旦王花 – 泰越鍾情 – 泰國餐廳

隱世美味泰菜👍🏻食物味道極到位 環境寬闊旅遊感滿滿👏🏻

食物還可以的,但服務一般，場內沒有人，剛剛吃完已經拿走你的東西，想趕你走一樣!中午午餐要加一服務費,大約$100一位

呢間位於錦上路嘅泰國菜就真係要揸車先可以食到，平時自己都好鍾意食泰國菜，見過唔少餐廳嘅裝修，呢一間啲裝修寧捨吸引，特別係中間幾隻象仔。餐廳好大間，如果覺得出邊太熱嘅話都有冷氣房可以坐，但係我就覺得坐喺戶外就比較有度假嘅感覺，真係諗返起喺泰國放鬆玩嘅日子。 ‣ 越南燴牛尾煲 $168 牛尾煲嘅醬汁調配得唔錯，唔會話太過甜膩或者太過鹹，食落去覺得啱啱好，配白飯食就真係一流。平時都唔係點樣食牛尾，但係今次都忍唔住食多咗幾嚿，美中不足嘅係我覺得牛尾可以再煮軟腍少少，再吸收多啲醬汁嘅香味就會更加好食。 ‣ 泰式燒乳豬 $488 淨係嗌燒乳豬其實已經好飽，呢度淨係半份嘅份量已經好足夠四個人甚至五個人食，特別係乳豬都幾肥膩，乳豬仲有搭配糯米飯。其實去到最後我哋都冇乜人食糯米飯，一開始食覺得乳豬好香，咬落去啖啖肉好爽，但其後都覺得有啲肥膩，賣相一流，但係未去到話覺得好想再嗌多次嚟食。 ‣ 招牌星洲咖喱蟹 $368 幾乎每次食泰國菜我都會嗌咖喱蟹，我覺得旦王花嘅咖喱蟹好出色，幾次食過都唔會覺得啲蟹肉好霉，啲肉都唔會話好痴殼，好鍾意佢嘅咖喱有一浸蛋嘅香，又唔會好辣，配飯或者薄餅食真係一流。 ‣ 炭燒魷魚筒 $158 魷魚筒就正常發揮，要有嘅香味都喺到，有咬口，你唔會話特別想嗌多次嚟食，但係如果你鍾意食魷魚筒嘅話都可以嗌一份。 ‣ 泰式炸蝦餅 $98 泰式小食入邊，我最鍾意嘅就係炸蝦餅，而我覺得旦王花嘅炸蝦餅都好出色，啲蝦肉咬落去真係爽口彈牙，唔會好似有啲舖頭啲蝦肉咬落去覺得有種霉霉哋嘅感覺，炸出嚟嘅時候熱辣辣，真係爭啲俾啲油焫親個口。 ‣ 鮮蝦金柚沙律 $98 我覺得旦王花鮮蝦金柚沙律嘅份量唔算好大份，但係我幾鍾意佢啲金柚真係都幾多，而且食落去都唔會話好酸，酸甜適中，不過其實都好講佢揀嘅碌柚揀得靚唔靚。雖然話酸啲好似好食啲，但係我覺得食到一啲甜甜地嘅金柚嘅時候，滿足咗我想食生果嘅慾望。

［新界泰國遊］ 放工后,百無聊賴,幸好住在附近的朋友介紹元朗錦上路泰國餐廳「旦王花」,裝潢充滿泰式風情，包括：大象石雕噴水池、半露天玻璃屋，十足十置身泰國度假一樣，食品水準可以,這里一定叫泰式通菜,串燒併盤,炒辣蟹,泰式蒸魚等,加上draught beer,一流.星期六日很多人,平 時晚上來,人不多加上燈光很浪漫.最好揸車來,有位泊車,再來一次也無妨.食物品質不太重要,最重要那個跟你食！🤣🤣

第二次來的高質的泰國風情餐廳，分量足 味道好，係價錢少貴，不過除了食物，很大程度也是環境優勢佔多，適合晚上多人gathering，staff也很nice，最後替我們想盡辦法打包體積很大的咖喱軟殼蟹包^^ 泊車費：$35/車 消費滿$1000有得免費泊車