楓子珈琲 – 咖啡店

充滿復古懷舊風啲咖啡店 門外木系設計都非常適合打卡💓 🔸櫻花蝦豆乳擔擔讚岐湯烏冬 烏冬以石鍋上，櫻花蝦鋪滿喺烏冬上，視覺效果已經滿分💯，烏冬裏面仲有肉碎及豆腐，口感豐富，豆乳味非常香濃+有少少辣味，非常好味🤤 🔸烤雞肉吐司 烤雞肉有厚度，掌握時間非常好，雞肉柔嫩又多汁，麵包烤得香香脆脆，加埋七味份及蛋黃醬調味，好惹味 🔸明太子蟹肉意粉 將表面明太子拌勻時就發現原來好多蟹肉，每一啖都有明太子及蟹肉，每條意粉都好掛醬汁，整體非常Creamy～ 留意返假日需要等位～ 📍楓子珈琲 (太子) 太子楓樹街5號南楓樓地舖

走入呢間小店，好似打開咗一本泛黃相簿。木製桌椅、留聲機、牆上懷舊海報，每一件擺設都藏住一段故事。陽光透過復古玻璃窗灑落嚟，落喺每張餐巾上，好似光影寫成嘅情書。 我點咗佢哋嘅招牌—櫻花蝦豆乳擔擔讚岐湯烏冬。鋪滿櫻花蝦，湯底微辣帶豆乳香，仲有嫩滑豆腐，暖胃又開胃。再配一杯Rose Latte，唔會太甜，花香淡淡，好啱靜靜咁過一個午後。呢度唔止係餐廳，更似一個可以暫時離開現實節奏、同自己傾偈嘅空間。📷🍽

#eatgood_太子 🍝明太子蟹肉意粉 $138 入邊有蟹籽少少明太子，同埋好少嘅蟹肉，食落去係Creamy嘅，但係忌廉奶香味唔算好重，整體係比較鹹少少，普通。 🍝虎蝦喇沙意粉 $158 喇沙反而好食啲，比較鹹辣恰到好處 唔會太辣 蝦都有三隻都係爽口彈牙。 🍰焦糖布蕾巴斯克芝士蛋糕 $70 芝士蛋糕燒到好香脆焦糖係甜甜地，入邊係好Creamy好軟滑，芝士味都夠濃郁，有少少流心！ ☕️Latte $40 咖啡味好濃，幾香滑，唔會太苦澀！ 推薦指數: 7/10 意粉還好，甜品好食，限時90分鐘！ 📍楓子珈琲 (太子) 太子楓樹街5號南楓樓地舖 #香港美食 #hkfoodie #食好西 #hkig #hkeat #hkfood #food #tasty

建議提早book位，就唔洗等位。至於梳化位置要提早一星期book先有。同朋友叫咗櫻花蝦擔擔湯烏冬、明太子意粉、巴斯克蛋糕、西柚梳打同Latte。餐點味道一般，不過不失，但價錢偏高，人均$150-200，不過主要係環境同埋餐點都靚，適合影相。要加一服務費。

咖啡好飲，有質素，甜品出色，其他食物都唔錯。店舖地方很細，坐位少，有點擠迫。但用心佈置，裝飾擺設很有特色，打卡好去處。