西班牙餐廳 – 西班牙餐廳

第一次來光顧，抱著期望。結果⋯⋯ 餐廳內是一陣陣的油煙味，應該是廚房的抽氣不足，經過開放式的窗口散播到整個餐廳內。🥺 鯛魚飯： 白飯的米未完全熟透，還是生硬的。蕃茄和葫蘆瓜是不新鮮的，所有米飯和蔬菜以及鯛魚只是室溫的溫度，完全不熱的。‍💨 咖啡的品質和味道👎 餐廳職員服務態度有些怪怪的。🥹

叫咗2人晚餐+6隻蠔+2杯啤酒 total $840 新浦崗西餐廳有户外，其實選擇唔多 帶住寵物，坐户外感覺比較好🐶 員工服務態度親切，好有笑容 就算坐户外都能夠得到即時服務👍🏻👍🏻 🥬沙律正常，火腿唔乾，青蘋果絲+菜 🦪蠔每隻好似$20，size算大隻可以肥多少少 🍲白酒蜆好細碟，蜆尚算新鮮，個汁味道好淡無味，下次唔洗order 🍖豬手可以焗耐少少，外皮唔係咁脆，如果用下火槍，賣相仲可以靚d。外皮脆無諗過都比唔到，有失望的 🦪🍙西班牙炒飯少少失望，賣相好得，味道一般，我都明白急凍海鮮無味以呢個價錢味道可以更加好…… ♦️集團式的流水作業，不能同有heart小店比較

扮多選擇，但難食到一個點，最簡單嘅炸雞翼，完全乾硬化，無味，全靠味粉，炸石班，炸皮同肉分離，唔知啲乜魚，茶仔好過佢，隻豬手先經典，皮硬到嚇死你，肉就唔知係乜味，西班牙特式，我唔識囉！不懂欣賞，Sor9ry 揾人現場唱歌，又大回音，剌耳加上連經典Carpenter yesterday once more用超低音唱，仲要唱錯歌詞，不如唔好唱經典，，一連幾首，全部現唱食客都應該唱得好過佢，(You raise me up, hotel California, can't take my eyes off you...)結他手一流，歌手請收皮，完全係攪客人，轉場再食。。。 好彩侍應生服務高質，老闆有福，㕑房如同公司污點 呢間真係咪試，除非你只飲啤酒，在活動任飲，就另作別論

Tapas Brew 有朋友新居入伙，係新蒲崗，由於未黎過，所以唔知附近有咩食，但朋友搬之前成日黎，所以都幾熟，帶左我地黎呢間西班牙菜既餐廳食～ 餐廳係Mikiki，到左果下好驚喜，因為估唔到咁有feel，成條街都係滿天星咁既燈飾，好有節日氣氛，佢同一間德國餐廳相鄰，兩間都有外面既座位，晚上黎係有種外國風情。 我地叫左個傳統西班牙炒蛋辣肉腸配脆薯絲同闊條麵。 炒蛋炒得好味，好夠鹹，亦好creamy ，又滑，幾驚喜，配辣肉腸好夾，不過脆薯絲就可以脆啲，咁口感會更好～ 本來驚食左咁重味既炒蛋，食闊條麵萬一味道整得唔夠濃就會變到無味，點知幾驚喜，闊條麵既醬汁好惹味，同埋又係好creamy，每條麵條都食到啲sauce。 朋友叫左個羊架，不過我無食所以唔清楚係點，但我聞到好香，見佢都食得滋味～ 呢餐埋單每人二百幾，食得好飽，環境舒適。

原本想在open rice 評下，但發覺open rice 的好多評價都唔準，唔知道有無打手了。 先講環境，地方細，有啲迫。但有室外坐位，適合朋友/ 情侶過來學西人食野飲酒吹水 食物質素，個人覺得會高於中等但低於好好食，先講最難食的就是open rice 大部份人好評的海鮮飯，我枱有六人，全部都覺得呢樣野好鬼死難食，賣樣係好，但味道差，飯亦無煮熟/煮好，我好似食到d渠味咁既體驗。 最好食係卡邦尼意粉，除左份量少都無乜缺點。 其次係個豬手，但豬手係根本唔熱，似係雪櫃拿出來加返少少熱就送餐的感覺。 最後要講下服務態度，我地一入到來，佢地經理見我地有個生日蛋糕，就立即講要「幫我地」雪住個蛋糕，但會另收費五十蚊切餅費，我地講唔使雪，都唔使佢地切餅，但個經理就話響度食都要收，因為係「公司規矩」來，仲當面等我地「答覆」。 如是者，我地商量後最後決定食完呢餐，將個生日蛋糕拿走，搭車返屋企切來食算，好在屋企唔算遠，亦都無放佢地雪櫃，最後六人埋單一千四十蚊，包加一「服務費」。 你會唔會來我唔知拉，但我地就唔會再幫襯囉👋🏻～