牛摩 Wagyu More – 涮涮鍋餐廳

同朋友食飯傾計，又兩個女仔好耐無見，想搵間可以坐得耐既餐廳吹下水，唔想咁快俾人趕走 就唸起牛摩打邊爐啦！ 依家仲要做緊優惠火鍋放題任食3小時，享用3小時優惠以正價計算，但人均滿250就得啦，所以都好抵食架 今次同朋友揀左LV4特級牛小扒x安格斯牛肉餐，仲有我最鍾意既一人一鍋。 湯底方面揀左豚骨湯底 & 壽喜燒，兩款湯底同牛肉都好夾 一開始就會比左牛肉我地食先, 試下邊隻最岩食，我最推薦緊係特級牛小排啦 特級牛小扒真係好滑嫩，每一啖都充滿肉汁，牛味都幾濃郁，雪花都幾均勻，我係瘋狂encore呢碟🤣 牛肌腹亦都係我推介之一，肉汁好滑，烚一烚肉味就已經出哂黎。 仲有安格斯牛肉都係必點呀，雪花又係好靚，比較有口感，牛味好重，咬落去啲肉香真係好滿足 除咗牛肉，仲有好多海鮮、肉類、蔬菜任你拎，仲有自助醬料區，燒汁、麻醬、蒜蓉辣醬都有，自己調一啲獨家秘製醬料，食落更正！ 小食估唔到都有好多款式，炸蟹鉗，炸餃子章魚燒炸洋蔥圈，質素都唔錯㗎

今日食咗LV.2精選牛肩胛，午市90分鐘放題，一人一鍋。 湯底除咗有普通嘅豚骨湯、蕃茄薯仔湯、沙嗲湯、昆布鰹魚湯、壽喜燒、蟲草雞湯，仲有三款升級湯底，包括長野蘋果湯、麻辣鴨血湯、博多美人骨膠原啫喱雞白湯。自助放題區任食超過30款火鍋配料，食物包括羊肉卷、牛舌、半殼青口、帆立貝、魷魚圈、鴨血、枝豆、味噌青瓜、迷你甜薯、洋蔥圈、日式餃子、炸雞塊等等。 日式牛肉火鍋放題（しゃぶしゃぶ放題）之所以咁好食，關鍵在於 高質食材、鮮甜湯底、自由搭配的滿足感**，加上放題形式帶來的「任食暢快」，讓人一試上癮！ 靚牛肉油脂香濃，入口即化。放題提供美國或澳洲牛，油花分布均勻（霜降狀），輕涮幾秒，肉質柔嫩帶奶香，蘸上日式芝麻醬或柑橘醋（ポン酢），鮮味更突出。即使平價放題，牛肉質素亦比一般火鍋店高，食肉獸大滿足！ 日式服務與一人一鍋，衛生又自在；還有 自助飲品吧、甜品，整體體驗更完整。 這絕對是一家香港高質放題店！

今日去咗屯門市廣場嘅牛魔食Level 4，晚市價錢成人都只係$288一位。試咗佢哋嘅牛肉放題，真係大滿足！揀咗昆布鰹魚湯同港式蕃茄薯仔湯做湯底，味道清甜同濃郁夾得好好，襯肉打邊爐超級啱！ 首先要講特級牛小排，真係必食之選！油脂分佈得啱啱好，落湯輕輕一滾，肉香即時爆出嚟，入口嫩滑帶啲微微甘香，每一啖都幸福感爆棚，真心推介要多叫幾轉！ 之後係精選牛肩胛，肉質結實但又唔會韌，滾湯後仲保持到牛味濃郁，而且帶少少嚼勁，食落好有層次感，啱晒鐘意食得有口感嘅朋友！ 再嚟係星級牛肌腹，呢款真係驚喜！紋理分明，肉味超香濃，滾湯之後唔單止唔會散開，仲鎖住晒肉汁，食落每一啖都滿口鮮香，絕對係今次其中一個最大驚喜！

久不久就想打邊爐，不論春夏秋冬都想。晏晝食放題就最好，有大把時間消化。鐘意一人一鍋，湯底揀左蟲草花雞白湯，港式特濃沙嗲湯。今日揀左經濟嘅$139特選美國牛肩胛，除左牛仲有雞肉，豚肉，羊肉卷。牛切得好薄，但都有牛味；雞肉唔好煮太耐都滑；豚肉正常厚度，唔錯；羊肉卷就太酥和肥，麻麻地。 蔬菜區選擇不算好多，一個櫃，但新鮮補充快。丸類都係大同小異，主力都係食牛肩胛，只試左幾粒。 呢間嘅雪糕好食，有朱古力味同乳酪味，仲有爆谷機，爆谷係焦糖味，放係雪糕面或淨食都好脆。蛋糕都係日式口味，可以嘅，都係一口泡芙好食啲。 可惜枱比較細，想放多啲野都冇位。

大家就自己留意下啦 我2個人入去叫左個A5和牛既餐，三百幾蚊黎講啲食物其實真係唔錯，但係個和牛係放木盤度，個木盤.... 叫左幾盤和牛，一開頭都無點留意，一下夾曬啲肉煮，立下眼有啲怪但係無幾耐有人收盤我哋就繼續食，點知下盤又見到，個木盤邊有裂同黑黑地，再叫下盤黎到咩事都無就知之前既係似發毛，當下兩個人都冇心情食曬啲菜就埋單走咗，而家諗起覺得自己傻咗。佢哋啲肉攤開放遮到個盤邊唔夾開望唔到，如果叫和牛係木盤出嘅就注意下啦🤷🏻‍♀️