座銀 – 拉麵店

入座時會詢問要凍水或熱水，服務體貼。主要提供雞白湯和海鮮雞白湯拉麵兩款，另外還有飯和炸雞等小食。美味

以前很喜歡去這一間拉麵店，但今日再去，發覺煮麵的師傅全部都轉咗非日本師傅，咁都唔緊要；但係睇落煮嘢冇heart，淨係當即食麵咁煮，食落去同以前有些不一樣，即係冇咁好食。 有些似油麻地嗰間橫崗拉麵，自從多年前冇咗日本師傅之後，水準一落千丈。 可能香港經濟環境差，所以有所變動，亦無可厚非。

上次食嘅時候覺得個湯咸咗D，當時有同店員反映，佢叫我下次可以同佢哋講。尋晚落單時有提，店員就話可以俾個湯我自己調較，加咗湯就啱我口味! 蛋係另外加，印象中之前係另外用碟上嘅，尋晚就直接放咗響碗麵度。

今次打算回味一下白雞湯拉麵，之前食完覺得回味無窮，今日食超級失望，湯底懷疑用了沾麵湯底，咸味比平時重，雞味也沒之前那麼濃厚，由心目中第一，跌落神壇

又係睇話劇前食餐飯嘅時間啦。 本來想去後街牛扒，可惜同行友人胃納太少，最後選了座銀。朋友對助銀的評價頗高，今次就試一試。 星期六晚店內非常熱鬧，匆匆吃完，竟然沒有太大記憶點。 雞白湯拉麵湯底頗黏稠，而且偏鹹，但不是充滿雞味骨膠原的那種濃稠；雞叉燒是軟嫩的，表現恰如其分；炸雞也不錯。 沾麵更鹹，我只試了一口，便要喝茶。反而是牛蒡令人驚喜，完全不帶甘苦，免費的凍麥茶也是解渴非常。 可是總不會為這兩款食物再來吧。就叫做還了心願，吃過了這家過江龍人氣雞白湯拉麵。