為食龍 – 日本餐廳

為食龍恐龍主題餐廳🦖🦖 腐皮壽司試左明太子芝士蛋黃三文魚、柚子左口魚、牛油蒜香赤蝦、辣味三文魚，全部都好足料，魚生料舖滿左面頭，每件壽司都大大件，都幾飽肚🫢🫢蒜香醬油炸雞好滑🥹🥹 皮又夠脆！個醬汁濃度岩岩好，好惹味！豐之秋柚子酒酒精濃度8%，柚子味幾出，甜甜地易入口👍🏻👍🏻

為食龍 (中環) 中環些利街2-4號LL Tower地舖及1樓 炙燒檸汁帶子 $36 帶子好鮮味、幾大粒，有粒細檸檬係plating上面，感覺refreshing呀 柚子左口魚 $33 左口魚表面有炙燒過，加上柚子既點點酸，更襯托出魚油香味 柚子胡椒油甘魚蓉 $29 同柚子左口魚一樣，柚子本身既酸都可以帶出魚蓉既鮮味，幾鐘意餐廳呢一種cross over既做法 蔥吞拿魚拖羅蓉 $34 吞拿魚蓉重蔥味，夾埋食唔算重口得黎，蔥都解左拖羅既膩，互相配合。 炙燒北寄貝沙律 $29 北寄貝重量十足，烹調用左炙燒方法，加上沙律菜 西檸蜜糖單骨雞翼 $79 單骨雞翼幾方便進食，本身雞翼有啲啲辣，不過都適合完全唔食得辣嘅人，因為配合蜜糖source都食到嘅 黃金吉列蠔 $69 蠔炸得好有技巧，好好食脆卜卜，餐廳好細心，附上特製沙律醬，食起上黎好滋味 奶蓋白玉烏龍 $62 估唔到日本餐廳飲到白玉烏龍咁出奇地好飲呀，igable 得黎好有份量，奶蓋好厚，飲到最後都仲有 棉花糖熱朱古力 $54 大大粒棉花糖，落入熱朱古力，暖笠笠啱晒天氣轉暖，同埋成日手腳冰冷嘅朋友仔飲呀🤤🤤

中環有好多日式居酒屋，呢一間出名手握壽司，熟悉呢款腐皮壽司，非常之創新地用一層腐皮去包住手握壽司，食落個味道好創新好好。另外我哋仲嗌咗其他款式嘅壽司，有：炙燒洋蔥忌廉帶子、炙燒蟹膏厚燒玉子、炙燒北寄貝沙律、明太子芝士蛋黃三文魚。我自己最鍾意明太子嗰款，明太子醬食得出個層次，再加埋芝士蛋黃醬，令到成個三文魚有一番風味。 最值得睇嘅一定係呢款蜜糖芥末炸雞，聽講平時Weekday仲會有加一蚊送一兜嘅優惠添。 免治軟骨雞肉棒伴日本生雞蛋，都係居酒屋必備，雞肉棒裏面仲有一啲雞軟骨，令到食物嘅口感層次豐富。 最後食居酒屋點可以少得酒精呢？柚子酒甜甜地，唔會太濃。

今次黎到呢間森林系以恐龍做主題嘅餐廳，令Emi記起細個果陣又一城有間熱帶雨林餐廳，每次屋企人帶我哋去都好興奮🦖 呢度主打日式料理，好似居酒屋咁，有壽司刺身、小食、飯、烏冬、酒水同埋甜品。我地就叫左呢度最人氣嘅腐皮壽司，全部都大大件好足料🍣 蟹膏甜蝦 $36 黑松露帶子 $38 柚子胡椒油甘魚 $30 炙蟹膏厚燒玉子 $34 蔥吞拿魚拖羅蓉 $35 另外我哋仲叫咗個炸豆腐，炸皮夠薄食落都係傳統嘅味道蛋包飯上面條鰻魚係超！級！大條，份量十足🈵 日式炸豆腐 $68 日式鰻魚蛋包飯 $198 豐之秋柚子酒 $88 呢度個環境氣氛都好令人樂在其中，由入門口上樓梯已經有種走入神秘叢林嘅感覺，到坐底都會見到好多detail位，周圍又有好多唔同恐龍嘅裝飾同埋擺設，真係幾有特色🦕 . Hungry Dino 為食龍 地址 ｜ 中環蘇豪些利街2-4號LL Tower地舖及1樓

朋友好鍾意食腐皮壽司，之前食過呢間恐龍主題嘅餐廳，記得佢哋係主打腐皮壽司，今日就帶朋友嚟試吓🤓 腐皮壽司全部都大大件，刺身份量又多，要分幾啖先食得曬食完成個都幾飽肚。6款都好食，個人最鍾意葱呑拿魚拖羅蓉，拖羅蓉疊到超高，食落口感綿密呑拿魚味濃 呢度真係周圍都搵到恐龍嘅蹤跡，好似去咗熱帶雨林咁🤣鍾意恐龍嘅你一定會睇到唔捨得走！就算我唔係特別鍾意恐龍嘅人都覺得呢度嘅裝修設計好得意🤤 ⚠️餐廳消費滿$400先收Visa，否則只收現金