紅葉茶屋 – 日本餐廳

同妹妹喺荃灣行完街，去海之戀Donki買嘢，順便一齊食埋晚飯。喺Donki出嚟同層，見到呢間日本餐廳比較新未試過，就試吓！原來餐廳係日本鎌倉過江龍，整體環境木系簡約風，餐廳行到最盡係半開放式嘅榻榻米位，玻璃窗有好多熊貓貼紙裝飾，望出去仲有海景，隔籬枱係咁打卡！職員推介季節限定二人套餐，睇完Menu覺得食物都啱食，性價比又幾高，順理成章就點咗呢個餐！ ————————————————————————- ⚫️紅葉茶屋二人前$488 ✔️龍蝦沙律 以為套餐嘅前菜唔會好大份，點知一上枱都幾驚喜，沙律菜份量都幾多，上面有一大個龍蝦肉粒和明太子球，撈埋沙律菜和醬汁食，好清爽。 ✔️紅葉四點盛 呢個前菜都好有誠意，擺盤好精美，4款小食包括：芥末八爪魚、帶子吞拿魚三文魚刺身、炸蝦仔、枝豆。幾款都各有特色，啱夏天食，又可以過下口癮。 ✔️豪華和牛肉壽喜燒(附送日本產米飯及麵豉湯）+$58 壽喜燒牛肉加錢升級咗和牛，牛味係香濃啲、肉質腍啲，而且份量仲幾多。個鍋入邊有好多蔬菜，壽喜燒汁甜甜嘅醬油味，好啱送飯食。 ✔️吉列豬扒&廣島蠔(附送日本產米飯及麵豉湯） 豬扒同蠔炸得非常香脆，但食物本身水份又冇流失，一啖咬落去，仍然食到豬扒嫩滑，廣島蠔蠔汁泌晒出嚟。 ✔️鎌倉紅葉茶屋抹茶提拉米蘇+$10 呢個抹茶提拉米蘇係餐廳嘅名物，內層係蛋糕、cream、抹茶粉相間，滑溜得嚟充滿抹茶香氣，最緊要係冇乜濟溜嘅感覺。 ✔️抹茶蕨餅新地+$20 好豐富嘅甜品，下層碗狀脆餅裝住好多脆片、cream、兩大球雪糕、紅豆蓉球、抹茶蕨餅、仲淋上咗蜜糖，食完好滿足。 ✔️凍芒果&西柚紅茶 賣相有驚喜，有幾塊厚切西柚裝飾，當然都可以食埋。芒果醬汁味道濃郁，成個飲品唔太甜，幾好唔錯。 ✔️凍芒果百香果茶 芒果同百香果味道都突出，紅茶底無加好多糖，同樣唔係太甜，感覺健康啲。

紅葉茶屋 (荃灣) 📍 荃灣大河道100號海之戀商場3樓3012號舖 海之戀廣場新開日本鎌倉過江龍「紅葉茶屋」、愛上日本🇯🇵料理的我即刻去八掛下。裝修走日本木系風格，簡單樸素裝修風格帶出柔和感，設有榻榻米和卡位雅座，落地大玻璃可以飽覽荃灣西藍巴勒海峽景色。 季節限定二人前套餐HKD 488 包括兩款前菜、兩款主菜、兩款甜品，兩款飲品、仲有已經包括麵豉湯和日本產米，仲有紅葉四重奏和小龍蝦沙律。 前茶： 紅葉四重奏: 炸北海道甜蝦：入口酥脆可口。刺身三點：肥美厚切三文魚，軟糯吞拿魚和嫩滑帶子。芥茉章魚：惹味微辣嗆口，枝豆開胃🤤健康無負擔。 小龍蝦沙律： 清爽脆口蔬菜、配上彈牙鮮甜小龍蝦，非常有咬口，沙拉醬融合，酸酸甜甜，開胃。 三文魚他他芝士脆片 （+ HKD 20): 三文魚籽充滿鹹鮮風味、喺口腔爆出嚟，配上肉質嫩滑三文魚他他，輕薄芝士脆片墊底，好得！ 主菜： 豪華牛肉壽喜燒： 深邃的鹹鮮來自濃口醬油和味醂。這種鹹不是死鹹，而是帶有發酵豆類的複雜香氣和深邃的鮮味，為整個鍋物奠定了厚實的基底。溫潤的甘甜：來自味醂、砂糖以及後來加入的蔬菜釋放的天然甜味。這種甜味非常關鍵，它柔和了醬油的鹹度，讓味道變得圓潤、順口，不會過於刺激。淡淡的酒香：有些做法會加入少量清酒，帶來一絲若有似無的酒香和醇厚度，進一步提升風味的層次。和牛入口即化的口感：頂級和牛擁有極其豐富且分布均勻的大理石油花。在鍋中輕涮幾秒後，脂肪瞬間融化，帶來無與倫比的絲滑、柔嫩、幾乎無需咀嚼的極致口感。 烤過的豆腐、香菇、金針菇、白菜、茼蒿等。這些蔬菜在燉煮過程中會釋放出自身的天然甜味和水分，一方面平衡了湯汁的濃稠度，另一方面也讓蔬菜本身變得鮮甜無比，尤其是吸飽了湯汁的烤豆腐和香菇，一口咬下會爆出鮮美的湯汁。 一本鰻魚： 「一本鰻」因為是整條料理，對鰻魚的新鮮度和品質要求極高。豐腴肥美：優質的河鰻脂肪含量豐富，經過烤製後，魚肉本身的油脂會融化，帶來極致的肥美、滑嫩口感。這種脂肪香是甘甜而非油膩。肉質緊實彈牙，河鰻的肉質更為緊實、富有彈性，用筷子可以輕易夾起一整塊，但入口後又能感受到魚肉的纖維。決定性的醬汁點少得自家製鰻魚汁，香甜濃厚，配上日本產珍珠米！掛汁佐飯。 甜品： 日本鎌倉紅葉茶屋抹茶白玉漬： 充滿日式風情的甜品。由抹茶醬（或抹茶糖漿）、白玉丸和紅豆茸組成，有時還會搭配黑糖漿。抹茶風味 通常使用京都老字號「森半」的宇治抹茶，茶味濃郁醇厚，帶有抹茶獨有的微苦回甘的風味，能中和甜品的甜度。白玉丸子 口感軟糯有嚼勁，彈牙且帶有淡淡的糯米香。本身沒有甜味，主要依靠搭配的抹茶醬、紅豆和黑糖調味。紅豆茸 通常煮得綿密起沙，甜度控制得恰到好處，不會過於甜膩，與抹茶的微苦形成經典的日式風味搭配。 抹茶軟雪糕： 一種清新、高雅、帶有輕微苦澀後回甘的甜點，平衡了甜、苦、香、醇幾種味道，吃起來完全不膩，甚至會讓人覺得有些「大人風」的成熟感。正宗的抹茶香氣。這種香氣帶有植物的清新感、類似海苔的焙烤香，以及一絲深邃的茶韻。 總結： 感覺番左日本🇯🇵咁 味道環境一流 適合聚會🎈 #荃灣#海之戀商場#紅葉茶屋#紅茶四重奏#鎌倉#小龍蝦沙律#一本鰻魚#豪華牛肉壽喜燒#日本鎌倉紅葉茶屋抹茶白玉漬#抹茶軟雪糕#過江龍

閨蜜聚舊，我哋去咗位於荃灣大河道100號海之戀商場3樓3012號舖的食晚飯，環境舒適，裝修典雅，坐得舒服。 我哋點咗： 🥢酥炸原條鰻魚丼$198+冰極菠蘿寒天梳打$21+旬之野菜 $35 原條鰻魚炸得外皮酥脆，鰻魚肉嫩滑好味；野菜材料豐富，炒得入味好食；梳打食品清涼好飲。 🥢壽司八貫配迷你櫻花蝦烏冬 $128+雪糕抹茶拿鐵 $25 有8款不同的壽司，飯粒鮮明軟綿好食，面頭的刺身好味鮮甜；烏冬好食，伴餐有菠菜和甜薯；雪糕拿鐵好好飲。 🥢刺身五點盛 $138 三文魚、帶子、魚子、甘蝦和藍鰭吞拿魚，刺身新鮮甜美，十分好味。 ＃紅葉茶屋 ＃荃灣大河道100號海之戀商場3樓3012號舖

好鍾意食日本料理嘅我哋，喺海之戀搵到新開嘅日式料理餐廳。入面採用木系嘅裝修，感覺非常和諧。晚上同朋友食下飯，傾下偈，呢度係唔錯嘅選擇。 餐廳設有好特別嘅tatami座位，入座須除鞋，望住遼闊嘅藍巴勒海域，感覺更加特色。 餐牌有唔同嘅定食料理、例如拉麵、茶漬飯及豬扒飯等。 亦有抵食二人套餐，小食及特色甜品等。選擇多多🤩 1）👍🏻豪華原條鰻魚茶清飯 （蝦湯）- 上枱時好驚喜，好大條鰻魚，擺盤型好靚。茶漬飯有兩種食法，刺身食及下湯食。鰻魚啖啖肉，非常肥美。而蝦湯作為茶漬飯好少有，蝦味濃郁，絕對值得一試 2）🐟燒花魚一夜干定食 - 製作需時15-20分鐘，但等都好值得。一夜乾燒得焦香，唔油膩，配白飯一流。定食涼菜仲有青瓜同沙葛，好fresh，唔會頂住個肚 3）🍣三文魚剌身（3片）- 新鮮肥美，魚油香十足 4）🍅胡麻凍番茄 - 清新鮮甜，咬落爽口，用嚟做前菜非常岩 5）🍤炸北海道甜蝦 - 唔好睇佢細細碟，其實入面好多蝦。炸得金黃色，好香脆，作為佐酒料理非常好！👍🏻 6）☕熱雜莓&香橙紅茶及熱蜂蜜薑紅茶 - 飲落好舒服，少少甜，好驅寒暖胃， 7）🍰謙倉紅葉茶屋抹茶提拉米蘇 - 餐廳嘅招牌甜品，抹茶控至愛，食落好多層次，有蛋糕、芝士，仲有抹茶，好鬆軟及幼滑。呢度甜品完滿了整頓晚餐！！

日本鎌倉人氣和風Cafe「紅葉茶屋」 二人前套餐$488 我哋喺荃灣海之戀商場行街時，經過見到呢間日式餐廳，發現佢地嘅二人餐好抵食。餐廳內有三張榻榻米座位，好有日本風情，仲擺滿咗好多可愛嘅熊貓毛公仔🐼，感覺溫馨又舒適。唔單止可以享受美食，仲可以一邊觀賞美景，絕對係一個難忘嘅用餐體驗🥰。 🍁紅葉茶屋二人前 $488 （每人二款前菜、主食、甜品同飲品） 🧡前菜 🥗龍蝦沙律 小龍蝦份量十足，有一球雪糕嘅份量，味道鹹香鮮甜。沙律菜新鮮爽脆，搭配清新嘅柚子汁，令人開胃。 🍱紅葉四點盛 我哋特別鍾意炸蝦，炸至香脆鹹香！芥末八爪魚帶有wasabi嘅辣味，口感黏滑，越吃越開胃！刺身有三文魚、帶子同紅蝦，紅蝦滑嫩鮮甜！仲有枝豆添，我地秒速清哂！ 🧀三文魚他他芝士脆片 追加+20 芝士脆片非常香脆，芝士味濃郁！上面係三文魚粒混合三文魚他他同三文魚籽，一啖食落去，口感好豐富！ 🧡主食 🍲牛肉壽喜燒 烏冬及麵豉湯 食壽喜燒定要配烏冬，所以我地加$10轉清湯烏冬，煙韌彈牙好吸湯啊！牛肉份量都唔少，肉味濃郁唔鞋口，壽喜燒恰到好處，唔會過鹹。 🐷吉列豬扒&廣島蠔 日本產米飯及麵豉湯 兩款都炸得非常酥脆，而且粉漿又唔會太厚身👍🏻 吉列豬扒口感柔軟，而廣島蠔咬落去係爆汁！ 🧡甜品 🧁鎌倉紅葉茶屋抹茶提拉米蘇 +$10 Tiramisu入口好滑，係清香淡雅嘅抹茶味，唔會苦澀。質地輕盈綿密，比起傳統Tiramisu更清新。 🧀抹茶雲石紋芝士蛋糕+$10 抹茶雲石芝士蛋糕真係出色！口感好軟滑，帶有淡淡嘅抹茶香氣，仲有啲獨特嘅芝士香。 🧡飲品 🍵雪糕抹茶拿鐵 抹茶香濃唔苦澀，搭配雲呢拿雪糕球，令抹茶多咗浸奶香味，飲落好順滑。 🍵雪糕白玉抹茶拿鐵 +$8 呢杯多咗大大粒嘅白玉，口感煙靭，同雪糕冷熱交融。