木玥巷 (元朗店) – 台灣餐廳

呢日又跟元朗叔叔入元朗搵嘢食~叔叔係網上搵咗間人氣頗高嘅台灣野「木玥巷」，同我一齊去試下~ 「木玥巷」有兩間分店，一間係屯門，一間係元朗~元朗分店位置好方便，就係朗屏地鐵站B出口附近。 我哋平日Lunch過去食，雖然餐廳都容納到頗多枱人，但Lunch時間都爆哂場~好在我哋都夠早去，如果唔係都要等位~ 🧡黯然銷魂安格斯滷肉飯（$86） 呢間嘅滷肉飯好特別，有啲似韓國拌飯！滷肉飯入面加有泡菜同煎蛋，味道層次豐富咗！本身個滷肉都好好食，啲肉燜得好腍，軟爛香滑，肥瘦適中，醬汁鮮甜，送飯食超一流！ 🧡幹拌擔擔麵（$58） 幹拌擔擔麵有肉碎、花生同蝦米，聞落好香，食落好重麻醬味，份量都幾多，食完好有飽足感！ 🧡鹽酥雞（$46） 鹽酥雞絕對可以用「高質」兩字嚟形容！外皮炸得超脆口，咬落沙沙聲！而且唔會有好油同好熱氣嘅感覺，內裡嫩滑多汁！配嘅蘸醬係柚子醬，同鹽酥雞超夾，開胃又解膩！正！

早前睇新聞話屯門紅橋呢個美食小店集中地，有一間台灣牛肉麵🐂🥩進駐，即成爲大排長龍小店！其中一位店主是半島酒店前廚師，選材都維持高質素，所以Bookmark左,有機會就來試試👅 今晚係元朗收工，係附近搵野食，係OPENRICE先知原來係元朗站旁開左間新店，離地鐵幾分鐘路程，嗱嗱林就打電話來留位，7點半到達，好彩有BOOK到位，見到仲有人等位中，立即入得，個style 有少少似居酒屋。。 一入來就放得左個小食"黃金合桃"，問左唔洗錢，Ｄ合桃用蜜糖炒起，幾香口，脆卜卜。 叫左以下野:- (1)木玥招牌紅燒牛肉麵 食得台灣菜，好多時都會order牛肉麵，今次亦唔例外。牛肉麵勁足料,湯底唔錯,好濃味，包括牛筋，牛展，牛肚，配菜仲有豆腐卜，白蘿蔔，紅蘿蔔。 湯底好濃味，用牛骨淆成，充滿濃郁牛肉味，豆腐卜脆脆地好香口，吸哂牛肉湯底嘅精華，超級入味。牛展筋肉均勻，牛肚亦相當軟腍，麵底係比較幼身嘅台灣麵，軟硬適中，整碗牛肉麵味道好好。 (2)煎元貝干貝醬炒飯 呢個炒飯真係級好食，飯底係好有鑊氣既炒飯。仲有三粒大大粒好好肉既帶子，煎得好好，老婆大讚。佢啲海鮮真係多到爆，比牛肉麵更好食 (3)鹽酥雞 鹽酥雞份量都好多，新鮮炸起熱辣辣好脆，個皮炸得算薄，好多肉，另配個柚子汁酸酸甜甜好清新，中和左鹽酥雞嘅肥膩感之餘就更加開胃。 (4) 木玥水果茶 杯水果茶用勁高既杯，鋪左好多水果係面，滿滿的新鮮水果，西柚味茶味都好濃，絕對一杯可以2個人share，見到好多枱個都有叫呢個水果茶，老婆話呢杯好吸引。 (5) 玫瑰可可鮮奶 無水果茶咁大杯，木來應該有層忌廉，不過員工話無貨，無問題，杯可可唔會過甜，面頭啲玫瑰花好似落左少少但陣味都勁出。 呢外呢到一直抽周董等既台灣歌手歌，好有返去台灣既感覺，靠窗口有幾張高枱，下次可以試下飲杯野傾下計，感覺好好. 抵食: 💰💰💰💰 味道: 環境: 👍🏼👍🏼👍🏼👍🏼👍🏼

蒜香蟹肉帶子炒飯 $106 店舖冇手軟落足配料！滿滿的帶子肉🤩火候控制得好好，好有鑊氣，飯粒炒到粒粒分明，軟硬度適中，好好食👍🏻 桂花梨黑醋骨 $102 個桂花梨勁好食！好香桂花味又甜，好有驚喜！🤩黑醋骨調味都相當好，酸甜度適中，仲帶有微微果皮香味，食多幾舊都唔會膩！大推！👍🏻 宜蘭三星蔥餡餅 $42 新鮮熱辣炸起，一咬落去，d肉汁咇哂落張枱度勁juicy！香蔥豬肉餡夠哂香口我習慣唔沾醬食，已經好夠調味👍🏻 桂花花釀茶（凍） $34 呢杯係勁好飲！本身都奇怪做咩有片檸檬係度，但原來微微檸檬味，係更加帶起到桂花既香，好清新好香，夏天消暑飲岩哂！ 雪菊蘋果茶 （熱）$34 雪菊係稀有既高寒植物，營養價值係高於其他20種菊類，有多於30種人類必需礦物元素，同埋多於20種氨基酸，淡淡菊花香，仲有蘋果既酸甜，富有營養價值之餘仲要好好飲👍🏻

·黯然銷魂安格斯滷肉飯 $88 超級足料嘅滷肉飯🤤 同平時香港食到嘅有啲分別，係切得比較大粒嘅滷肉，因為係用牛肉，口感方面相對煙韌又幾得意🤣 另外，估唔到台式滷肉飯配上太陽蛋又意外地幾夾，不過都係想要傳統滷水蛋多啲🫢 ·蟹肉金絲炒新竹米粉 $106 個樣好似星洲炒米，男朋友話味道似佢細個阿媽整嘅炒米粉，好正咁喎🤣 但係有個缺點就炒得唔夠平均，有幾啖鹹啲，有幾啖就冇味🤔 ·鹽酥雞 $62 炸得十分香脆之餘入面亦保持到肉汁，味道都唔錯👍🏻 位置都方便，出咗朗屏站沿住天橋行，一落樓梯就係佢喇👍🏻 ✈︎ visit my instagram profile @couplebilibala

木玥巷 元朗媽橫路9號富來花園地下17-18號舖 Shop 17-18, G/F, Fu Loy Garden , 9 Ma Wang Road, Yuen Long 主食我覺得定價在元朗區都幾進取, 因不包飲料。但人氣值依然咁高一定是有過人之處。 $96牛肉麵個麵粗身，有似烏冬但密度更高口感紮實點，濃郁涉頭伴牛肉，大碗好滿足。個蘿蔔牛根好入味，仲有成串腐皮，用來吸湯汁，新食法呢 黯然安格牛肉飯$86,是煎太陽蛋加牛肉，令我想起食神。 小食定價幾合理, 點左一份$56鹹酥雞，炸得幾好食落唔會油膩，脆口。 台灣特飲我學生哥時期已鍾意, 最瘋狂是每天一杯,一大杯可以當正餐 ,人到中年高糖怕肥同糖尿就控制小喝, 一場來到點可以唔飲 要了微糖水果茶相對健康,清甜與果香, 正正好中和$38 以新界北台灣菜來說, 呢間水準幾好, 可以再戰。