桂花小幸 (元朗店) – 台灣餐廳

今次同朋友試咗呢間好有台灣feel嘅餐廳，兩個餐都超有驚喜！我嗌咗蕃茄花枝丸米線，湯底酸甜開胃，蕃茄味好濃郁，花枝丸彈牙有嚼勁，仲有啲蔬菜做配搭，成碗好清爽。朋友叫咗紅燒牛三寶麵，牛筋煮到超淋滑，牛腩入味鬆化，牛肚爽口冇異味，個紅燒湯底香濃得嚟唔會太鹹，撈埋麵食真係一流！ 小食試咗桂花雞翼，外皮炸到金黃香脆，咬落去有淡淡桂花香，甜甜哋好特別，肉質仲keep到嫩滑多汁。飲品方面，芝士奶蓋桂花烏龍茶茶底清香，奶蓋濃郁，兩者出奇地夾；珍珠鮮奶烏嘅珍珠煙韌有咬口，鮮奶香滑，甜度啱啱好。 整體嚟講，食物質素高，份量夠大，價錢合理，絕對會再encore！

🍚鹽酥雞排滷肉飯 極推鹽酥雞扒，炸得皮脆肉嫩，咬落有咔咔聲，肉汁流出黎，滷肉味香而份量足夠，可以撈晒成個飯‼️ 🍚酥炸排骨滷肉飯 排骨炸得香脆，咬落有肉汁，再加埋出色既滷肉汁，食落口勁滿足。 🍗鹽酥雞排 由於呢份鹽酥雞排真係太出色，忍唔住要叫多份黎食🤤 🧋芝士奶蓋阿華田 奶蓋口感順滑，芝士奶蓋味又非常濃郁，阿華田味唔會淡，撈埋啲奶蓋黎飲更加正👍🏻 🧋芝士奶蓋白桃烏龍茶 呢杯個奶蓋同阿華田一樣，正‼️白桃同烏龍茶味道好夾，好清香

20250830 桂花小幸 元朗廣場 足料燉湯 + 入味牛腩。 牛腩淋，唔韌。推介！ 滷肉飯唔似一般嘅超鹹，呢個好「送飯」，正👍 附有蔬菜，均衡啲，唔係肉肉肉。 燉湯鮮，不似味精湯，飲完唔口渴。懶煲湯嘅記得叫呢個套餐。

🌟 **百香果QQ綠茶** 呢杯飲品酸酸甜甜🍹，配上QQ啫喱，口感幾好。不過甜度同冰度都可以按自己喜好調較，呢點幾貼心。 🍲 **滷水蛋牛腩滷肉飯** 滷水蛋香滑入味🥚，牛腩煮得好腍，入口即化👏，再加上滷肉嘅鹹香味，成碗飯都非常惹味～整體味道非常滿意。 🍜 **紅燒半筋半腩牛肉麵** 湯底濃郁，帶啲微微嘅辣，幾開胃～牛腩同筋都好淋滑，唔會咬唔開👍 🌸 **桂圓薑茶** 薑味唔算太強烈，帶少少甜味，適合怕薑味太重嘅朋友～飲完覺得暖笠笠🥰。

今日心思思想食台灣菜，經過元朗廣場桂花小幸餐廳主打台式料理，今次又入去品嚐下台式美食啦！餐廳台式風格裝修，簡約帶文青風，環境舒適悠閑 🍜紅燒半筋半腩牛肉麵 $78 大大碗嘅牛肉麵湯底濃郁，食得出啖啖都係精華，牛腩份量好多，每塊比想像中仲要厚，好有口感，而牛筋就炆至軟身，口感黏黏嘅，台灣麵條較粗身，爽口彈牙，配備鮮爽嘅蔬菜，覺得牛肉麵係必食嘅。 🥚滷水蛋牛腩滷肉飯 $75 滷肉飯是我喜歡台灣料理之一，真的必吃！滷肉肥瘦適中，肉質鮮嫩多汁，豬肉加上香濃醬料 ; 牛腩鬆軟，咬落去軟身唔韌，拌勻一齊食好味道，滷肉係好餸飯，加埋炆得入味嘅滷水蛋，滷水味亦唔會過鹹，美味。 🐥古早味滷水雞翼 $45 小食滷水雞翼滷得入味，充滿滷水香味，唔會偏鹹，雞翼飽滿，肉質嫩滑有肉汁，一咬即化，食起來好滋味。 🌼桂圓蘆薈菊花茶 $30 夏天飲杯凍菊花茶清下熱，菊花嘅香氣散發出來，茶味甘香，清甜嘅蘆薈和桂圓，微甜不會太甜，滋潤順喉。 🥤超濃郁可可 $28 呢款飲品味道真係好濃微甜，甜度適中，可可味道濃郁，又帶少少甘味，口感幼滑香甜。