海言どんぶり専門店 – 日本餐廳

中環地庫居然都會有魚生丼飯食！ 比較不起眼！ 要落足眼力先會見到門口！ 下單後才發現原來有包埋沙律、茶碗蒸、櫻花蝦清湯 這間水準很高！媲美一般omakase 質素 而且環境光猛又乾淨！ 茶碗蒸比較特別有蘿蔔蓉 口感比較消暑清爽！ 沙律則是有爽脆粟米、蕃茄仔等配上柚子醋 呢間勝在材料新鮮鮮美！而且製作認真！ 即叫即整！超用心的！ 職員建議我地魚生丼飯由左至右打圈咁食法！ 咁樣可以最後先食到油脂味比較重嘅魚生！ ·海言廚師發辦魚生飯 （特上） 由廚師發辦的15款時令刺身魚生飯！ 基本上所有魚生種類都齊晒！海膽好鮮甜！ 而且仲有蟹肉添！ 左口魚經火灸後有濃濃的油香～～～ 好香口！ ·江户前散壽司 （特上） 用傳統飯丼上菜！有13款魚生刺身！ 還有最愛的牛蒡漬物作拌菜！💕 也有腐皮 跟玉子燒 超美味！ 海言どんぶり専門店 (中環) 📍：中環威靈頓街55號地庫

# 【食評】中環隱世高質日本丼飯 —— 海言 Mikoto Donburi 放工之後想搵個地方輕鬆食返餐高質晚飯，今次就同老婆嚟咗中環威靈頓街嘅一間隱世小店——**海言**。地方唔算大，但係裝修簡約乾淨，木系設計加埋柔和燈光，氣氛好舒服，坐低已經有種放鬆嘅感覺。 --- ## 🍴 前菜 一開始送上沙律同茶碗蒸。 - **沙律**：擺盤用心，好有層次感，菜葉新鮮爽脆，粟米甜美，再配埋酸酸甜甜嘅日式醋汁，清新又開胃。 - **茶碗蒸**：入口滑溜，蛋味清淡，雖然唔算特別突出，但作為前菜已經好適合，唔會搶走之後主角嘅光芒。 --- ## 🍚 主角丼飯 我哋點咗兩款重點推介嘅魚生飯： ### 1️⃣ 海言廚師發辦極上魚生飯（$430） 真係一碗睇見已經開心嘅丼！魚生款式非常豐富，仲有店員細心解釋食用次序，體驗加分。 - **海膽**：鮮甜無腥味，入口即化。 - **秋刀魚**：少見又新鮮，油脂香氣同飯特別夾。 - **吞拿魚、帶子、甜蝦**：全部鮮味突出，有啲仲經過輕微火炙，帶出另一層香氣，唔會太膩。 加埋晶瑩日本米飯，每啖都食得出廚師嘅心機。 ### 2️⃣ 特盛藍鰭吞拿魚魚生飯（$340） 呢碗就係吞拿魚迷必試！入面有三四個唔同部位嘅吞拿魚： - **中拖羅**：油脂豐盈，入口即溶。 - **赤身**：魚味濃郁。 - **吞拿魚蓉**：口感綿滑，配飯食好正。 整體魚味濃厚但唔膩，魚生厚切得嚟依然保持細緻，食到質感同層次感。 --- ## 🍲 湯品 最後仲有一碗清湯，唔係一般味噌湯，而係清澈舒服嘅魚湯，有解膩效果，為成餐劃上完美句號。 --- ## 💰 價錢 兩個人共 $847（已包服務費），平均人均大概 $423。雖然唔算平，但以中環地段加上食材質素，其實相當合理。 --- ## 👨‍🍳 服務同用餐體驗 店員態度好親切，會主動解釋食材同食法，一路都見到廚師專注咁處理魚生，感受到佢哋嘅用心。環境雖然細，但氣氛好溫馨，適合情侶或者朋友小聚。 --- ## ⭐ 總結 **海言 Mikoto Donburi** 真係一間高質隱世丼飯店，魚生新鮮、擺盤精緻、服務到位。雖然價錢稍高，但食材同體驗完全對得起價錢。 👉 **推介指數：★★★★☆（4.5/5）** 下次會再返嚟試其他丼飯，特別想試埋佢嘅江戶前壽司飯系列！

喺香港都食到日本新鮮魚生飯，猶如置身喺當地漁市場一樣是晚吃了其中兩款，都有令我讚歎的感覺！ 海言廚師發辦魚生飯（特上） $430 由廚師選用是日最佳的刺身食材製作而成，刺身種類多達至少10款，是晚有海膽、三文魚子、帆立貝、油甘魚、鰤魚、鯛魚、蟹肉、拖羅、生蠔等，款款都滋味出色。多款刺身令魚生飯顏色悅目，令人食慾大增。最令我欣賞的是海膽、帆立貝、生蠔、拖羅。海膽甘甜鮮美，口感滑嫩，海洋味豐富；帆立貝肉質鮮嫩，彈牙新鮮；生蠔多汁清甜，帶點爽口；拖羅油脂不錯，帶點魚油香，質感綿滑。 江戶前散壽司 $370 另一款精緻美味的海鮮丼，配料多達15款，除了刺身類，還有炙燒類，經微燒過後，魚皮香脆，魚油香更加能散發出來。而且還有腐皮和甜蛋，種類豐富！刺身都很新鮮甘香。這款刺身飯的飯底加入了海苔和特調汁，味道較濃郁，很特別！

「海言」中環隱世魚生飯！ 今日誤打誤撞入左呢間「海言」，估唔到大有驚喜！食材認真到嚇親人！套餐包齊沙律、茶碗蒸、麵豉湯，魚生控必試～ 🌊 特上海言廚師發辦魚生飯 🍣🔥 視覺核爆級💥！碗面堆滿當日鮮貨： 北海道海膽creamy無苦味；吞拿魚腩油花靚到透光，入口即溶魚油甘香💫 三文魚籽爆汁鹹鮮，無腥味；甜蝦黏糯帶膠質 🦐 仲有其他不能盡錄，淨係睇住個魚生山都勁興奮🤩醋飯微暖完美帶出魚鮮，撈埋wasabi豉油，每一啖都幸福到震！ 🐮 A4和牛燒肉飯 和牛片燒到岩岩好，油脂融化滲落飯粒，燒肉汁甜香唔搶牛味，重點係份量超多🥳邪惡度爆錶 🥗 附餐三寶 沙律用新鮮菜，配上柚子醋，酸爽醒胃 茶碗蒸滑到似布甸，高湯香氣十足，底下仲有唔同既配料！ 麵豉湯唔係例湯貨色，飲到鰹魚鮮味，仲有海帶豆腐，完美作結！

座位都幾舒服，同埋店員服務亦都好到位，整體感覺都好好。 前菜會有個沙律，好香嘅柚子醋味，配埋豆苗、沙律菜、蕃茄仔、好甜嘅南瓜，仲有大量椰菜，最貼心係可以成粒食嘅粟米，（已經處理咗冇粟米芯)。另外個蘿蔔蓉茶碗蒸都好清新，成件事勁啱夏天食好消暑。 廚師發辦刺身丼 店員細心介紹進食的次序，一邊係刺身，另一邊係火炙過嘅魚生，入面有好多款唔同嘅魚，我自己就先食海膽同埋三文魚子，入口勁甜勁新鮮，入面有各切咗嘅海老味道勁鮮甜，亦都有蟹肉同埋火炙過嘅金目雕，大拖羅油脂分布好平均超級好味，不愧係餐廳嘅主打，入面仲有好大粒帶子，所有魚生都好新鮮係靚料嚟嘅，一部份刺身同埋一部份火炙，就唔會咁悶，口感豐富好多。 江戶前散壽司 入面亦都有海膽同埋好多三文魚，整體上同廚師發辦刺身丼相近，個飯底有啲唔同係薑絲紫菜，入面亦都多咗啲漬物、每次見到有牛蒡我都好開心，仲有豆皮同埋玉子燒，我覺得都係屬於日本菜式嘅靈魂之一，魚生全部都好新鮮。最後飲埋個櫻花蝦味噌湯，暖一暖胃，個人即刻舒服晒。