滿屋日本料理大埔分店 – 自助餐餐廳

大埔高CP值日式放題 💥$298 任飲任食 120 分鐘💥 大埔食咗間超正高CP 值日式放題，不過用出外區都可以輕鬆嘆完行返屋企，平日放工去吃更抵食又不用等位，星期五六日晚好多人排隊等位。 日式放題分兩個價錢及組合： 💥A💥經典放題組合自選2小時 （74 品料理可以任飲任食） Mon to Thur $298 Fri to Sun 及公眾假期 $308 💥B💥極緻放題組合自選2小時 （87品料理可以任飲任食） Mon to Thur $398 Fri to Sun 及公眾假期 $408 今次揀咗經典A $298 任食套餐，有馬來西亞烤榴槤、刺身、手卷、壽司🍣、串燒、燒物、天婦羅、炸物同一品料理等等74多款食品，仲有自助區任你拎冷盤小食，熱盤豉椒炒蟹、章魚小丸子、炸雞翼，飲品同甜品等等，真係好豐富。 ✨刺身✨ 刺身選擇種類都唔少，第一輪叫咗三文魚、大目吞拿魚、油甘魚、帶子、赤蝦、甜蝦、赤貝、馬刀背、北寄貝同酒煮榮螺片刺身，全部都係厚切又肥美又新鮮，特別喜歡鮮甜帶子同又鮮甜又彈牙赤蝦同埋厚切又鮮味油甘魚，我哋都有再encore 。 ✨廚師推介 + 燒物 + 串燒 ✨ 叫咗辣酒煮花螺、BB乳鴿、豉椒炒蜆、爆炒鱔球、燒紐西蘭羊鞍、蒲燒鰻魚、鹽燒雞軟骨、鹽燒牛舌燒有機菠蘿🍍、竹笙瑤柱蟹肉魚翅羹、馬拉盞炒飛天通菜同黑松露鮑魚魚生撻，最喜歡鹽燒香口又juicy 牛舌，爆汁酸酸甜甜燒有機菠蘿🍍同燒到好美味紐西蘭羊鞍。 ✨壽司同手卷✨ 焦糖鵝肝壽司、龍蝦沙律同海膽手卷，三款都好食，幾Like 一口細細件壽司手卷可以試多幾款，特別鍾意creamy 又甜海膽手卷。 ✨飲品同甜品✨ 飲品有勁多選擇，汔水、果汁、烏龍茶、檸檬茶、啤酒、清酒、梅酒等等都係任飲，不用加錢，抵讚。 甜品Tiramisu、布甸、芝士蛋糕、棉花糖、啫喱糖，仲有好多不同種類雪糕雪條無限供應，最正有Haagen-Dazs 同至愛Movenpick 雪糕任食，真係無得輸。 @manya_japanese_tp 喜歡我的分享？記得like 🩷 + Follow📌我！

去完日本旅行返嚟個幾月，太掛住日本嘢食，所以去咗食放題頂頂癮。今次我哋去咗近近地坐一程小巴到嘅大埔滿屋日本料理。 首先入到去地方好闊落，整體感覺都乾淨衛生，因為之前去過d放題餐廳地下係痴笠笠，依間個地下、出面自助區等地方都好乾淨。今次我哋揀咗晚市套餐A - $298/成人，有77樣嘢食可以揀。佢哋其實唔止日本菜，仲有馬拉盞通菜、燒羊架、炒蜆、乳鴿、瑤柱粥、燒榴槤等等。 飲品區 有兩大個雪櫃，好多款嘢飲，目測有二十款左右，支裝罐裝盒裝都有，仲有清酒同梅酒任斟。 刺身 d刺身好新鮮，尤其老公最愛嘅油甘魚。Menu寫住空運油甘魚真係無吹水，同係日本魚市場食嘅分別不大。仲有平時係香港食到嘅吞拿魚質素都比較差，但依間嘅空運大目吞拿魚同日本食嘅無乜分別。 壽司手卷 基本上經典嘅壽司都有，今次特別推薦焦糖鵝肝壽司、海膽手卷，兩個都入口即融，回本之選。 燒物 牛舌、雞軟骨好正，必食，送酒一流。食羊嘅朋友仲可以食燒羊架。 榴槤 身為榴槤控梗係點左烤榴槤嚟食，我都係第一次食「熟左」嘅榴槤，原來烤過嘅榴槤係會更加「香」🤣 仲有貓山王榴槤炸彈同榴槤泡芙都好想食，但一個人食完個烤榴槤已經好飽又無人share, 所以試唔到其餘兩樣。 仲有茶碗蒸、烏冬、瑤柱海皇粥、天婦羅等等熟食小朋友都食得。茶碗蒸上面仲有黑松露醬；烏冬細細碗，唔會話食唔晒浪費；瑤柱粥入面真係有原粒乾瑤柱，好足料，估唔到又幾好食。其實我哋仲想食BB乳鴿，但實在已經飽飽，仲要留返位置食甜品，所以唯有下次先再試。 最後，我哋要推介係個雪糕櫃竟然有Haagen Dazs杯裝雪糕任食，連出面一度斷晒貨嘅笨nana都有，仲有小朋友最愛嘅朱古力噴泉，所以食得好開心。

今日去咗大埔食放題，嚟到呢間滿屋，門口已經期滿人， 但店員都好細心，好快就為我哋安排到座位。 一入到門口，就見佢有各式各樣嘅熟食，種類都算好多，仲有個朱古力噴泉，可以俾小朋友做甜品，另外，當然仲有多款甜品，雪糕，飲品。 用食方面，佢嘅刺身種類都算多新鮮，好似吞拿魚， 三文魚，甜蝦，帶子等等。 我亦欣賞佢哋上得好快。 我哋叫咗三轉，三轉都上齊，而且唔會等好耐。 另外仲有多款壽司，手卷，包括鵝肝壽司，花之戀壽司， 海膽手卷，都係我好欣賞嘅。 熟食方面，有羊架， 天富羅， 牛肉，鍋，蟹粥等等。 總括來講，一般想食嘅都齊全了。 只有多沒有少，性價比高， 值得回頭。 📍滿屋日本料理 📪大埔超級城C區地下542-548號舖 @manya_japanese_tp #大埔美食 #大埔放題 #放題 #優質放題 #抵食放題 #性價比高 #foodie #刺身

🐠刺身
挪威三文魚 大目吞拿魚 油甘魚 泰式生蝦 各種貝類 仿鮑片 甜蝦🦐帆立貝 全部冰鎮新鮮💦 🍙手卷 海膽 🦞龍蝦沙律 三文魚籽 迷你size 細件唔會太飽可以叫多幾款 🍢串燒 鹽燒牛舌惹味🐮有機菠蘿少熱辣辣好juicy 隔離檯叫嘅份量叫到砌返隻菠蘿出嚟都得🍍 🍲一品料理 竹笙瑤柱蟹肉魚翅羮材料豐富 誠意十足 每啖都食到瑤柱絲同魚翅瓜🥒 🔥燒物 扇貝配埋芝士沙律菇粒醬 🐏羊鞍超香口醃料調味夠 屋企人最愛 🦐天婦羅 香脆炸皮虎蝦比帝皇蟹棒好食🦀 🍤炸物 估唔到BB乳鴿咁中式都有🐦 紅糖糍粑炸得外脆內煙韌又空氣感 有驚喜 🍨甜品 雪糕🍦蛋糕🍮布甸樣樣齊又多款色 Haagen Dazs任食都好回本
 仲有馬來西亞D24榴槤任食！

今日去左最近討論到好高御滿屋食放題 我揀咗去大埔超級城分店 我選擇左平日六點去 一入到去都見到客人喺度 睇黎最近真係好熱門🤣 食物非常有驚喜！！！ 絕對可以回本！！！ 刺身好新鮮 質素係由頭到尾都一樣係咁高質👍🏻 連通菜同乳鴿都係熱辣辣出煙咁上菜🔥 重點！全埸任飲 日本清酒 啤酒 水果酒 全部都齊！🍹 刺身推： 🗯三文魚 希靈魚 油甘魚 北寄貝 赤貝 帶子 阿根廷赤蝦 燒物炸物推薦： 🗯鹽燒牛舌 (驚喜) 🗯BB乳鴒 (驚喜) 🗯芝麻雞翼 (驚喜) 🗯鹽燒雞翼 🗯燒菠蘿 🗯御品鮑汁燴花膠 花膠超大舊超彈牙 質素唔錯 店舖坐得幾舒舒服服 好適合同朋友聚會同埋家庭聚會 枱與枱之間唔會太迫 好少放題可以做到！ 呢個價錢可以做到呢個質素，真係好驚嘆 以後又多一個地方食嘢啦🥰 📍滿屋日本料理 (大埔) 大埔安邦路8&10號大埔超級城C區地下542-548號舖