泰Grill (荃灣享和街) – 泰國餐廳

成日幫襯荃灣西餐廳，又鍾意食泰菜，竟然未食過呢間泰Grill, 今次又約咗朋友嚟發掘新餐廳。小店座位大概二十多個，裝修走簡約清新風。晚上6:00左右到達，已有一枱外國客，之後陸續都係一班一班人嘅Booking。早食飯嘅好處就係唔使等位！見到隔籬枱嘅食物份量好大，於是同朋友保守叫咗一個小食拼盤、一個主食，加2杯嘢飲，就已經飽飽！ ——————————————————————— ✔️Omelet Pad Thai with Tiger Prawns $128 蛋包虎蝦炒金邊粉 金邊粉酸酸甜甜有鑊氣，呢個天氣食好適合。整體賣相有誠意，用金黃色網紋蛋皮包裹金邊粉，上面仲有大大隻一開二炸虎蝦！ ✔️Thai Style Platter $128 泰式小食拼盤 有雞翼、炸春卷、炸蝦餅各四件。雞翼外皮煙靭內裏雞肉嫩口，炸春卷同蝦餅即叫即炸，油香四溢，又脆又香口。 ✔️Cold Thai Milk Tea $22 凍泰式奶茶 又甜又多冰，係正宗泰式奶茶嘅風味！ ✔️Iced Longon $38 龍眼冰 清甜解膩，加上龍眼果肉，散發自然清香！

今次嚟到荃灣行下～尋覓下附近有啲咩好食呢？ 今次污嘴狗搵到一間好多人食嘅泰國菜！ 除咗佢服務質素好好之外🥰我地都留意到牆身有長駐畫家畫嘅畫～增添餐廳嘅藝術氣息🖼️！而且食物款式至多至好味！包你一定歡喜👍🏻！ 𝑭𝑶𝑶𝑫𝑺 1〉蛋包虎蝦炒金邊粉 $128 （大推薦🌟） 除咗用蛋包金邊粉嘅賣相已經好有特色好精緻～虎蝦大件得嚟好肉嫩彈牙多汁！掂啊！ 2〉炸蝦餅 $78 （推薦🌟） 炸到金金黃黃好吸引～熱辣辣新鮮即整上枱！每一粒都好大粒～食落皮薄餡靚！蝦肉肉質好彈牙！ 3〉串燒（3串 - 雞，牛，豬） $48 每串嘅肉質都好彈牙又唔會燒得太乾～醃製嘅味道唔會太過濃！啱啱好！最欣賞嘅係佢好易用筷子夾開一粒粒！ 4〉蒜蓉包 $35 每一塊都好脆口，每一塊都好足料！蒜蓉同牛油味好足夠！大大塊，性價比好高！ 𝑫𝑹𝑰𝑵𝑲 5〉椰汁沙冰 $48 （推薦🌟） 第一啖飲WO妹「嘩」咗聲，真係好濃郁椰汁味！飲落好綿綿，入口即溶～而且甜度平衡好好，甜而不膩！好fresh嘅感覺～ - 環境．9/10 服務．9.5/10 人均．$170～200 污嘴狗覓食指數．9.5/10 #污嘴狗 #hkfoodie #hkfood #food #hkig #instafood #foodie #hkfoodblogger #hkrestaurant #hkrestaurants #streetfood #美食 #美食分享 #荃灣 #泰Grill #泰國菜

今次去左荃灣尋覓美食，發現呢間性價比高又環境舒適既泰Grill, 裹面既店員都係泰國人，服務態度良好，適逢係假期去食，估吾到連放假都有set menu, 實在太好了！！！ 海南雞飯套餐🐓🍚 雞飯整體都幾好，雞肉嫩滑，飯就有少少乾，但都有好香入味。我哋仲追加咗蝦餅，好香脆可口，搭配泰式辣醬非常好食，誠意推薦。 蛋包虎蝦炒金邊粉套餐🥚🦐 金邊粉賣相吸引，食落都不錯，酸甜口味，可以無甘多油就更好，隻虎蝦好大隻足料。當然唔少得追加芒果糯米飯，好軟糯又夠熱既糯米飯配上椰汁，食吾停口。 跟餐:青木瓜沙律 跟餐飲品:椰汁冰 跟餐飲品:龍眼冰

復活節無打算外遊，留港消費，所以，在荃新天地看完早場，再來到享和街覓食，皆因這裡選擇多多。最後，來了「泰Grill」因為很久沒吃過泰菜了。環境方面，感覺清雅脫俗，近門口又放置了一些植物，加上吊燈、藤椅，頗有泰國風情。 食物方面，主餐牌就有很多選擇，不過，吃得精明划算就對準午市套餐吧，包沙律或餐湯、主食、飲品，以所揀的主食來定價；而飲品有升級優惠，亦可以加配小食或甜品。 既然點了兩個餐，自不然一個要「冬陰功湯（細）」，另一個要了「青木瓜沙律」了。前者辣度溫和，帶微微酸及少少香料味，頗為開胃；後者的青木瓜絲、甘筍絲口感爽脆，而汁底的辣度比冬陰功湯高，不過，辣得來就不會嗆喉，加多幾分酸香味，令人變得更開胃 主食就選了「手打青咖喱雞肉米線」及「軟殼蟹蟹肉炒飯」，泰式咖喱一向都非常有特色，分青咖喱、紅咖喱、黃咖喱，這個青咖喱米線很有辣勁，刺激過癮，咖喱質感較厚身，掛米線，確好吃，雞肉亦不錯，個人而言，只是嫌米線有少少偏腍。炒飯。個炒飯炒得爽身，又吃到絲絲蟹肉，軟殼蟹炸得香口，味道不俗。 餐飲升級了「龍眼冰」，糖水底清潤，甜味純香自然，而龍眼一吃就知不是罐頭貨色，有種蜜香；熱青檸水跟平常飲檸水的味道很不同，青檸有種獨有的芳香。 既然有加配優惠，就促使我們多點一份蝦餅當餐前小食，炸得金黃香脆，入口又頗為彈牙，佐以泰式酸辣醬，令食味再升一級。另外，加配一客「芒果糯米飯」作甜點，最欣賞是用上白糯米搭黑糯米，暖暖的，軟糯煙韌，混上椰奶，好吃，再者，芒果夠熟，入口味道清甜。 分量足，定價親民，加上午餐的選項又甚具彈性，可以說是性價比高的泰國餐廳，值得再訪的小店。

海南雞飯套餐 $75 套餐包沙律/湯同一杯嘢飲 冬陰功湯幾惹味🌶️ 海南雞飯 雞ok滑 份量適中 加購價叫咗甜品 芒果糯米飯 $38 個糯米飯熱辣辣 淋上椰漿幾好食 芒果都幾甜 整體嚟講幾出色👍🏻 泰式酸辣魷魚 $148 魷魚幾爽 唔難咬 魷魚底下有啲雜菜同配料🦑 湯底酸酸地好開胃 雜菜索晒啲汁幾好食 但如果可以熱啲會更好～ 炸蝦餅 $78 即叫即炸 幾脆口 但少少難咬 泰式串燒 (六串) $88 豬、牛、羊各2串 燒得幾好 唔會太乾