蠔之神 – 生蠔吧餐廳

超級推薦🏻係元朗非常之罕見嘅海鮮餐廳，佢哋嘅生蠔原來係法國蠔場直接送過嚟，超級鮮味。海膽食太屈機成塊咁樣上，放上紫菜直接食，鮮甜味十足。佢哋牛扒脂肪比例均稱，牛味香濃，特別日子仲可以甜品寫字🫶🏻

朋友之前黎過呢間餐廳食生日飯，佢話呢度D野食幾好食，所以我就約朋友去試啦！上網見到佢地最近做緊$9一隻生蠔，好抵食呀。當晚我都叫左黎試，生蠔都係黎自法國，細細隻重海水味，蠔味十分，有興趣既朋友可以提前打電話預約，咁就保證一定有足夠既生蠔留俾你啦。當晚我地叫左個2人餐$1468，食到好飽好滿足。 🟡海鮮拼盤 店員好細心咁介紹生蠔既名，同埋教我地由淺色既肉開始食起會更加好食。拼盤入面有原隻波士頓龍蝦、海膽、生蠔、時令貝類、刺身帶子2隻同埋黃金螺2隻。店員仲教我地生蠔由左邊開始食起，三款法國生蠔各有味道，個人比較鍾意第二款，海水味岩岩好，而且夠飽滿。龍蝦睇落去細細隻但好多肉，食到啖啖肉架，蝦鉗好大隻仲好鮮甜，蝦頭仲有好多膏。今日當造既係美國車厘蜆，大大隻海水味濃。而黃金螺Size超大隻，係我食過既最大隻螺呀，大大隻好有咬口。食海鮮點可以無白酒呢，我地仲另外叫左杯House of Wine。 🟢煙三文魚黑醋汁沙律＆羅宋湯 羅宋湯好濃味，見到湯底有蕃茄蓉，唔似湯水咁稀。煙三文魚配埋黑醋一齊食帶點酸酸，夠哂開胃。 🔵清酒蒜蓉煮蜆 店員介紹佢地係用左美國產既馬拉蜆，一上碟見到粒粒都好大隻呀仲要無空殼架，好滿足 🟣安格斯肉眼扒配洋蔥燒汁(+$120) 主食方面，我地叫左5成熟既牛扒，一見到塊牛扒就睇得出師傅煎得好靚，牛肉味唔算好重，但肉入面好Juciy，而個燒汁亦都好香，燒汁加埋洋蔥甜甜地唔會好咸 🔴招牌鵝肝粒焗雜菌飯 店員講解飯入面加左煎鵝肝既油，叫我地將鵝肝壓碎攬拌食會更加好食。鵝肝好香一D腥味都無，加埋雜菌食就更香口。 🟢海鹽&開心果雪糕 甜品有兩款雪糕，開心果雪糕唔會有好假既甜味，食到開心果仁香氣，而海鹽雪糕咸咸地，咁就唔怕食甜品食得太漏啦

9蚊生蠔抵食又新鮮，從來唔點食生蠔既我今次都食左一打半牛肝多士回味無窮

8:45準時入座 10.15都出唔到頭盤 大時大節應付唔到咪唔好接單 催人收訂就識 慶祝節日等到10. 出嚟既食物味道又差 收得$1400個二人餐 唔該有返少少質素同服務🏻🏻

約了同住元朗的友人食飯，佢帶我去呢間食左好多年既西餐oyster season，這裡氣氛好食物唔貴又好食。 首先係welcome food已經令人甚有驚喜! 卷住火腿的法棍麵包質素很好，肥瘦適中。 叫得oyster season，黎到當然一定要試下蠔啦！估唔到宜家做緊買一送一，圍起先30蚊隻，認真抵食鴨！我地叫左Namibia $60/2 同Sentinelles $65/2, 兩款都好新鮮肥美，不過個人比較喜歡Namibia，比起Sentinelles甜些而且更creamy。 這裡的海鮮都很不俗，我地叫的牡丹蝦$88超巨型，味道鮮甜 湯方面我地只點了一碗龍蝦湯$68，估唔到上台時侍應貼心地已幫我地分成兩碗，抵讚! 龍蝦湯味道濃郁，飲到龍蝦的鮮味。 海膽忌廉意粉$178 有兩大片海膽，睇到已經覺得好滿足。將海膽拌入意粉，令原本濃稠的醬汁更加濃郁！！醬汁滿滿的，雖然沒有太多的配料，但已經非常令人回味。 秘魯香料烤雞$178 烤雞的外皮好香脆，內裡的肉仍好鮮嫩，加上辣椒粉食更惹味，不錯，不過味道較淡。 這間餐廳的出品很不錯，唔怪得可以係元朗屹立咁多年。