良鮨壽司 – 壽司店

生蠔好肥美 燒牛舌爽口多汁 壽司都好食 長尾濱鯛刺身好新鮮

今個月真係日本料理月我哋又去咗食日本嘢🍣今次就去咗大埔搵食🥢良鮨壽司食材質素唔錯，而且價錢合理👍🏻 我哋主力點刺身，一邊傾偈一邊慢慢嘆日本活海膽味道清甜味道濃郁‼️大拖羅滿滿嘅油脂分布好平均，入口啖啖都係魚油香味‼️原隻活赤貝肉質爽脆味道鮮甜‼️ 見到店舖做緊堂食生蠔買二送一，我哋又試吓。日本🇯🇵兵庫縣赤穗生蠔🦪雖然體形唔大，但肉質厚實🈶️海水鹹鮮味‼️ 三文魚腩壽司非常肥美油脂味重‼️鮮劍魚壽司肉質爽脆‼️焦糖鵝肝壽司外脆內軟，外層嘅焦糖平衡左鵝肝嘅油膩👍🏻 除咗餐牌上嘅，仲有師傅發板嘅食品可以選擇，下次可以試吓☺️

良鮨壽司喺大埔都幾多人識，同住大埔嘅朋友講開諗住去試吓，佢都話呢間質素唔錯👍🏻店舖位於大馬路，好容易就搵到。餐廳裏面有吧枱可以睇住師傅製作或者餐枱，我哋就梗係揀坐吧枱啦 厚切嘅大拖羅勁肥美，油脂分布平均，每一啖都係油脂嘅香味原隻活赤貝味道鮮甜肉質爽脆，$48咋～真係勁抵🤩日本活海膽即點即開勁新鮮，味道鮮甜🤤 喺門口已經見到堂食生蠔買二送一，我哋就點咗份日本🇯🇵兵庫縣赤穗生蠔🦪豪下雖然呢款蠔唔係大隻嗰啲，不過肉質厚而且仲有海水味‼️ 除咗刺身，點都要嗌返幾款壽司🍣食下先夠飽肚厚切三文魚腩壽司好肥美，鮮劍魚壽司肉質幾爽。焦糖鵝肝壽司都幾特別，外面甜甜地食落冇咁膩‼️

平時搭車經過都見到這裡，今晚就早啲落車行去這裡，店舖在最旺盛嘅馬路旁，絕對方便！ 餐廳座位分為吧枱，同一般餐枱，今晚就係座在吧枱旁，落單都係掃二維碼，餐牌分類清晰，先點了壽司，大大隻肉質彈牙,晶瑩剔透的玻璃蝦壽司、腐皮壽司包裹醋飯，帶點甜帶點酸十分醒胃！而個辣味三文魚軍艦入口帶點香辣刺激一下味蕾、濃郁芝士味道嘅芝士蟹子軍艦，一啖入口芝士同蟹子混勻味道十分香濃！這個鰻魚牛油果卷亦十分好味，牛油果上加上蟹子襯托中間用壽司飯卷住燒香了嘅鰻魚，一口一件，陣陣香味在口中留香！ 主食點了個蒲燒鰻魚飯，大大塊蒲燒鰻魚放在碗中，蒲燒鰻魚夠晒肥美香口，加埋煙韌彈牙嘅米飯，真係絕佳選擇！認不住追加埋個汁燒魷魚筒，原隻魷魚燒，再切成一圈圈，入口香軟彈牙，送飯佐酒又係一個上佳配搭！ 今晚十分滿意，這裡價錢合理，質素高，可能食到接近閉店時間，見到師傅忙過不停出單，尤其是截單後，師傅認真清潔其用具，絕對讓食客食得放心！

大埔良鮨壽司店，店內師傅全部都係擁有十多年日本料理經驗。 今日食呢個二人餐，真係超值。 磯煮鮑魚冷豆腐，鮑魚好鮮甜。 日本直送時令生蠔（岩手縣）有海水味（加埋檸檬汁更清新) 三文魚、大拖羅，又其拖羅有魚香和油花，必食之選。 日本直送時令飛機魚壽司，4款魚，有池魚、伊左目、金目鯛、鯖魚，魚肉除咗新鮮之外，特別提提池魚同金目鯛，比較魚味香濃。 魚奶湯，魚味濃豆腐滑，入面還有香菇，所以好好飲。 安格斯牛肉金菇卷，外脆內軟嘅安格斯牛肉，唔使沾醬汁都已經好好味。 鹿兒島雞翼又香又脆（佢有竹籤穿住雞翼，食完隻手都唔會污糟） 最後餐牌上寫上👉🏻食事？🤔你地知唔知點解？登登登登。。原來係食飯嘅意思。 海膽海鮮炒飯，鮮甜嘅海膽配上香滑炒飯底，炒飯粒粒分明，真係好掂。