聚興樓 – 餐廳

據說「聚興樓」創辦人（靠得往李錦聯）與朋友一同遊台灣，無意中品嚐了當地一種手撕雞，雞肉彈牙加上獨有的香味令李師傅回味無窮，決定將這種獨特的味道帶回香港。 李師傅於是研發這獨有的味道, 就是現在聚興樓的秘製手撕雞。後來加入了麻辣、和風、冬陰公、Wasabi 風味…令客人有更多口味選擇。至今麻辣風味更成為皇牌產品。 幫襯多年都睇到佢地菜單不時推新產品，不是淨食老本手撕雞固步自封。 手撕雞飯有骨就30蚊，啖啖肉冇骨便32蚊，分原味和麻辣味，但我次次都要撈麵（印尼撈麵）仲要加大6蚊即兩個麵先夠飽。另一好味就係瑞士雞肶，夠大隻兼入味。 雲吞雞，冬瓜鴨，蟲草花鴨，羊肚菌鴨等湯飯系列個啖湯真精彩，但椰子花膠雞就太重椰子味。上次食羊腩飯味道過得去但成70蚊責咗D。木耳幾爽好味。 肉骨茶和牛腩系列就一般料，試過了件心事，冇回頭衝動。呢間舖不設堂食所以生意就唔算好勁，通常不需排隊。

以前成日幫襯…有兩年幾唔喺香港無得食！琴日經過一定要買嚟食～有冬蔭公新口味試吓先！我一般都會買一隻…加價到$99！另外一向都會買嘅麻辣味，仲要加辣多芝麻！正！但感覺好細份，間中食下還可以啦👍🏻 唔夠一年又加價至$106…份量仲好似少咗…間中食下還可以～出面燒味舖買隻油雞白切雞$80唔使！ 更新：試咗白雲鳳爪。夠酸都唔錯。係份量較預期中少$34

這間聚興樓只有外賣沒有堂食，價格非常便宜一個外賣飯盒最平23元，見他們其他的外賣飯盒，一般也都只是大概30元左右，在2018年的香港，基本上已經很難找到！ 手撕雞飯一盒才23元(加3元有一罐可口可樂)，我以為手撕雞和飯的份量會略少，怎知這和外面一般的飯盒差不多。 他們的手撕雞可選辣味，這個辣是麻辣，味道非常好，辣不算太辣但麻卻很好👍，以這個價格來說絕對是超值！

$22手撕雞撈麵 幾抵食

係葵盛東邨商場分店，餐單寫明：半隻雞十花椒油套餐88蚊（花椒油單買39蚊，雞半隻56蚊，），我當時買左1隻雞十1樽花椒油，唔明點解花椒油收我正價39蚊，返到屋企至發覺有問題。錢雖少，但搵笨一次過。