御品千之味 (大埔店) – 日本餐廳

位於太和翠怡花園的御品千之味，較舊店少了很多座位，現在只有10多個座位，空間不大，跟朋友1點到達，剛好有兩個座位，遲少少便要等位！ 餐點有頗多選擇，最後跟朋友點選了$148的迷你三文魚粒粒海膽丼，包和風沙律及螺肉小食外，還配有6件刺身及火炙壽司5件，並有飲品，選了味噌湯，刺身都很新鮮，三文魚有鮮味👍，飯也很好吃，而$63鹽燒鯖魚，除了有和風沙津外及螺肉外，還有日式豆腐，鯖魚沒有魚腥味，而肉質厚，另外+20加吉列炸蠔，吉列炸蠔外皮脆而不厚，食到蠔味！

御品千の味 TAIPO 自從疫情開始就習慣了放工自取外賣，屋企附近發掘到好多正嘢。御品千之味外賣壽司，性價比高，值得推介俾街坊。 原來不知不覺開咗8間分店，佢地壽司刺身全部都唔錯，拎返屋企慢慢品嚐，仍然保持到新鮮，今次店員仲好細心俾咗冰袋我。 魚生飯餐（套餐） 迷你火灸三文魚腩丼 $108 火炙魚油香味濃郁，三文魚腩半生熟，微焦焦香，入口即融，搭配壽司飯簡直完美。非常肥美，滿口油香，入口即溶，口感豐富。 壽司拼盤5件 三文魚、油甘魚、墨魚、赤貝、赤蝦；配上魚生壽司，味道鮮甜，唔會有腥味，味美可口，加上三文魚、元貝帶子勁厚切，好有誠意！ 刺身款式亦有好多選擇，三文魚2件、北寄貝2件、甜蝦1隻、帶子1片；色彩繽紛，內容豐盛，分量幾大非常抵食，好滿足架。 迷你三文魚粒粒海膽丼 $128 見到海膽雙眼發光，很久沒有吃所以很想吃海膽，外賣自取仍然保持到新鮮，肥美鮮甜美味，很喜歡！ 火灸壽司5件 三文魚腩、三文魚、鰻魚、左口魚過、熟蝦；火炙好吃又極多油分，喜歡吃壽司的絕對要試！ 燒汁牛肉飯 $60 燒汁牛肉飯老公最愛，吃日式牛丼，我們到東京必點，便當飯量很多，牛肉鋪滿便當，滿滿的香甜牛肉汁，入口美味多汁。 餐飲 可以自助到雪櫃自取，zero 可樂夠晒爽！ 餐廳防疫外賣優惠，值得推介！

千之味壽司魚生飯，冇一次令人失望，每次來都好好食。吞拿魚蓉生飯，好甘香美味。簡單就是美。

有朋友到訪，所以我去咗屋企附近買咗少少壽司比大家食～ 三文魚粒粒海膽丼 $88 份量好多，三文魚粒粒都切得好大粒～感覺新鮮。上面有好大份海膽，海膽味道甘甜，不錯。 壽司餐（10件） $98 壽司包括有三文魚、鰻魚、蟹籽、熟蝦、吞拿魚、牡丹蝦、玉子等。牡丹蝦肉質紮實鮮嫩，好味道。 鰻魚忌廉芝士卷（8件） $98 中間嘅忌廉芝士好邪惡！質感好creamy。連埋鰻魚同青瓜一齊，整體係清新嘅。 蟹籽軍艦（2件） $16 好多蟹籽舖係壽司飯上面，蟹籽咬落卜卜聲，唔會有腥味。 【御品·千之味】 📌大埔安慈路1號海寶花園地下15號舖

午餐份量足，叫咗個雙色三文魚飯，$78 有前菜、日式沙律、一包飲品。 飯量正常，飯味佳！ 三文魚大件肉厚！ 以食物質素來說，價錢算抵。 由於店內空間少，大約5張枱左右，可能大約只有20個座位左右。