花華和食屋 – 日本餐廳

今日同表弟表妹去咗屯門珀御嘅花華和食屋，門口有個好靚嘅日式小庭園，打卡一流📸！入面裝修都好和風，天花掛滿紙傘，坐低即刻feel到日本feel🇯🇵 🍜煮干雞醬油拉麵（加火灸叉燒） 湯底好濃郁，醬油味香得嚟唔會太鹹，仲有啲魚干嘅鮮味，麵既掛湯力好強！麵質煙韌，加咗塊火灸叉燒，輕輕燒過嘅豬腩肉肥瘦適中，入口即溶，超正🤤！ 🦀濃厚蟹湯拉麵 呢個真係必試！蟹湯超級濃郁，飲落去成個口腔都係蟹嘅鮮甜味，仲有啖啖松葉蟹肉，叉燒同樣出色，輕輕炙燒過，油脂香爆棚，忍唔住飲晒成碗湯！ 🍥干貝蟹白湯拉麵 同濃厚蟹湯比，白湯質地更creamy，干貝嘅鮮味好突出，湯底杰身啲，掛麵效果一流。配料有蟹肉同蟹膏，仲有溏心蛋，整體好滿足 🍗唐揚雞塊 即叫即炸，外皮超脆，咬落去雞肉好嫩滑，仲有肉汁爆出嚟，點埋沙律醬更加邪惡！ 🥟炸雞皮餃子 第一次試雞皮包餃子，以為會好油膩，點知出奇地脆口！雞皮炸到金黃香脆，入面嘅餡料juicy，一個人食晒成碟都唔覺滯！ 🥔牛肉可樂餅 外層炸到酥脆，入面係薯蓉同免治牛肉，口感軟滑，仲有少少黑椒味，好惹味！ 🍨伯爵茶朱古力芭菲* 甜品方面，呢個芭菲超豐富！有白玉、黑糖餅、雲尼拿雪糕、伯爵茶朱古力忌廉、橙味啫喱、粟米片同朱古力脆，每一啖都有唔同口感，伯爵茶味好突出，甜度剛好，完美收尾！ 花華嘅拉麵湯底真係做得好好，尤其係蟹湯系列，鮮味爆燈！

排隊方面唔算誇張，店內座位算多，當日等三枱客都唔使半個鐘就入得去，翻枱都快。泊車可以去隔籬珀御時租停車場，每小時$24至$28，星期六、日同公眾假期都一樣，揸車黎都幾方便。 佢哋用自家製全粒粉高水麵，麵身爽彈，唔會淋，有咬口，粗幼適中，食落幾順滑又掛湯。 煮干雞醬油拉麵$112，湯底煮干味濃郁，有雞油提鮮，唔會過鹹。麵條夠彈性又掛湯，配料有慢煮雞肉、佐賀豬叉燒、雞肝醬雲吞同溏心蛋，睇落簡單但好有層次，見得出用心。 濃厚蟹湯拉麵$98，蟹湯鮮甜香濃，蟹醬唔多但夠搶味，一撈開即刻有變化。叉燒炙燒過，肥瘦平均，入口即溶，麵條彈牙有麥香，整體味道平衡，濃唔代表重口味，連鍾意清淡嘅人都接受到。 干貝蟹白湯拉麵$108，湯底綿密，蟹味加干貝鮮香十足，蟹膏蟹肉都夠份量，麵條掛湯力強，滿足感高。 唐揚雞塊$39，有八件，外脆內嫩，調味啱啱好，意外地好食，性價比高。

拉麵好食。麵條食得出是自家製。好吃，但我比較喜歡爽身麵。今日吃的比較和鬆散。 炸雞就真係一般。希望不是來貨加熱吧。 刨冰不錯。抹茶很多。但個人認為加芝士奶蓋不太合適。

屯門有一間幾驚喜的拉麵店，看似平平無奇，意想不到湯底做得好出色，拉麵款式只有4-5款，另外還有抹茶甜品及飲品。 🍜煮干雞醬油拉麵 $112 熟成醬油味香濃而且有層次感，可以選擇多油或少油。麵質幾煙韌，入面有慢煮雞肉、慢煮佐賀豬叉燒、雞肝醬雲吞、溏心蛋等配料，配料夠豐富！ 🍜干貝蟹白湯拉麵 $108 餐廳主打蟹湯拉麵，這碗干貝蟹白湯底有啖啖松葉蟹肉、蟹膏，有少少燒香過的蟹香味，湯底濃郁，令人整碗湯底都喝清。 🥟雞皮餃子 $58 雞皮取代餃子皮，包著雞肉，雞皮餃子煎得好脆！ 🫓牛肉可樂餅 $16 外脆內軟的可樂餅，免治牛肉碎配薯蓉，口感都幾滑。 🍵雪糕北海道紅豆抹茶鮮奶 $49 這杯個人大推！雪糕可以選擇雲呢拿或抹茶味。攪勻之後抹茶味好香濃，加上抹茶雪糕，令飲品變得更濃郁，奶味更重。 🍨粟子Tiramisu 芭菲 $79 一杯好豐富的芭菲！上面有咖啡味雪糕、黑糖蕨餅、白玉，中層有粟米片、朱古力脆米和栗子Tiramisu cream，底下有咖啡啫喱。整體咖啡味較重。

屯門珀御《花華和食屋》🌸 店內天花掛上日式紙傘做裝飾 門前有個 日式小庭院⛩️🍁 猶如置身日本的感覺 真係啱晒打卡影相📸 煮干雞醬油拉麵6.0🍜 $112 濃郁嘅醬香湯底 配上麵條 口感順滑有彈性 👍🏻 濃厚蟹湯拉麵 🍜 $98 蟹湯濃而不鹹 加上麵條好掛湯 啖啖鮮甜美味 唐揚雞塊（四件）$23 雞塊炸到金黃色 外皮酥脆 內裡軟嫩多汁💛 炸雞皮餃子🥟 （五件）$58 用雞皮做嘅餃子 唔係想像中油膩 反而更脆口👍🏻 伯爵茶朱古力芭菲 $79 層層疊材料 色彩豐富嘅芭菲賣相非常吸引 每層配搭都衝擊味蕾 香甜軟滑🤎 山政小山園抹茶🍵$48 抹茶沒有澀味 茶香濃厚💚