秘 (荃灣) – 日本餐廳

唔係第一次黎，但第一次7點左右晚飯時間直入唔使等位。嗌左板燒吉列牛小排同豚肉配明太子飯，兩個都好唔錯！不過都係吉列牛小排比較香口同有肉味，酒精爐上亦幾好玩有特色。 清酒煮廣島蠔都好好食，薯絲蝦就真係硬同油咗啲 鋪位比較細，有啲逼，坐最入嗰張枱空氣流通就一般，但食物中上價錢合理

荃灣老牌打卡排隊食店, 近排清靜了, 外賣出品不錯 中午提供漢堡飽真心好食, 價格$39-55, 抵👍👍

見今日星期一人少少出街食飯 本身食隔籬間沾麵，但依間平時星期六日都多人排隊 見今日平日又20:00冇乜人，所以就揀咗食呢間 男朋友就叫板燒吉列牛，我就出街食飯有得揀豬，我都會食豬，所以嗌咗個芝士吉列豬扒食。 服務員都已經同我講咗話要等15分鐘，我話冇問題，咁到我男朋友食到咁上下，我個吉列豬扒到啦。 首先個賣相我都有啲驚喜，因為同圖片都有好大嘅出入，味道方面真係搞唔掂，舊豬扒唔得，連個芝士都冇味。 真心係好大個失望，係食到連我男朋友都叫我唔好食:( 我問我男朋友佢個板燒吉列牛味道如何？ 佢話係正常嘅。 晚餐共盛為$262 如果依個芝士吉列豬扒要成$126，奉勸大家真係唔好食吉列豬扒。 有冇人喺呢間食開？可以建議舖頭真係停售芝士吉列豬扒，真係好失色！

「秘Secret Chefs」 大熱日式烤肉店，荃灣、佐敦、銅鑼灣同元朗都有分店，若想吃精緻、高質一些的燒肉，「秘」是個不錯的選擇！ 1. 板燒吉列牛➕晚市定食（$108➕$38） 外層炸皮是點睛之筆！很薄所以並不會搶走牛肉的口感和味道，入口酥脆，可以中和因為不停食肉而覺得油膩的感覺，吃完一大碟肉也不會漏 加了飯素調味的飯很香，鹹度剛好，不配肉也可以吃完一大碗飯 櫻花昆布湯味道清淡，可以調節味蕾，更容易品嘗出肉的鮮味。 溏心蛋蛋香味不算濃郁，但好在不腥，味道還可以～ 評分🌕🌕🌕🌕🌕 2. 朴葉味增牛肉➕晚市定食（$98➕$38） 這款燒法比較特別，牛肉下面鋪了一大塊朴葉，再用明火燒朴葉上的味增牛肉。但由於火不大，所以需要少少耐性 牛肉份量明顯比吉列牛少，只有大約8塊，完全唔夠喉 而且可能剛好給的部位肥肉和筋比較多，肉質雖然嫩滑但有些難咬 味增分量很多，撈飯吃不錯，整體而言吉列牛較為出色。 評分🌕🌕🌕🌗🌑

性價比高🩵最緊要抵食兼好味💛每人大約$150左右 🍽️秘 (享成街) (荃灣) 📍荃灣享成街22號地舖 #荃灣美食 #吉列牛 #hkfoodie #香港美食