蝦蝦燒 (荃灣店） – 燒烤餐廳

荃灣大鴻輝有好多唔同既餐廳，好多時都係任食放題既餐廳，今次試左16樓呢間蝦蝦燒，5:30PM前入座仲有優惠價，入到餐廳已經見到好多海鮮，有鮑魚、扇貝、蜆、魷魚、蠔、青口、原條魚，全部都好大隻，望落好新鮮，除左海鮮櫃，仲有好多唔同既肉類、菜類、雪糕，見到已經流哂口水。最正係可以即場夾D 活蝦上黎，D蝦好新鮮，好生猛，一夾起即刻跳走🤪🤪，好有趣既體驗。餐廳好乾淨企理，服務員服務好好，清碟好快手，食得開心又滿足，我地坐到7點倒，餐廳越黎越多人，平日既晚巿都可以咁多客，係非常難得既場面。 特別鐘意以下幾款食物﹕ 鱔﹕好肥美有口感，最鐘意厚切既鱔，咬落彈牙 油甘魚﹕肉質好，魚味香 蜆﹕大隻鮮甜 鮑魚﹕鮑魚肉質唔錯，夠哂大隻

流水蝦放題🔥任食海鮮燒烤🔥抵 任飲任食3小時 $348/位 流水蝦+海鮮+自助串燒燒烤 荃灣分店如果不是太滿座，可以不限時間💕 餐廳環境亁淨 , 闊落 ,每張枱都有一個爐，旁邊有個大水缸 , 養了大量生猛的大頭蝦，可以親身活捉新鮮生猛流水蝦，然後自助BBQ。 新鮮大頭蝦肉質爽滑大隻，而且有好多蝦膏！開心又好玩💕 冰枱上面放滿好多海鮮，超過10多款海鮮選擇，包括有鮑魚、不同品種的原條鮮魚，(例如䱽魚， 深海泥猛) 還有扇貝、帶子，貝類，蜆類，生蠔、魷魚......等等 我最鍾意白鱔串，限量食品，肉質爽脆 大大條原條深海泥猛，燒完配泰汁非常惹味 蒜蓉燒元貝，肉質肥美,大大隻,新鮮多汁彈牙 白鱔串，原條深海泥猛及蒜蓉燒元貝非常新鮮，好味！這三樣海鮮必食👍👍👍👍👍 還有超過30多款即燒串燒及燒烤肉類配菜 分別有牛扒、牛肉粒、牛仔骨、金菇肥牛卷，羊肉串，羊架，豬頸肉、豬仔脾、叉燒粒、排骨、豬扒、豬腩肉，豬大腸，不同味道的雞中翼、雞軟骨、雞皮、雞扒同雞肉串, 香腸類、什丸類、香菇,不同種類的蔬菜......等等。款式非常齊全 飲品櫃多達30款樽裝及罐裝飲品 6款任飲啤酒米酒，韓國真露燒酒 亦有熟食，例如花螺、醉蝦、豬大腸，涼拌魚皮等等 還有多款雪糕和甜品🍻 環境 9/10 味道 9/10 服務 9/10 衛生 9/10 性價比 9/10 人均消費$200-$400 星期一至四晚市$348/位 星期五六日$378/位 今次我係去荃灣分店🍺 店名: 蝦蝦燒 Cooking haha 地址 : 荃灣眾安街55號大鴻輝(荃灣)中心11樓 My Instagram Hello.jennyjenny My Facebook Hello.jennyjenny

荃灣流水蝦放題 餐廳位於荃灣大鴻輝，星期一既晚上6:30到，唔使等位直入。揀呢間餐廳嘅賣點就係流水蝦夾即燒，我同朋友就係貪佢可以又玩又食唔會悶。   餐廳環境亁淨，一入去已經係自助區，主要分為凍肉、蔬菜、海鮮、醬料、熟食、飲品。而每張枱都有一個爐，旁邊就有大量生猛大頭蝦嘅水缸。餐廳亦都有四款調味粉放喺爐邊。           主角大頭蝦係十分新鮮，餐廳會提供一個夾，我哋就需要去側邊嘅自助區裝冰，一夾起隻蝦就放落冰度，醫生等佢唔會亂咁跳。等凍暈咗佢之後就可以放心擺去爐度燒喇。  另外我哋都試咗其他海鮮，特別推薦有扇貝、鮑魚、生蠔。我哋用醬料區提供嘅蒜蓉加落扇貝上，十分好味。   其他食物就推薦豬頸肉、多春魚、魷魚乾、咖喱魷魚、雞軟骨、紫薯仔。另外有一樣好特別嘅食物就係玉子燒。   我同朋友都覺得呢間餐廳嘅食物質素好好，食物種類好多，飲品亦有最近新出嘅生可樂。餐廳員工亦會經常幫我哋清理枱面嘅垃圾，同埋自助區的食物鉗都會經常換亁淨的，食物都補充得好快。下次都會約朋友過嚟食。

大家早放工，揀咗早蝦蝦時段有88折，好抵。 入到去環境幾乾淨，座位隔離有個游水蝦嘅水缸，好特別。好多隻蝦跳跳紮，新鮮，想食就夾。海鮮種類都好多，有扇貝，生蠔，螺，幾款魚，蜆肉。鮑魚和鱔魚就另外分配。完全滿足到鍾意食海鮮嘅我。 另外，都有各款肉類和串燒，雞翼大大隻，雞軟骨好脆，試過牛扒，羊架幾款肉類都醃得入味又唔會太鹹，新鮮。 性價比高👍🏼

都有一段時間冇嚟到荃灣啦，荃灣呢一度夠晒大，淨係商場都可以行足成日，最重要嘅當然就係夜晚嘅時候成班朋友仔周指定去大鴻輝，放題多選擇多又夠晒熱鬧，真係食個Vibe都可以食飽, 天氣仲係咁凍，所以食過燒烤就係最佳選擇。 🤭平時食肉食得多，今次就選擇咗海鮮放題嘅蝦蝦燒。 差唔多放題嘅價錢，但係食海鮮嘅性價比真係特別高🤤 首先，講吓海鮮區域，🐟絕對令人大開眼界基本上貝殼類嘅食物都可以喺度搵到，🐚最搶手嘅當然就係-帆立貝，🐚肉質夠晒肥美，仲要大大隻，白色膏就係公，橙紅色就係乸，🐚想追求肉質緊實啲嘅話就可以要公，Creamy嘅膏就當然乸，🤩同樣都係咁鮮美都係甘甜，因為全部都係新鮮直送 再嚟就係平時百幾蚊可能都冇幾隻嘅鮮鮑魚，🤍好誇張咁樣講佢哋真係鮮活鮑魚㗎，夾起嚟嘅時候仲郁動，🤍非常彈牙又完全唔靭，記住燒嘅時候一定要剪走個殼，🤍唔係嘅話燒嘅時候啲汗就會彈到周圍都係就好危險㗎喇🌝 難得呢一度叫蝦蝦燒，🦐當然大家就要享受一下捕蝦嘅感覺，係夾之前整一桶冰水用嚟冰鎮啱啱夾上嚟嘅蝦。 🦐始終鮮蝦新鮮燒完肉質都起碼緊實啲同埋零舍新鮮，🦐燒到咁上下就會見到殼同肉慢慢分離，呢個時候就啱啱好，🦐鮮嫩嘅蝦肉如果再配埋燒烤必備嘅辣椒粉同埋孜然粉絕對係充滿川式口味🌶️ 繼續再遊走海鮮區，生蠔帶子，🦪同樣都係肉眼所見嘅新鮮，而且充滿左淡淡的海水味，淨係以上幾款海鮮就知道份量有幾重量級。 🦪 鐘意食魚嘅大人細路又有福音啦，🐟呢度直頭有原條魚選擇，䱽魚都會係唔少人嘅愛好，皮薄肉質多，🐟雖然燒嘅時候比較佔位同埋用嘅時間會稍為多啲，🐟但係燒完出嚟嗰陣香味真係離遠聞到聞到有幾香烤。🐟燒完之後皮就好似薯片一樣咁脆，而裏面啲肉仍然係咁濕潤因為有皮焗住啲肉，🐟咁啲精華就完全唔會流失。落埋蒜香鹽同埋辣椒粉咁又成為咗川式烤魚嘅感覺。🐟 除咗海鮮當然食燒烤又點少得啲肉呢？🥩呢度連肉嘅選擇，亦都包羅萬有。揀幾款必食嘅來做encore：🥩 烤羊架，🍖每一舊嘅羊架脂肪同肉嘅比例都係一半一半，🍖燒嘅時候油脂嘅香味令人垂涎三尺，最驚喜嘅當然就係肉質都係好香好嫩，🍖完全唔似急凍嘅肉，一定要配孜然粉咁呢個就成為咗正宗嘅新疆燒烤，🍖佢同埋羊肉串都會係必食推介🍖 之後仲有牛仔扒，🥩同埋牛柳粒串，牛嘅味道都相當濃郁，油脂會慢慢滲出來，🥩大約八成熟會係最佳嘅味道🥩 想再滿足啲嘅當然就要夾多幾舊豬髀，🍗肉包骨嘅豬髀瘦肉會比較多啲燒嘅時候稍為要注意火候，🍗但係都好有炭香嘅味道，一絲絲嘅肉好輕易咁樣咬出嚟，🍗微微嘅甜大大嘅滿足感，肉類之中確實係有幾高嘅評價🍗 大大啖嘅燒肉同埋燒海鮮之後就係雪糕嘅環節，🍨佢哋亦都新添左唔少嘅雪糕款式同埋選擇除咗有經典嘅Coco Berry 之外，🍨仲有其他雀巢系列，脆皮雪條又有，雪糕就集中喺水果嘅系列一嚟又可以化解一下肉同海鮮嘅味道又可以清新一下。🍨 最後燒肉當然唔少得大量嘅飲品，🧃驚喜發現呢一度有韓國正宗嘅真露燒酒，🍾一眾韓粉必定要捧場啦，有幾款味道選擇㗎咁就唔怕原味會太攻， 🍾香港人就指定打邊爐或者燒嘢食都要配啤酒，🍺同樣都有幾款選擇，不妨飲完之後比較一下。 🍻無酒生活嘅選擇仲多，要茶有茶要涼茶亦都有汽水當然冇得走，🥤食到飽一飽行吓街，又可以周圍唞。🥰 蝦蝦燒 荃灣眾安街55號大鴻輝(荃灣)中心11樓