廿一堂 (Regent Centre店) – 日本餐廳

Took Japanese meal set before visit PMQ, iron platter steak with fried sunny-side-up, & shimeji mushrooms scrambled egg Don, set had soup & drink & Mochi，OiShi 去PMQ 睇展前，食嗰有質素兼價錢合理的日本定食熟成牛柳juicy又肉軟冧，煎蛋有脆邊，本姑滑蛋丼食完有清爽去油的感覺，配埋芝蔴大福，豐富好味道呀

Weekend係中環行過見到有間唔使等位的快餐，又見佢的烏冬好似唔錯，咁就試一試。 岩鹽燒鯖魚配鰹魚湯大根讚岐鳥冬 $73 鯖魚的外皮燒得有少少燶，不過味道都可以接受。魚肉就咁食有少少乾，但跟餐有個調咗味的蘿蔔蓉，魚肉蘸d蘿蔔蓉就好食得多。 鰹魚湯好清甜，烏冬食落都幾彈牙。大根好大塊，食落好淋好juicy，勁入味👍🏻 跟餐甜品 大福 原來跟餐有甜品喎🤩抹茶大福表面的係椰絲，食落都幾煙韌，內餡都有抹茶味，不過唔算好濃郁，跟餐甜品嚟講算唔錯👍🏻 跟餐餐飲 玄米茶 九州豚湯野菜煮 +$16 份量都幾多，有娃娃菜同冬菇，湯底都有少少味。 廿一堂 (中環) 中環士丹利街33號地舖 *上述文章只供參考及以當時價格為準

外賣唔知食咩好，同事推薦咗呢間連鎖店，廿一堂～ 鰹魚湯豚肉65度溫泉玉子💰HK$79 豚肉份量算多，溫泉玉子同鰹魚湯好襯，湯底清甜，而且有好多昆布！讚岐烏冬口感比較腍，如果爽口彈牙一點會比較好！大福表面充滿花生粉，吉士內餡入口即溶，幾特別！仲有一杯玄米茶送，玄米茶唔會太甘，幾好～

食嘅嘢普普通通啦，但係勝在價錢經濟，平均消費幾十蚊一個人， 樓面近2000呎 地方算相當寬敞， 雖然食物個人認為普普通通，但絕對算差，六七十分有嘅。 食物係自己去櫃檯落單，同埋自己到廚房櫃面取， 總之喺中環區有個地方坐下，飲杯凍嘢都唔錯，行過路過不妨一試。

好大間，好多枱，全自助式，11:45am前叫午餐有9折。燒牛丼牛肉唔靭OK，燒肉汁都幾好味，配啲生洋蔥同紅薑，好大碗；大福好難食。