海鮮角樂 – 海鮮餐廳

海鮮角樂 一直想試阿媽魚湯，終於有機會一試。 午餐點了籠仔海鮮蒸飯，加$12有阿媽魚湯，加$12有大碟雜菜。籠仔海鮮飯有蜆、魷魚、蟶子和金銀蒜粉絲。海鮮鮮甜，不過老，粉絲好味，如果有辣椒豉油更好，可惜飯粒比較軟腍。阿媽魚湯足料冇味精，雜菜有菜心白菜等等，大大碟， 加送一杯生薑蜜。 大大份午餐，豐富得不得了。

裝潢懷舊、簡約的一家小店，有如店名，主打海鮮，賣相及味道確是色香味味美；三人行，店家建議套餐三人份量，精選俱全… 材料新鮮.，海鮮蒸飯 添完再添..

睇介紹話呢到用嘅海鮮係每日長洲送貨，星期六嚟試一下午餐。可能因為呢到午市係由正午12點至3點，而且店鋪門面又縮入左少少嘅關係，一點多現場沒有其他食客，隔幾間鋪西餐就反而滿座。有午餐套餐，包主食，一杯飲品，及可加$12 亞媽魚湯或者白灼雜菜，亦可點選主菜單食品。點了一個午餐海鮮蒸籠飯加亞媽魚湯，鹽燒原隻大虎蝦，汁燒羊架，海膽魚餅，串燒濃汁牛丸，串燒魚肉春卷。好多人介紹嘅海鮮蒸籠飯，午餐較平，所以海鮮只有墨魚，紅錢貝，蜆，加入少量粉絲，豉油及蒜蓉鋪上飯面放入竹籠蒸。$88 但海鮮及飯份量不會太少，我兩人分着食加上其他食物都很滿足。紅錢貝，蜆等偏細，但海鮮非常新鮮，都彈牙，白飯及粉絲都吸收了海鮮汁及豉油，十分夠味。主菜單有特盛海鮮蒸籠飯，有龍蝦及蟶子皇，當然價錢會比較貴。亞媽魚湯奶白色濃郁魚味，但偏少少魚腥味，可自己加入少量枱面白胡椒粉即變無腥味好飲。海膽魚餅由中空墨魚餅釀入海膽半煎炸，咬下去變流心海膽，相當不錯。串燒濃汁牛丸、魚肉春卷都燒得剛剛，牛丸外皮脆但咬入去很有肉汁，魚肉春卷也不錯。汁燒羊架有少驚喜，羊肉味足但不騷，羊肉唔柴易咬唔韌。反而虎蝦較一般。

未去過嘅可以試吓套餐再加野。 今次 a la carte，依然keep到水準。 油泡東星斑無得輸，呢個要預訂。 蒜蓉粉絲蒸扇貝同鹽燒蟶子好食。 魚湯加菜唔腥幾鮮甜呢個價錢其實抵飲。 唔夠飽嘅仲有小菜同串燒。 以呢個質素同份量，價錢非常合理。

今晚諗住同朋友去食海鮮餐,上網睇有乜好介紹,因在港島區,所以被介紹位於西環這間海鮮角樂,6点剛开晚市,所以不用等位,一心諗住試下（最大意沒有先看食評）,最終我点了二人用的八款海鮮餐$729,首先（第一道）來了大鍋魚湯,但沒什麼魚味,只有幾粒红蘿蔔在其中。（第二道）是蒜蓉蒸扇貝,普普通通,沒有特别。（第三道）是開邊芝士焗龍蝦,但熱度不足,芝士沒有焗香感覺。（第四道）是烤雞翼,任烤出來的雞翼不乾身,一面有少許燒焦,但另一面似燘雞翼,味道不足。（第五道）蒸雜菜,但全盆菜不熱,只有微暖感覺,菜中加上的蒜蓉似過期罐頭蒜蓉,全無賣相,口感亦不佳。（第六道）感覺最離譜,寫名二人份慢煮東星斑魚扒,夠膽死只煎炸出一截大約五吋長魚尾當魚扒,我問侍應小姐是否出錯,她入厨房問完厨師後回覆,厨師話呢碟就係慢煮東星斑魚扒,真係即時感覺入了黑店。到（第七道）燒豬肋骨時,有三件上碟送到,首先同朋友各人吃一件時,大家都不約而同試出肋骨無味,只是点檔腌過一下,到我食第三件時,第一啖入口就肉質不熟,於是我亦同侍應小姐講此肉不熟,她首先回覆：我攞入厨房叫厨師做過。隔一會嚟埋（第八道）蠔仔湯飯,但也沒有應有的調味味道,連基本的左口魚（或左口魚粉）也沒有,只有蠔仔同一些肉碎的味道。我由6時進入舖内,6：20分order,足足食了兩小時零10分,8時10分結賬,結賬時我隨口問侍應小姐一句,我剛才未熟你豬肋骨点處理？姐竟然好快回覆我：就擺咗喺廚房入面。我聽後都無mood同佢跟進,連同叫了一支疏打水,埋單成為$817,這一餐真係我呢幾十年感覺最差的一餐,價錢已不算平,服務同食物真係絕對差勁,仲有一提,好奇怪這餐廳只供應客人碗、匙羹及一双筷子,沒有刀、义提供,在吃龍蝦和豬肋骨都是用筷子,真係有点奇怪。這全是本人親身經歷及感覺,離開店後我與朋友都好奇,這樣的質素怎麼仍然能生存到呢？🤔🤔