時光逆流 – 日本餐廳

想同朋友有個私密啲嘅地方傾偈放鬆吓，就會諗起時光逆流呢一間Cafe ,位置就係蘭桂坊附近，環境幾有氣氛 澳洲和牛漢堡定食：小食就揀咗關東煮，因為我特別鍾意食日式料理，呢款關東煮嘅味道鹹淡適中，蘿蔔幾甜。烏冬上面灑咗飯素，另外仲有胡麻醬、溫泉蛋可以撈埋一齊食，烏冬口感煙靭。主角和牛漢堡嘅邊煎得香脆，切開蛋，蛋液同肉一齊食更加好味，芝士夾層溶化之後非常誘人。 玉子燒：難得食到高水準嘅玉子燒，呢款玉子燒嘅入面仍然係濕潤有汁，有蛋香 焙茶巴斯克蛋糕：芝士味香濃，口感綿密，焙茶嘅味道突出 飲品方面，就叫日本煎茶同埋拿鐵，拿鐵舞拉花就比較可惜，而日本煎茶就幾特別，入面仲有啲玄米，清新解膩

時光逆流呢個名好特別，另外回想起臺劇想見你！好有feel~樓下適合好Chill地飲咖啡，樓上的富士山壁畫就好岩打卡 。 呢度lunch主要食日式定食，每個定食都會有沙律/關東煮、芝麻醬烏冬。我同同事都揀左日式商務午餐$208。 推薦澳洲和牛漢堡扒漢堡扒，頂層有煎蛋同芝士包圍，食落有口感好邪惡。 香煎三文魚賣相也不錯，油脂都足夠，其他配菜也幾有特色。

統測完就要去鬆吓，同大少去大館參觀前就去食個豐富Lunch先，上網見到附近有間日式定食嘅餐廳，所以就去食下啦！ 餐廳高兩層裝修以日系文青為主題嘅Café，餐廳唔算大但坐得好舒服。 我地叫左兩份日式商務午餐，除左主食之外，定食配有沙律或關東煮、前菜或租品、溫泉蛋同麻醬烏冬。 先嚟我嘅凍鮮奶咖啡，同大少口嘅花落特飲。花落即係櫻花加荔枝特飲，大少話味道唔錯，好清新呢。 我嘅主菜係 香煎三文魚，三文魚厚身之餘個肉質都好滑，而且煎得好香口。我就配迷仔玉子燒同關東煮，玉子燒蛋味十足而且好厚身，關東煮個湯底濃郁，入面嘅芋絲、白蘿蔔同腐皮都入哂味。 大少嘅主菜係 澳洲和牛漢堡，大少話牛味好出仲好Juicy，加埋漢堡扒嘅太陽蛋一齊食，完全係提升左個和牛味道。 定食入面嘅烏冬，我地將半熟蛋同麻醬撈埋烏冬一齊食，咁樣食法又幾得意，仲可以令烏冬更加入味添。 最後我地就食左個經典蘋果撻，雖然望落好似硬硬地，但咬落其實脆脆地，再配埋果蓉，整體口感豐富，而且唔會太甜，所以好啱口味呀！ 重點係…..周圍環境好啱打卡，所以我個專屬攝影師幫我影得幾靚，真係抵我帶佢去食好嘢

🍱 豪華定食 每份定食包括烏冬，溫泉蛋＋芝麻醬（加入烏冬！），沙律，日本關東煮🍢 🥩 澳洲和牛漢堡扒 $168 配上芝士和太陽蛋（煙肉＋$20） 💎 澳洲的和牛漢堡上有一顆煎得恰到好處的荷包蛋以及一片融化的芝士,漢堡外皮不會過於乾燥,而內層牛肉的風味濃郁醇厚,搭配上芝士和蛋液,整體口感非常棒,值得一試。 酒釀鷄卷 $168 配上芝士和太陽蛋 💎 雞肉捲起來,口感嫩滑多汁。這道菜非常美味,可以配上花雕酒一起食用。配上烏冬,既飽腹又滿足。

嗰日同朋友咁啱經過蘭桂坊附近，朋友同我講之前試過都覺得幾唔錯，而且又係小店，同我講話覺得坐落幾舒服，咁就帶咗我入去。 ‣ 月亮與六便士 $88 中間係鮮奶冰唔係雪糕，但係其實奶香味都好足。將espresso倒落去之後，個味道又會唔一樣，個層次隨住加嘅espresso多少都會有唔同，我覺得係驚喜，而且令人滿意嘅。 ‣ 花落 $68 朋友就嗌咗一杯mocktail，嘢飲本身荔枝味比較重，有少少微微嘅花香味，梳打嘅比例偏重，幾清爽。但係個人而言，自己比較推薦咖啡系列。 ‣ 澳州和牛漢堡定食 $168 漢堡扒做得都幾唔錯，食到肉嘅香味，而且都幾多汁。我最鍾意嘅就係面頭嘅太陽蛋，太陽蛋幫到個肉質加分。雖然佢有胡麻醬搭配烏冬撈埋食，但係我就咁倒個溫泉蛋落去撈埋食已經覺得好正，烏冬嘅口感都唔錯。佢嘅蘿蔔湯真係好有家嘅感覺，個蘿蔔都煮得好入味好腍。 ‣ 玉子燒 $78 之所以話佢嘅料理好有住家感覺，可能唔多唔少都係因為個玉子燒，食得出味醂同雞蛋本身嘅香，個口感偏實在。 ‣ 日本東京第一 $68 我自己就好鍾意呢個甜品，超濃郁嘅芝士味，中間芝士流心嘅質感真係不得了，口感亦相當滑溜。鍾意食芝士蛋糕嘅人會好滿意，真係幸福感滿滿。 ‣ 經典蘋果撻 $48 朋友好鍾意個蘋果撻，佢最滿意嗰個位就係冇肉桂味，畢竟唔係個個都接受到。而家佢嘅甜度係啱啱好，唔會食完覺得膩，口感偏輕盈。