{“星期二”: “07:00-22:45”, “星期三”: “07:00-22:45”, “星期四”: “07:00-22:45”, “星期五”: “07:00-22:45”, “星期六”: “07:00-22:45”, “星期日”: “07:00-22:45”, “星期一”: “07:00-22:45”}
{“星期二”: “07:00-22:45”, “星期三”: “07:00-22:45”, “星期四”: “07:00-22:45”, “星期五”: “07:00-22:45”, “星期六”: “07:00-22:45”, “星期日”: “07:00-22:45”, “星期一”: “07:00-22:45”}
填寫評論
Read More Reviews
A Bite A Day
1 個月前放工想食啲夠惹味又飽肚嘅焗飯，就揀咗呢間主打焗飯嘅《新森林焗之專門店》🌳，主打芝士拉絲加熱辣醬汁，非常吸引！餐牌選擇多，仲有鐵板扒、特色小食等，真係港式焗飯迷天堂！ 🍛馬來咖喱芝士焗牛脷飯 $60 一開蓋就聞到馬來咖喱嘅香氣，帶微辣同椰香，好有層次，配上大量拉絲芝士，真係一啖接一啖停唔到手 鹹牛脷炆得夠腍，完全冇筋位，啖啖肉非常滿足，呢個價位嚟講性價比極高🔥！ 🥩鐵板牛肉眼扒配蕃茄芝士焗飯 $94 鐵板上枱滋滋聲響，黑椒香撲鼻而來！肉眼扒厚切多汁，醬汁鹹香微辣，港式風味十足～一邊食住扒，一邊食焗飯，蕃茄芝士焗飯酸甜平衡，芝士食份量亦毫不吝嗇，一餐兩款享受，滿足感爆燈💥！ 🍤一口蝦多士 跟餐+$22 外層炸得金黃香脆，蝦膠夠彈牙，味道唔會過鹹，做前菜或者小食都啱晒，熱辣辣時食口感最佳✨ 相比起一般茶記焗飯，呢度喺用料、味道同配搭上都行得出色啲。想搵間焗飯專門店歎個高質港式焗飯，呢間新森林絕對值得一試～下次想試埋佢其他醬汁款式🍴 📍新森林焗之專門店· 灣仔灣仔道203號地舖
xypiggy
3 個月前#20250516 🤍 📍 #新森林焗之專門店 灣仔灣仔道203號地舖 🍽️ 中環威靈頓街99號威基商業大廈地下D號舖 ➖➖➖➖➖➖➖➖➖➖➖➖➖➖➖ #迷你焗の選B $59/餐 🥢 #鮮菌芝士焗西蘭花 💭 呢個餐第一步係揀個主菜先，如果唔想食澱粉類的話，焗菜都係個唔錯既選擇，成兜西蘭花再加埋啲什菇，仲有啲芝士係面，食完都幾飽肚🥦 . 🥢 #焗咖喱雞皇飯 💭 另一個餐既主菜叫左個飯，雖然size比平時啲焗細兜啲，但絕對無偷工減料，有三大炸雞，仲有啲薯仔，配咖喱汁本身已經好味，最正係佢竟然有炒飯底太surprised，即刻加分🍛 . 🥢 #羅宋湯連蒜茸飽 💭 第二步就揀個前菜，食啲港式茶餐廳有時真係會為左個師傅湯而影響叫咩食，佢個紅湯好足料，唔只雜菜仲有肉，跟佢個蒜茸包都有啲高質，唔係用法包而係用豬仔包，焗到外脆內軟好好味，呢個包要比錢都會想叫尼食🥖 . 🥢 #雜菜春卷 💭 個雜菜春卷就相對失色啲，以為入面係會有粉絲果隻點知無，真係純雜菜，只係輕輕炸熟左略嫌唔夠香口，呢個下次應該唔會再叫 . 🥢 #即炸墨魚丸 💭 第三就揀返個小食先，炸墨魚丸係屋企都整到既味道，而佢無用椒鹽反而用左蜜糖做調味有少少特別，第一次咁樣食原來都幾夾，好似燒野食咁，如果佢搽左蜜糖再炸下可能會仲好味🍯 . 🥢 #一口蝦多士 💭 蝦多士係兩塊方包夾住啲蝦滑再一開四，呢個又炸得勁香脆，雖然咬落會食到有啲油滲出尼，不過唔算太油可以接受，因為蝦多士本身的確唔易整🦐 . 🥢 #仙草凍奶茶 +$6 🥢 #凍阿華田 +$3 💭 最後一步可以揀野飲，凍野本來就要加$3，所以啲仙草變相只係再加多$3，咁計有個甜品食下又好似好抵，同埋佢成個餐咁計其實都好抵，岩晒啲想食好多款野既朋友仔，但佢啲小食偏炸野多，當飯堂食難啲 . #灣仔美食 #🐷在灣仔 #中環美食 #🐷在中環 #🐷_食
awah wah
5 個月前一班目無表情的員工，一間氣氛沉悶的茶餐廳，好在是食物還可以質素不錯，最基本的是即整熱燙燙的，還有件多士脆的 牛油用安卡 杯凍齋啡有啡味唔會太苦，可惜是個米粉淋咗啲，同埋只收現金。
Hey You
5 個月前叫外賣 送到來 蛋糕溶晒 飯倒寫晒 餐廳話唔關佢事 出貨時 正常 送個溶左概蛋糕來 美團話唔關佢事 咁關邊個事 下單到收貨 30分鐘概 可以溶到呢個樣
嘉明
1 年前鮮茄焗豬扒飯 焗咖喱雞皇飯 正常味道，但一個嚴重問題 就係唔夠熱 一間焗飯專門店嘅焗飯竟然唔夠熱 價錢係平，係抵食 但係咪咁樣要接受呢？ 薯條好食 熱辣辣脆卜卜