藍：新鮮爽脆，平衡辣味，增加清新感。 飲品：椰青清甜解膩，帶熱帶風味；檸樂冰涼暢快，兩款飲品搭配微辣雞煲完美解渴！ 整餐用上多款自家製新鮮食材，品質絕對有保證，味道又地道又吸引！

湯底選擇幾多，揀咗呢款滋補花膠雞煲，本身味道幾香甜。半隻雞份量都非常充足，仲有大大塊嘅螺片同花膠，真係非常之滋潤。雞肥瘦適中，肉質非常嫩滑爽口。 極品本地手切牛頸脊：呢款牛肉大理石紋理非常靚，睇得見的高品質。輕輕煮十秒八秒，牛肉仍保持鮮嫩多汁，配上沙茶醬甜豉油就最岩！ 十優狀丸：賣相靚，一次過試齊五款口味。每款都好新鮮，口感彈牙。墨魚魚丸本身海味香濃，食得出粒粒墨魚肉，更加爽口Q彈。仲有一款黑墨丸，味道更咸香。升級版加入加入黑松露，菇菌味香非常夾！蝦丸真材實料，勁彈牙。鯪魚丸食得出新鮮，魚香濃郁。 最後加一份雜菜籃：幾款蔬菜都非常新鮮，吸收晒湯底香甜，清爽！ 豐富滿足的一餐。