漁川米線 – 餐廳

試了幾個漁湯飯及米線，味道還不錯，但昨天試了一個番茄湯底，完全冇番茄及茄味在內，其餘的，也很不錯。

魚湯真材實料。咁多年都係咁水準。好味。魚湯清甜，實實在在嘅魚。份量足。

荃灣平民小店 主打魚湯米線🐟🍜 3月底天氣突然又轉翻凍🌬，咁既天氣當然想食D熱辣辣嘅湯麵之類🍜，就跟左同事去覓食啦🤣 呢個米線店環境好傳統，好似好舊既冰室咁。不過，D姐姐好熱情❤️‍🔥，服務都好周到，岀餐速度都幾快～ 聽同事既推薦，呢度主打係魚湯米線🐟，所以我就點左呢個湯底。老實講，嗰魚湯係有少少失望，味道唔算特別濃；贏在份量較多，女仔可能需要叫少米啦 墨魚丸爽口彈牙，有食到墨魚粒粒，配魚湯更入味👍🏻 雲吞冇乜太大特別，不過不失 呢碗鮮茄魚湯係同事叫嘅，佢對呢個湯底反而讚不絕口🤣👍🏻，話蕃茄味好濃郁，而且豬膶一D都腥，煮得好軟笪笪 是日•點餐📝 - 魚湯米線 / 墨魚丸 / 雲吞（$44） - 鮮茄魚湯米線 / 豬膶 / 雲吞（$50） 📍漁川米線 (沙咀道) (荃灣) 荃灣沙咀道315-323號廣益大廈地下2號舖

今日上完課，又係解決晚餐嘅時候，路過咗呢間舖，畀佢啲魚湯吸引咗，就決定食佢，入到去裝修比較舊式，環境一般，朋友點咗一個杞子牛肉豬潤泡飯，自己就叫咗一個原條黃花魚米線，湯超級鮮甜，比左胡椒粉無腥味，其實黃花魚如果處理唔好係好腥㗎，呢間舖處理得乾淨，所以先令個湯只有鮮，無腥，湯入面還有鮮冬菇片同豆卜,米線爽口滑嫩，同魚湯絕配，朋友噶牛肉豬潤泡飯都好食，湯都鮮甜，牛肉質嫩爽口，豬潤煮到剛熟，不會太硬，加上杞子噶甜，口感特別，呢個湯飯都不錯，咁樣今晚嘅晚飯又解決了。

芫茜皮蛋魚片米線 $47 鯇魚片有好多碎骨, 食哂D鯇魚片要20分鐘, 肉質粗鞋麻麻哋 湯底芫茜味好重, 鍾意鮮甜魚湯嘅fans唔好揀黎嗰嘢食嚟試, 我係芫茜fans同時係魚湯fans覺得一次滿足唔倒兩個願望, 冇乜鮮甜魚味 皮蛋切得太細粒, 食落去冇乜口感 豆卜又幾吸湯, 不過冇乜豆味 米線食落爽身, 我鍾意彈口嘅米線多啲 總括黎講, 綜合價錢同埋份量, 宜家間餐廳係正常水準, 對於我來講冇乜太大記憶點同埋吸引力