牛の鍋 – 涮涮鍋餐廳

成日行過熊貓酒店，見到呢間餐廳咁多人，今次經朋友介紹， 終於試到呢間放題打邊爐串燒在一身嘅餐廳！晚市係無限時，可以一路食一路同朋友傾計，唔驚過時 呢度放題最平$238（A餐），可以嘆盡日式刺身放題火鍋同串燒，非常豐富。而最貴個餐都係$388（C餐）, 有任食潮汕手切和牛、M5和牛、燒生蠔等， 有高級嘅享受。呢度店員嘅態度十分好，有種賓至如歸嘅感覺。 我哋今次食C餐，火鍋湯底係蕃茄同椰子雞。 湯底鮮甜，好清新，配唔同火鍋材料都係好夾。 刺生方面：選擇好多，有三文魚、北寄貝、赤貝等，仲有高級嘅帶子。刺身好新鮮，鮮甜美味。 火煱：種類好多， 除咗可以喺app度落單，亦可以喺自助櫃度攞。 我哋叫咗和牛、潮汕手切和牛、鮑魚帶子等，食落好鮮嫩 串燒：餐廳好貼心咁提供咗熱盤，唔驚串燒凍咗。 我哋叫咗雞軟骨、牛舌、羊肉串等，用孜然粉醃，燒到好惹味。 其中燒菠蘿加咗焦糖，非常美味。 飲品： 飲品款式好多，有別於一般放題只有嘅汽水同茶飲。更加有店家自家製檸檬茶菊花茶。唔會好甜，好解油膩。 甜品：我覺得甜品係驚喜位，自家製嘅甜品特別多。 有焦糖燉蛋、紅豆芋圓、抹茶巴菲、雪糕waffle。 好有誠意！ 值得多叫幾輪 🍲牛の鍋日本料理 荃華街3號悅來坊2樓202號舖

同事放工後，約我去位於荃灣荃華街3號的悅來坊2樓202號舖的《牛之鍋》食火鍋，環境舒適，坐得舒服。 我地點左2個B餐 $298/位（串燒、雞煲、炸物、刺身、火鍋海鮮、甜品、飲品、自動蔬菜吧）： 鍋底：椰子雞（清遠雞）煲和皮蛋芫荽湯，雞肉嫩滑，湯底鮮甜，一煲一湯好好味。 刺身：三文魚、泰式生蝦、帶子、八爪魚、鮑片、赤貝、北寄貝、希靈魚、珍寶赤蝦，新鮮肉嫩，非常鮮美。 串燒：燒雞髀肉、燒菠蘿、燒八爪魚、燒羊肉、燒牛舌、燒鰻魚、鮑魚、燒肥牛肉、烤榴槤，材料豐富及燒得香脆可口。 火鍋海鮮：原隻鮑魚、半殼扇貝、脆鯇魚片，新鮮又鮮甜爽口。 火鍋配料：美國肥牛肉、美國極尚牛肉、特選豚肉，牛味香濃好食。 甜品：榴槤芭菲、芒果布甸、楊枝甘露、牛奶燉蛋白、紅豆椰汁凍芋圓，都係我的至愛。 自助蔬菜吧：白菜仔、生菜、油麥菜，新鮮好食。 自助飲品吧：檸檬特飲+菊花特飲都清熱解渴，最啱飲。 #牛之鍋 #荃灣荃華街3號的悅來坊2樓202號舖 #荃灣美食 #日本菜 #銅鑼灣美食 #香港放題 #香港任食 #香港火鍋 #香港打邊爐 #香港旅游攻略 #食在香港 #香港探店 #香港美食 #香港打卡 #香港生活

今天來到這間一人任食火鍋店，雖然店面不大，但乾淨整潔，給人一種舒適的感覺。即使是平日晚上，店內也坐滿了客人，可見其受歡迎程度。 火鍋最重要的當然是食材！這裡的蔬菜種類繁多，新鮮乾淨，可以滿足不同人的需求。丸類和麵類的選擇也非常豐富，無論是經典的牛丸、魚蛋，還是特色的芝士丸、龍蝦丸，都能在這裡找到。 最令人驚喜的是這裡的牛肉，新鮮度滿分，切得薄如蟬翼，放入鍋中幾秒鐘就能煮熟。牛肉油花分布均勻，入口即化，啖啖肉香，令人回味無窮。 除了食材新鮮，這裡的湯底選擇也很多，從清淡的昆布湯到濃郁的麻辣湯，總有一款適合你。我個人推薦番茄湯底，酸甜開胃，涮肉涮菜都很好吃。 總體來說，這間一人任食火鍋店性價比很高，食材新鮮，選擇豐富，服務態度也很好，非常適合一個人想吃火鍋的時候來解解饞。

荃灣呢一個地方除咗大鴻輝，只要行遠少少，亦都有一間性價比超級高，而且包保係大大滿足嘅火鍋放題就喺悅來坊，而家仲會搞限時優惠嘅牛之鍋🤩 而家都只係三百幾蚊就已經食到餐廳裏面嘅boss—C餐. 🥳當中就包括美國和牛同埋本地著名嘅騸牯牛，另外仲有一系列嘅唔同款式放題，多元化嘅選擇，亦都係成為咗呢一度人山人海嘅畫面 本地新鮮騸牯牛— 🥩呢一個級數就好似係本地嘅和牛一樣，脂肪比肉稍為多啲，鮮紅嘅牛身比較肥美，🥩脂肪會更均勻地分布喺身體唔同部位，每一片都零舍獨特，同和牛嘅雪花紋理非常相似。 🥩而且淥嘅時間同樣都一定要控制喺10秒之內或者左右咁先至會得到最鮮嫩最滑嘅牛。 美國見島和牛— 🐮喺唔同國家嘅和牛之中美國呢一款相對上肉係較為緊致，🐮但係同時佢哋都會重視油脂嘅比例以及整體嘅感覺一定要係肉身重但係要係爽滑嘅，🥩所以見到相對上油脂比例冇日本和牛或者澳洲和牛咁誇張，但係該有嘅紋理都齊備晒，而且同樣都係好快就會淥熟，所以幾秒就已經搞掂，🐮出乎意料真係肉質好鮮嫩，成塊都係香噴噴嘅牛特別適合打隻日本蛋落去咁樣種濃郁🥚 牛嘅選擇都起碼有幾款，而且唔同部位都絕對要至少嗌足一round 。 另外當然唔可以坐過餐廳裏面嘅是日海鮮，🦪當中嘅乳山生蠔更加係搶手貨，每一隻蠔都係咁生猛同埋大份，🦪火鍋綠完之後少少縮水，但係最正嘅係鼓起嘅肉身零舍飽滿，🦪係真係零舍軟滑，而且更加令人容易接受。🦪 不過呢一度除咗可以食到火鍋之外，連刺身都有㗎。🍣 仲要選擇唔係小質素，更加係拍得住一般放題🍣刺身嘅選擇就有三文魚、希靈魚赤蝦赤貝北寄貝同埋北海道帶子，🍣每一款個肉質都係中等偏厚，而且最緊要當然係新鮮同埋鮮甜，最愛都係三文魚同埋北海道帶子始終份量真係零舍慷慨而且鮮味源源不絕🍣 當以為得刺身同埋火鍋咁又錯啦呢一度破天荒整埋串燒放題，🍢餐廳嘅店員仲要好認真咁樣去研究點樣可以令到一台客同時可以兼顧到咁多樣美食，❤️‍🔥佢哋就會用小蠟燭嚟長期令到啲串燒可以做到保溫同埋有少少加熱嘅效果。❤️‍🔥 至於串燒方面就有雞牛羊豬另外仲有牛舌雞腎同埋鮑魚，🍖每一寸都係咁足料，而且啲海鮮同樣都要以新鮮為主。🍖 食完幾樣唔同嘅放題之後當然甜品亦都係一大賣點因為呢一度推出咗好多自家製嘅甜品。🍨仲要而家係升級大碗份量咁就唔怕食完一碗唔夠又要再嘥時間再等啦，有中式有西式，🍨就唔係剩係得小蛋糕咁簡單，🧁就例如有杏仁豆腐紅豆芋圓，🥣呢一款甜品又可以養顏，而且芋圓粒粒都煙靭，最緊要都係唔太甜，咁就負擔冇咁大啦。🥣 另外仲有綠茶雪糕芭菲，🍦份量都唔細，🍦而且該有嘅元素都齊備晒，仲加埋一啲穀物脆脆同埋小丸子，🍡淨係個甜品位都已經塞到飽飽特別滿足。🍡 最後最最最瘋癲嘅就係逢星期一至四餐廳嘅任何放題都係無限限時任飲任食🤩咁就撇除晒所有時間限制想食幾多就幾多想食幾耐就幾耐啦🥳 牛の鍋日本料理 (荃灣) 荃灣荃華街3號悅來坊2樓202號舖

Ig: gan_ngo_wan_sik 🍊荃灣特色鰻魚鍋 任食烤鰻魚同火鍋配料🍊 今日同朋友去荃灣行街，途經熊貓酒店見到有間好多人食嘅火鍋店叫牛の鍋日本料理，見到餐牌除咗平時食開嘅港式火鍋湯底之外，仲有一個幾特別嘅烤鰻魚火鍋，覺得好新奇所以入咗去試吓。 個鰻魚煲好足料，可以揀醬香或者麻辣味嘅湯底，因為我朋友唔食辣，所以揀咗醬香味，鰻魚放入個煲前應該有沾咗少少粉輕輕烤過，唔會因為喺個煲入面滾得太耐而乾身，咬落去仲喺好有口感，魚身唔算多骨，仲要係無限添加，一定夠食。另外，即時like佢哋個Facebook page就會送多半隻麵包蟹。烤鰻魚食得到七八八，就可以加返醬香湯底繼續任食火鍋，火鍋材料有好多選擇，肉類例如美國極上牛肉、澳洲牛肩胛肉眼、澳洲羊肩肉、特選豚肉、草飼牛舌同五香雞件；海鮮例如鮑魚、海蝦、鱸魚片、大白蜆、紐西蘭青口、扇貝同韓國蠔肉；日式刺身同壽司；小食例如海蜇沙律、芝麻雞翼、串燒雞軟骨、燒菠蘿同台灣腸；甜品例如雪糕泡芺、牛奶燉蛋白、宇治抹茶芭菲同榴槤甘露；仲有雪櫃入邊嘅飲品都係任飲。整體嚟講，港幣三百幾蚊一個人食到超過150款任飲任食，性價比都幾高，我同朋友都食到好飽咁走，如果大家唔想咁悶食傳統火鍋湯底，都可以考慮試吓呢個烤鰻鍋！ 📍荃灣荃華街3號悅來坊2樓202號舖 位置就腳：🍊🍊🍊🍊 餐廳環境：🍊🍊🍊🍊 食物味道：🍊🍊🍊🍊 整體CP值：🍊🍊🍊🍊🍊