川燒王 – 燒烤餐廳

因為住荃灣，成日都經過呢間餐廳，但係次次食米線嘅時候都會見到呢間餐廳好多人排隊，今日就一於約埋班朋友嚟試吓啦。 佢嘅價錢非常平，但係份量一啲都唔少，而且食材都好新鮮。 我最推薦嘅就係呢個蒜蓉茄子，因為佢嘅份量好多，而且調味啱啱好，本身唔係太鍾意食蒜蓉，但佢嘅蒜蓉加埋茄子嘅調味，竟然好好食，食完又好滿足開胃嘅感覺。 另外佢嘅蟶子王都好大隻，本身以為呢個價錢唔會有好大嘅聖子，但估唔到佢食落新鮮之餘，份量都好足。呢隻蟶子喺街市買都要二三十蚊啦，但係佢都賣得好平。 本身好鍾意食牛舌心，但係好多串燒都會燒到好老，或者食落好硬，佢就唔會有呢個問題，食落好多肉汁，非常推薦大家試吓呢度嘅牛舌心。 佢既菠蘿都好甜，應該冇乜落其他調味料，但佢用新鮮嘅菠蘿燒咗啲汁出嚟，非常適合夏天食啊。 呢間串燒店又平又抵食，而且食材好新鮮，非常推薦大家嚟試吓。

好友約我去位於荃灣德海街18號富利達中心地下F2號舖的《川燒王》食晚餐，小店型式經營，坐得舒服。 我地點左： 📍鰻魚炒飯 $70 熱辣辣，香噴噴的炒飯，鰻魚肉好香口好食。 📍清酒花甲 $58 淡淡酒香，花甲鮮甜好味。 📍蒜蓉茄子 $38 原條茄子好大條，蒜蓉味香濃，入口軟綿入味。 📍鮑魚（2隻）$68 原隻鮑魚鋪滿蒜蓉，鮑魚肉厚又彈牙，廚師將鮑魚肉界花好入味，好窩心呀。 📍白鱔魚（1串）$55 白鱔魚燒得皮脆肉嫩， 好鮮味。 📍沙嗲雞肉串（2串）$28 雞肉嫩滑，沙嗲醬惹味。 ＃川燒王 ＃荃灣德海街18號富利達中心地下F2號舖

川燒王 (荃灣) 荃灣德海街18號富利達中心地下F2號舖 朋友鍾意食串燒，夜晚六點幾經過就去試下。 🐂厚切牛舌芯： 都真係幾厚切，中間淋淋地都仲濕潤，面頭灑咗啲孜然粉，唔錯。 🐑阿拉伯羊肉串、🍍有機菠蘿、🐣雞軟骨、鮮冬菇🍄‍🟫都燒得幾香口，如果熱啲更加好 🫙鹽燒白鱔魚 呢個推介，個皮有少少脆，醬汁都幾惹味。 小結：大約食咗$200，當小食唔錯。 我見呢間有其他分店，荃灣呢間就比較迫。我坐門口，如果去建議着長褲。☺️

今日是但求其食！起荃灣行咗一陣都諗唔到食乜！又想掃街但洛大雨！決定搵個地方食串燒！又有冷氣嘆啦 冇記錯，呢間都歷史悠久 2個人叫咗碗錫紙花甲粉 share 食 可以要求少少辣 花甲都算多 而粉絲夠煙靭唔斷！唔係碎濕濕嘅粉絲 再黎🥩安格斯牛仔骨，一樣少少辣多多蒜蓉 唔難咬.唔太靭岩岩好 墨魚丸 、雞軟骨、五花腩串、虎皮尖椒！ 樣樣都好味味道唔太鹹 ！啱晒鍾意食熱氣嘢ge人 仲叫多支冰紅茶配搭！慢慢傾偈食幾串串燒.爽

#christine開飯日記 ［荃灣｜宵夜串燒王🍢 ］ Ot o得夜嘅時候我都會想食下宵夜，慰勞下自己🤣依間宵夜串燒開到凌晨三點，夜貓就啱晒啦 🌟蒜蓉原條茄子（$38） 食燒烤必點燒茄子茄子調味好好，充滿住蒜蓉嘅香氣👍茄子多汁之餘燒到啱啱好👍而且茄子唔會好油膩推薦 🌟鰻魚炒飯（$70） 鰻魚份量都足，味道都唔錯，重點係個炒飯好有鑊氣👍ot 完食真係好滿足 🌟雞軟骨（$28/2） 燒得好香口，而且雞軟骨嘅部分都大舊，火侯啱啱好👍keep到本身嘅爽脆👍都抵食