木玥巷 (屯門店) – 台灣餐廳

服務態度好，環境播的音樂很喜歡，但該店推介的刈包肉鹹，包底已變硬，七成是肥豬肉，蛋卷肉鬆小無味，咖啡稀，差過沖咖啡。當天早上冇食早餐，中午食完這午餐就肚痛。

台灣黑糖薑茶，一大杯黑糖薑茶是我家人最愛。薑味足，黑糖微減薑味的辣，在冬日呷一口香熱的薑茶，頓時變得暖和。 凍黑糖珍珠拿鐵，小珍珠量多，煙煙韌韌。黑糖量適中，不會過甜。吃一口便當，再喝一口香甜的珍珠拿鐵，沁人心脾。 黃金脆皮奶卷(4件)，外層非常香熱鬆脆，內層是軟滑奶香。咬下一口，外層內軟，配一口珍珠拿鐵，讓人滿足。 涼拌麻辣牛肚，微微麻辣，突出牛肚的鮮香爽口，拌白飯或米粉都甚佳。 蟹肉明太子炒新竹米粉，必點食物。選用新竹米粉，比一般米粉更鬆軟，份量十足。加入蟹肉明太子炒，令米粉充分掛上蟹肉的鮮味和明太子的咸香。整碟米粉毫不覺有油味，感覺清新。 紅燒牛三寶便當，便當配珍珠米飯、滷蛋、泡菜、肉鬆。整碟份量十足，牛三寶底下的珍珠米飯飯量多，珍珠米飯香軟，飯粒掛上肉汁。滷蛋入味，配上微辣泡菜和香郁肉鬆，拌飯吃能嚐到不同配菜的味道。牛三寶煮得軟腍，牛肚鮮香爽口、半透明狀牛筋入味，口感滑嫩、牛腱軟嫩，配上飯吃更突顯牛肉的味道。拌碟的青瓜粒酸爽，讓人胃口大開，做得很出色。

首先價格都頗貴，一個主食$80-$100唔包野飲。叫左個爌肉飯，肉嘅份量的確俾得好夠嘅，肥瘦比例都拿捏得唔錯，炆得好腍，配菜都叫有幾款......但！係！鹹得好過分！係覺得自己食緊鹽果種鹹，彷彿食完要洗腎。餐廳亦無提供飲用水 (唔排除開聲問會有，但入座嘅時候無提供) 叫多杯野飲起碼要洗多+$20。 呢個地段、呢個價錢、呢個食物質素，非常唔值得。唔會再有下次。（好神奇地，星期六晚市居然仲會滿座需要排隊呢🫥)

📍 木玥巷 - 屯門 依間台灣店 其實喺我屋企樓下 每一次經過我都好想食 但係又撞唔啱時間 今日難得放假，經過見到好多人等位 我有興起等埋一份 終於可以食到想食好耐嘅街坊台灣店～ 價錢都係街坊價！ 仲有晚市兩款限定～ ✨ 蒲燒鰻魚飯 蒲燒鰻魚，非常有厚度，肉質軟嫩，搭上特製蒲燒醬汁，鹹甜口味，相當好吃 ✨ 蟹肉明太子炒新竹米粉 第一次食台灣炒新竹米粉，每條好幼嘅炒米粉，炒完出嚟仲係條條分明，唔會黐埋一舊，同時亦都鋪滿咗好多蟹肉，明太子，加雞蛋，呢個炒米粉可以回頭再食。鹹得來帶少少甜味🤚🏻 ✨台式炸物拼盤 （酥炸雞翼 甜不辣 花枝丸 地瓜條） 呢一個炸物嘅小食拼盤將所有台灣小食合併埋一齊，好齊全，如果鍾意食炸薯條既您一定要嗌～花枝丸炸到大大粒，好彈牙！雞翼大大隻，而且好入味！甜不辣好煙靭！ ✨ 宜蘭三星蔥餡餅 先咬一口澎澎的脆皮，讓裡頭的熱氣散出來接著迎接你的就是滿滿、滿滿、滿出來三星蔥！！ 皮薄餡多 ，大口咬蔥！就是要蔥比肉多！ 薄薄脆脆的外皮上均勻撒上特製的胡椒粉、辣粉令三星蔥餡餅的鮮甜滋味更為突出，齒頰留香～ 大大杯嘅水果茶✨ 木玥招牌水果茶（西柚） 西柚味豐富～己經贏哂 店主自創蘋果益力多，每日台灣新鮮直送益力多，飲完之後仲有啲氣泡走岀黎，唔會太甜好易入口！ ✨ 蘋果氣泡益力多

牛肉麵好好食，湯底夠濃厚 牛肉好腍，麵底最出色，佢係又彈又有咬口嗰隻手工麵 鹽酥雞、蛋餅嗰啲都OK，正常發揮 鰻魚炒飯都好食 見到有段時間晚市得好少人，建議可以整啲優惠或者二人套餐咁樣吸引多啲人