小胖台灣麵(元朗) – 台灣餐廳

#christine開飯日記［元朗｜正宗台灣牛肉麵🐮］ 放工又係元朗搵食今次就食依間位於千色店嘅小胖台灣麵。佢哋主打好多款台灣嘅湯麵，而且每一款湯底喺香港都好少見。我同老公都獨愛香牛骨湯，每次去台灣都要去食返碗牛肉麵先得。 🌟招牌三寶牛肉麵（$95） 佢嘅三寶有牛肚、牛筋同牛腩。湯底好濃牛骨味而且佢嘅牛肚非常爽口👍而且牛腩同埋牛筋都炆得好腍身。佢嘅牛骨湯飲落都幾鮮甜 🌟半筋半肉紅燒牛肉麵（$91） 之後再問店員先知原來佢地嘅牛骨湯係由長時間熬製而成，所以先會做到咁香同口味濃郁咁。我自己就叫左個半筋半肉紅燒牛肉麵，份量好大份，每件牛腩同牛筋都係大大份，而且好入味佢哋仲有特製嘅黃牛油喺個湯底度放幾滴，個味道更加出味而且令碗麵更加有油香之後先行原來黃牛油係台灣傳統牛肉麵店常見的調味料，佢嘅功胖可以令牛肉麵有更濃郁牛香味 🌟香辣炸雞排（$38） 食台灣野一定要食埋炸雞排佢地嘅炸雞排炸得好鬆脆，一啲都唔油膩加上香辣粉。味道更加豐富🥰 🌟珍珠冬瓜茶（+$13） 冬瓜茶都幾清甜加埋珍珠一齊飲。味道都幾唔錯架 佢地仲有會員積分制食得多獎得愈多嘅，迎新優惠仲送香酥骨同$10現金卷，都幾抵食架 🍴小胖台灣麵 (元朗) 📍元朗元朗教育路1號元朗千色匯地下25-26 & 61號舖

元朗美食推薦小胖台灣麵（內文有優惠） 前排同朋友去元朗行街～發現呢度都開咗小胖台灣麵！之前喺屯門食過好好食，今次帶埋朋友一齊試吓🤤入到去空間好大乾淨衛生～裝修簡約風格，入咗QR code落單非常方便，有自助區域茶飲同埋餐具提供👍🏻 美食⭐️⭐️⭐️⭐️⭐️ 🩵濃.純.香牛骨湯麵 我加咗手切封門柳、滷水豬大腸、墨汁花枝丸 、魷魚焿 等等的配菜，牛肉湯濃郁鮮甜，落埋自家製黃牛油湯底昇華在一個層次～濃郁醇厚以牛大骨長時間熬煮，釋放骨髓的膠質與油脂，湯色呈現淺褐色，口感滑順濃稠，帶有淡淡中藥香氣但不搶戲。鹹鮮回甘🤤搭配蘿蔔增添自然甜味。麵條粗細適中👍🏻吸附湯汁卻保持彈性。 🩵鴨屎香手打檸檬 茶底清香～帶有濃郁的蘭花、茉莉花香，尾韻有蜜香或杏仁甜香。發酵輕盈，屬半發酵烏龍茶，茶湯金黃透亮，口感不苦澀，清爽回甘！新鮮檸檬選用黃檸檬＋青檸混合，捶打出汁液與果皮油脂，釋放濃郁檸檬香氣～酸度柔和且帶果皮清香。 🩵甘梅脆地瓜 地瓜咬下時外皮喀滋酥脆，內裡地瓜綿密香甜，熱氣帶出濃郁的薯香。地瓜沾滿甘梅粉的鹹甜完美中和地瓜的甜膩，超級開胃！ 🩵鮮茄滷蛋雞扒便當 炸雞扒超大份，非常鬆脆🤤連埋蕃茄醬汁超開胃，撈飯一流👍🏻小朋友都好鍾意食值得推薦俾大家👍🏻 🩵古早味手搖酸梅 ⭐️⭐️只要下載「小胖會員」 App⭐️⭐️ ！！免費送鹽酥雞一份！！ 💡食得多獎得愈多，食得至抵～ 💡積分換領系統 💡迎新優惠，升級優惠 💡提供不同折扣嘅優惠券 💡仲有增值愈多回贈就愈多嘅預付卡

今日早收工見唔係好多人，就食小胖台灣面啦 用QR落單，點知同老公不約而同都叫左雞排，可能大家都掛住台灣既鹽酥雞啦 但呢個「皮蛋醬滷肉香蔥乾拌麵」香味特別加上微微的辣，入面仲有甘香嫩滑滷肉，好岩配乾面食 無論便當定拌麵，雞排的份量真係好足，連老公都話食唔晒 仲有好岩天氣熱食既「五味醬伴茄子」，酸甜涼快 古坑冷咖啡，我第一次飲，有一種獨特的咖啡香味，帶點鄉村風情，濃而不苦 原來小胖有會員做，會有迎新和升級優惠，可以儲積分換領獎 下次想要試黃牛油啊，感覺會濃郁牛香好吸引

元朗台灣美食! 最近第一次去咗小胖台灣麵，真係有啲驚喜！一入去店裡就感覺到濃厚嘅台灣風味。佢哋嘅牛肉麵特別，我試咗加咗自家製嘅黃牛油，真係好好味，令牛肉麵散發出濃郁嘅牛香味，即使係唔係牛骨湯底嘅麵，味道都一樣出色，真係值得一試。 飲品方面，我冇錯過佢哋嘅冷泡茶系列，特別係古坑冰咖啡，味道甘甜又香濃，完全冇苦澀，真係飲完心情都好好。仲試咗鴨屎香手打檸檬茶，酸中帶甜，茶味好濃，感覺好清新。而珍珠烏龍奶茶更係唔錯，茶香濃厚，奶香味十足，珍珠又滑又Q，飲落去好順口。 我發現佢哋仲有會員app，食得多可以獲得積分，唔單止迎新優惠，仲有升級優惠，幾抵食！另外，佢哋提供唔同折扣嘅優惠券，無論係平日去定係特別日子都可以享受到好優惠。 新推出嘅單點小食都幾吸引，酥炸和風牛蒡條金黃酥脆，口感好特別，仲有淡淡香氣。鹽酥雞就香辣又有海苔味，食落去好刺激，真係一口接一口。 總括來講，小胖台灣麵真係一個值得再去嘅地方，食物好味，飲品多樣，服務又好，真心推薦大家去試下！

兩人叫了兩個麵食、一個小食和兩杯飲品，食物份量大，十分滿足。 招牌三寶牛肉麵 $82 以紅燒牛肉、牛肚和牛筋組成。牛肉入味，肉質剛好，易咬開但不會散；牛肚爽口，牛筋軟滑。麵條粗身Q彈，湯底清甜。餐廳備有自家製黃牛油，在台灣牛肉麵店常見的調味料，加少少於牛肉麵中，牛肉香味更濃郁。 豬扒皮蛋醬滷肉香蔥乾拌麵$58 擺盤吸引，豬扒份量不少，香口肉嫩。和湯麵一樣，同樣配以粗麵條，乾拌麵更顯得麵身彈牙煙韌。滷肉半肥瘦帶台灣風味，配合皮蛋醬、原隻皮蛋和青瓜絲，香口而不膩。 海苔味夜市鹽酥雞 $34 鹽酥雞即點即炸，新鮮熱烘烘的，加上海苔調味料，十分惹味，充滿台灣夜市檔口的風味。 鴨屎香手打檸檬茶 （跟餐+$15） 茶味香濃，酸度充足，甜度適中，味道不錯。 古早味手搖酸梅汁（跟餐+$12） 酸梅汁用料十足，以青梅和烏梅製成，飯前喝開胃，飯後喝解膩，味道可口。