家傳滬曉。 – 滬菜館

#20240711 🤍 📍 家傳滬曉 大埔安邦路8&10號大埔超級城B區2樓201號舖 🍽️ 荔枝角寶輪街1號曼坊地下G06-07號舖 ➖➖➖➖➖➖➖➖➖➖➖➖➖➖➖ #麻辣鳳尾魚 $88 💭 每次尼食都一定會叫呢個，鳳尾魚原條炸到脆卜卜本身就已經夠吸引，面頭有大量糖漿，但唔會覺得膩，因為係甜味當中會食到隱隱約約既辣味，真係好輕微輕微，用尼同個甜相互抵消完就散左，所以怕辣既朋友仔都可以試下🐟 . #捲蔥填鴨孖寶 $490 💭 本身叫一隻都要$428，咁叫個孖寶真係抵好多，雖然價錢望落唔多平，但人地真係貨真價實咁比兩碟肉同兩籠麼麼皮，仲有兩隻鴨髀🦆重點係佢好味丫嘛，特別要讚佢個麼麼皮，食過咁多間暫時整得最好係佢，薄得尼又有韌性唔易穿，正！ . 🥢 #黃金大蝦 💭 呢個又係散叫都$188，叫呢個孖寶餐就少左隻，但其實咸蛋黃食多幾隻都會膩，佢個咸蛋黃炒得好好，起到沙之餘仲有掛身，依附晒係隻蝦度唔易甩，蝦亦彈牙，食完睇隻碟乾乾淨淨無成碟油就知佢整得好🦐 . #干煸四季豆 $98 #上海小籠包 $70 💭 兩樣都正常啦，味道不過不失，四季豆比想像中稍微辣左少少，不過可以接受既🤏🏼小籠包個皮做得夠薄，不過夾真係要啲技巧，整穿左無晒入面啲湯就浪費晒喇～ . #大埔美食 #🐷在大埔 #荔枝角美食 #🐷在荔枝角 #🐷_食

好食亦唔油膩唔會重味精 不過喺無驚喜嘅味道🤣 想坐得舒服啲可以考慮吓

推薦：小籠包 片皮鴨要趁熱吃，冷掉的話口感就沒有這麼好吃，豆沙鍋餅味道可以。其他菜品中等。

我覺得佢喺香港入邊算係好好食嘅小籠包 我覺得鼎泰豐嗰啲太細 而且下午茶價格十分優惠 最鍾意食雞絲粉皮 食過翡翠嗰啲勁細碟 呢度會貨真價實啲

地方舒適、著名北京填鴨肉多唔肥、加葱青瓜醬料、配餅皮食。杭椒蝦爆鱔就太多辣椒。葱油拌鐵棍山藥好精緻。