紫玉蘭 Shanghai Garden – 滬菜館

交易廣場這間高級中餐廳，雖然是美心集團，但營造的氣氛都可以 他們的價錢算中規中矩，食物選擇也不少 用某一張信用卡，三個人可以享有六折，這個優惠已經超過10年了 今晚整體餸菜可以，但沒有太大驚喜 其中的煎小籠包可算是比較特別

這𥚃食飯比較清靜及容易訂位。地方也舒服的，服務也不差。 食物出品中規中矩，味道算唔錯☺️ 蔥爆牛肉～爆得幾香，份量唔少 乾煸四季豆～炒得香，又夠乾身 莧菜魚羹～好味👍🏻 醬燒小黃魚～夠味 桂花酒釀丸子～清淡不太甜 鬧市中不錯的選擇

嚐盡滬菜風味@紫玉蘭 上海菜從來也是我喜歡的菜系可說是百吃不厭！今次跟好友去到位於中環的滬菜館品嚐了不少精心炮製的上海菜，就跟大家分享這夜豐富的佳肴吧！ 餐廳正是位於中環交易廣場內的紫玉蘭 ，室內環境簡約時尚中帶出瑰麗氣派坐得很舒適。 餓腸轆轆的我還要遲到所以甫坐下便要開餐了！率先上檯的是滬式涼菜中的馬蘭頭石榴果＄108/5件，以優雅的花卉擺盤奉客賣相精緻非常，具營養價值的百頁豆腐皮包裹著馬蘭頭碎弄成石榴果的外形，吃下帶豐富的口感味道又清香是健康之美食。 秋香皮蛋肉鬆拌豆腐＄108很適合夏天享用，甘香的溏心皮蛋配上嫩滑豆腐和鹹香肉鬆永遠也是絕配之物。 接下來這個本幫湯羹名叫家鄉米莧鮮魚羹＄75/位，內裏以魚茸及菜絲放湯炮製而成出來的魚羹色澤悅目味道鮮嫩可口，因為太美味的關係很容易便一碗喝光光了。 緊接著是充滿淮揚滋味的紫玉蘭烤鴨＄498/隻，一套烤鴨會配上嬤嬤皮、紫蘇葉、牛油果、哈密瓜、京蔥、青瓜以及烤鴨醬，成套放在檯面上感覺非常豐盛呢。 烤鴨已經預先切好上檯並分好位置包括有鴨皮、鴨肉及髀、翼，烤鴨外皮甘香脆身內裡肉汁豐盈兼嫩滑，配料有清甜哈密瓜及破格的香滑牛油果片，喜歡紫蘇香氣的更可以包著同吃味道份外吸引。 吃過美味烤鴨之後換來迎接邪惡的土匪豬肝＄178，非常有霸氣的名字味道亦充滿野性！外焦內嫩的豬肝口感鮮嫩超級惹味，配菜的青尖椒更為香辣鮮味是難得吃到的辣度！所以我十分喜歡這道土匪菜式。 接下來到靚魚出場這條是老干媽肉碎蒸黃花魚＄308，黃花魚在老乾媽的油辣椒肉碎加持下香辣惹味中帶上鮮甜魚味，總是叫人一口接一口地吃下去愛吃魚的朋友萬物錯過。 家燒冬瓜＄108烹至軟腍入味鹹鮮適口，我覺得這樣烹調方法比紅燒的還要好味多了。 緊接著有我最期待的醬油蟹毛豆年糕＄598，這道菜絕對展現出濃油赤醬的滬鮮風味！ 青肉蟹肉質紮實混上香濃醬汁仍難掩其鮮甜味道，但這味菜的主角絕對是煙韌有咬口的上海年糕，就算已經滿足到一個點的我仍然吃了不少！大家可想而知這道菜的味力有多強勁。 最後是令我抗拒不了的甜品高力蛋白豆沙香蕉，咬一口富蛋白香氣而且絕不油膩，內裡藏著起沙的紅豆餡及香蕉肉味道細膩香甜可口，我忍不住吃上了一整個所以非常滿足喔。 這一間紫玉蘭的出品確實令我有點驚喜，食物質素不錯之餘價位亦非常親民，喜歡吃上海菜的我表示吃得十分滿意。

Business Iunch 間唔中都會來紫玉蘭，有多種不同價位的商務套餐，今次一行8位就選了＄788這個鮑魚精選套餐。而這個價位來說，環境比較嘈雜，上菜服務正常。 點菜後大概15分鐘上菜，頭盤玉蘭三品很不錯 乾燒蝦球調味重了一點，醬汁有點甜和超級多蒜，蝦肉挺彈牙，但下面的鍋巴早已被醬汁浸淋了。 燕窩羹味道口感都不錯。 原隻蠔皇大鮑魚，因為原本本寫了120克，而非幾多頭，上枱後大家都覺得比想像中大，而且很軟腍容易切開。吃完已經很飽，而且炸醬麵非常不吸引，也不能更換其他菜式。 最後甜品是原個椰子奉上，一人一盅。很是清新開胃，有點椰子凍再加上楊枝甘露的感覺，上面雪糕椰子味不太重。

做一晚上海佬 今日同老婆大人仲有一班朋友去食上海菜，等我做返晚上海佬先「儂吃過了伐」哈哈。 老婆大人話同我去中環交易廣場食呢餐飯，我心諗乜呢度有餐廳嘅咩！估唔到就喺廣場嘅一樓有間叫做紫玉蘭嘅上海菜餐廳。 我哋平日去食呢餐飯見到都有好多客人生意都幾唔錯喎。 坐底嚟兩個前菜嘆吓先！老婆大人最鍾意食皮蛋，呢個秋香皮蛋肉鬆拌豆腐食落去好香口啱晒佢口味啦。 我就鍾意呢個樣靚仔到不得了嘅馬蘭頭石榴果，百頁皮入面有啲馬蘭頭然後包到成個石榴果咁樣鬼咁精緻。 百頁皮咬落去口感煙煙韌韌咁，加埋入面好清香嘅馬蘭頭係好食嘅。 跟住嚟碗熱辣辣嘅家鄉米莧鮮魚羹，清鮮嘅湯羹入面有啲菜蓉同埋魚肉，個羹一啲都唔腥仲越飲越香甜添。 我哋仲嗌咗一份紫玉蘭烤鴨！連埋一齊上枱嘅有嬤嬤皮、紫蘇葉、牛油果、哈密瓜、京蔥同埋青瓜，呢個組合真係好鬼特別喎。 烤鴨已經分開晒鴨皮、鴨肉同埋髀、翼位先至上枱，仲好細心將髀同翼包晒錫紙等食嘅時候唔會整污糟手指。 個嬤嬤皮做得幾煙靭凍咗都唔會硬口，我就鍾意包哈密瓜嚟食感覺好清新，至於髀同埋翼梗係用手攞住嘆先過癮啦。 繼續叫一啲上海嘅小菜嚟嘆吓，呢一個係邪惡嘅土匪豬肝，嗰啲辣椒好辣夠刺激啱晒老婆大人嘆，我就鍾意食煮得好脆口嘅豬潤勁惹味好正斗。 邪惡完之後食返個家燒冬瓜清空下個口，炆得口感啱啱好嘅冬瓜配咗濃郁嘅芡汁，清甜瓜香之中又有濃郁嘅香味，睇落好簡單嘅菜其實要花好多功夫先做到呢個味道。 鍾意食魚嘅我哋仲叫咗一條老干媽肉碎蒸黃花魚，新鮮嫩滑嘅黃花魚配咗香口嘅老乾媽肉碎一齊嚟蒸，出嚟嘅味道梗係俾清蒸惹味得多啦。 最後仲有呢一個醬油蟹毛豆年糕，用咗啖啖肉嘅青蟹嚟煮呢味餸啱晒我呀。 濃郁嘅醬油配襯鮮味嘅蟹肉好食到要啜手指！年糕平時我唔係好鍾意食不過呢個真係要讚一讚，食落去口感好煙韌最緊要係凍咗都唔會硬。 甜品揀咗老婆大人鍾意食嘅高力豆沙，呢個仲係升級版嘅高力蛋白豆沙香蕉，加咗香蕉之後食落仲更加香甜佢食到咪晒眼鬼咁享受。