牛角次男坊 – 牛丼餐廳

唔值，味道一般。 有筋又韌。汁又唔多，撈唔晒飯，選項又只能少汁無多汁。啲汁係燒饅魚汁嚟，都唔係啱食燒牛。 整體又唔香口，似微波爐翻叮咁。

疫情當年在東涌食過一次，當時覺得勁好味。 難得經過荃灣又見到，諗住再次光臨。 估唔差左咁多，招牌菜用成寸厚既牙菜托起扮高。賣相差不特止，連味道都好求其，同快餐差唔多，吉野家仲好過佢。 一定無下次。

如題，因為今日揸車諗吓食咩嘅時候，決定去荃灣廣場開心吓，本身心郁郁想食拉麵，最終行過，因為未試過呢間嘅牛肉丼，於是乎就錄咗入去啦。 . 我地兩個人就order 左： 1. 燒安格斯牛板腱肉丼 💲109 * +糖心蛋 💲18 * +紫菜 💲10 2. 鴨肝。牛角次男坊丼 💲142 * +套餐 麵豉湯 x 道地纖解茶 💲15 . 首先講咗個安格斯牛板腱肉丼先，黎到賣相都唔錯，大蔥碎mix 牛板腱一齊食幾fresh, 但係牛板腱因為醬汁關係偏甜，加上佢本身個飯側邊應該有青蔥伴住，略嫌少蔥，飯方面就正正常常，都係啲燒肉汁令到個飯都甜咗，對於個人口味比較偏鍾意食鹹嘢，我自己就麻麻哋。 糖心蛋就正常發揮，紫菜完全唔好食，唔係日本嘅紫菜，咬落唔脆口亦都冇味。 . 另外過鴨肝牛角次男坊丼，另一半話comment d 鴨肝無咩燒過既痕跡，軟perper 口感好一般( ･᷄ὢ･᷅ )。另外，牛肉嘅質感同埋都係比較甜，佢同我一樣，個人口味都唔係太鍾意食甜嘅牛，整體一般。 . 我哋兩個好快就食完跑走，因為未夠滿足嘅關係，都係周圍搵吓其他糖水舖開心吓。而另一半亦都放咗狠話，唔會再回頭，大家可以參考一下ʕ •ᴥ•ʔ

Lunch食咩好？唔知多唔多朋友仔係荃灣呢頭返工呢~荃灣廣場多唔同類型嘅美食，我平時經常都會同同事係荃灣廣場搵嘢食~ 「牛角次男坊」就係食過嘅其中一間，之前試咗佢個【牛角燒肉丼】同【醬燒牛舌丼】都真係好唔錯，咁啱有日男朋友放假過嚟搵我食Lunch，咁就帶佢去試試呢間順便介紹埋畀大家~ 「牛角次男坊」主打日式燒肉飯，Lunch比Dinner更抵食！Lunch有午餐定食，價錢六七十蚊左右，前排係丼飯定食，最近轉咗做盒子飯定食，套餐配有前菜同味噌湯，主食可以自選一款燒肉，都可以雙拼！ 🧡午市燒肉自選盒子飯定食【鹽燒豚腩片+燒美國草飼牛腹腩】（$69） 燒美國草飼牛腹腩醬汁好重味，鮮甜惹味，撈飯食一流，超開胃！鹽燒豚腩片就切得好薄，肉質有彈性，調味無燒牛腹腩咁重，肉味更出，可以食到脂肪嘅香味！ 🧡午市燒肉自選盒子飯定食【醬燒牛舌+鹽燒麴一口牛】（$78） 醬燒牛舌大塊薄切，爽口有嚼頭，但又唔會好韌，熟度啱啱好，一入口會係醬汁嘅香味，之後越嚼個牛味越出，好正！鹽燒麴一口牛都幾大粒，外脆內嫩，一啖咬落超滿足！

這間店舖我都在網上睇過所以 慕名而來， 但係在設計運作模式上 本人就覺得唔係咁好， 首先行到門口會見到有兩條隊要排， 第一條排入場， 然後坐低 之後點餐要到門口排第二條隊畀錢， 如果遇著一個未幫襯過 的客人， 唔多唔少都會 問多啲， 再加上收銀員 在客人點餐後又加上有少少推銷 要唔要加啲小食 和飲品， 一位客人買兩個餐 ， 有可能要五分鐘， 都幾浪費時間， 呢種參考快餐店 銷售模式 根本就唔適合 用在一間日本料理。講番食物 我點咗兩個餐一個係豬一個係牛， 兩個餐嘅肉類都比較偏甜， 而牛肉飯 都幾 敗筆， 成碗嘢由上至下 都有問題， 首先四塊紫菜， 質素非常差 簡直好似 曬乾咗嘅紙皮一樣， 牛肉太甜， 芽菜冇味， 最差 就係 最抵嘅飯非常之 濕淋， 所以 無論食物質素 和銷售模式 都有待改善。