天婦羅次郎 – 天婦羅餐廳

位於中環嘅Tempura Jito，食材高質，即叫即炸，炸漿又薄又脆，而且一啲都唔油膩，就連搭配嘅調味料都非常講究。蝦頭 蝦殼 蝦腳 蝦尾，都超酥脆，成隻都食得；大蜆天婦羅，肉身厚度成隻餃子一樣，一啖咬開，爆汁，每款都出色！

係日本冇quota食天婦羅番香港食番次郎。 前菜係好有秋天風味既花生胡麻春菊、螺肉同海蜇配上菊花既醋物。無論係口感同開胃既效果都係一絕，由其喜愛其中既胡麻春菊，口感爽脆配上胡麻既調味係絕配。 熊本既花竹蝦 一蝦三種食！ 蝦頭上先，高溫炸完配上海藻鹽，食落唔會吉口 一咬就碎曬，香酥一體。 然後係兩種唔同既漿法既蝦身，無論係薄漿突岀蝦肉既甜。定係厚漿有更多既口感，兩種都非常岀色，蝦味鮮甜。 白子天婦羅係另一種既口應，由岩岩既酥脆既蝦，突然去到軟、香、滑既白子，入口即溶。 香魚，魚肚既魚卵同魚肉都很細嫩。 季節限定既啡金菇同舞茸菇係森林既清甜。 日本大蔥，第一件先有大蔥清甜，第二件配上味噌同木魚花。不得不說味噌上口味既平衡做得非常好，本身見到咁大舊味噌係上面會好鹹，但完全唔會。 大蜆肉質十分之彈牙鮮甜。 蟹肉蟹膏茶碗蒸，放左小小菊花做點綴，暖，香，滑。 三文魚子配海苔天婦羅，大葉配馬糞海膽，海鮮味最衝擊的組合，冇得輸。 最後係帶子蝦餅配飯淋兩圈豉油作結。 甜品既栗子綠茶雪糕可以食到栗子肉而且又唔會太甜，收尾一流。

聽講係一位難求嘅天婦羅廚師發辦 果然係名不虛傳 店內座位唔多 L形席前設計 讓食客們都可以欣賞到日籍大廚們專注製作嘅過程 第一眼就被正中央嘅「金鐘罩」吸引 原來係店內嘅靈魂 —— 炸爐 耳聽著滋滋作響嘅聲音 望住大廚從罩內撈起一件件炸物 就好似變魔術咁，好有趣！ 枱上有松露鹽、綠茶鹽、海藻鹽、辣椒鹽同青檸 先調好天婦羅汁，加上蘿蔔泥 下一步就係靜待「好事來」～～～ 首先係開胃菜鹿兒島醬油漬吞拿魚赤身 魚肉嘅鹹鮮出奇地有開胃作用 第一道係花竹蝦 呈上一隻薄漿一隻厚漿嘅組合 炸漿火候控制得剛好 前者爽脆，後者蘸點天婦羅汁 餐廳嘅天婦羅汁味道較淡，略帶鮮香 十分適合配搭海鮮 最後再吃炸蝦頭 似十足饞咀零食 然後有松茸配銀杏、沙錐魚、栗子等 當中要一讚個炸蕃薯 外脆內軟，點上自己鍾意嘅鹽 出嚟嘅效果味道鹹鹹甜甜，好正！ 另外牙帶魚同樣令我好難忘 香嫩魚肉油脂飽滿 配上酸汁蘿蔔蓉好解油膩 亦體現到每道菜都有精心舖排 巧思十足 套餐唔夠喉可以選擇追加兩款招牌分別係海膽天婦羅同埋鮑魚天婦羅 Lunch set 本身冇但可以加錢追加 試咗個鮑魚好彈牙但又唔會太un 配上鮑魚肝醬風味超濃郁作結 滿滿嘅黑松露片底下係半熟流心蛋 倒入醬油後將天婦羅蝦、松露同埋流心蛋拌勻 呢個飯真係風味絕佳，入口香口無比 飲埋個味噌湯後就可以食、甜、品！ 係抹菜栗子雪糕 同室外嘅秋意好夾 雪糕幾清爽亦唔會太甜 係圓滿嘅句點

Tempura Jiro屹立喺中環都一段時間，可以話係全港數一數二嘅天婦羅廚師發辦店，由日藉師傅打理，坐喺直前睇住師傅料理手藝!!面前仲有幾款唔同嘅調味鹽，可以根據師傅介紹嘅去增添食材風味。 前菜先上吞拿魚赤身，好厚肉。 第一道天婦羅係花竹蝦二食，分為蝦頭及蝦身，狀態真係好靚。 第二道係螢光魷魚，最近時令嘅菜式，要小心非常熱🤣一啖食入口就爆漿。 蠶豆，一向都幾喜歡蔬菜嘅天婦羅，可以將佢哋提升一個層次，真係好夾。 岩蠔，蠔身飽滿，已經對半切開，粉漿薄脆，蠔肉多汁。 沖繩苦瓜，平時唔食苦瓜嘅我都覺得呢個幾好食，上面仲加咗少少味噌。 沙錐魚，又係分左做二食：魚骨同魚身，如果係炸到非常薄脆，魚肉感受到天婦羅嘅熱度，肉質非常嫩。 毛蟹 (追加)，可以啖啖肉咁食嘅原因，係因為師傅會將全部蟹肉拆晒出嚟，份量都唔少，再加咗三文魚子，成個鮮味非常突出。 蕃薯🍠天婦羅衣明顯見到只係薄薄掛咗喺表面一層，番薯本身已經好甜好好味。 最後仲有一碗帶子蝦餅茶漬飯，原個帶子蝦餅天婦羅熱辣辣咁放入去成碗茶漬飯入邊，離遠係聽到好清晰嘅"咋咋"聲🥰 一間非常喜歡嘅天婦羅店。 Tempura Jiro (中環) 中環士丹利街50號信誠廣場地下E號舖

係香港小數主打天婦羅omakase既餐廳, 店內以日籍廚師主理食材, 全店只有12席, 可以近距離睇到師傅處理天婦羅既功架 店舖提供左綠茶、松露、海藻等不同味道既鹽同天婦羅醬汁比你配襯, 而且每道料理店員都會清楚介紹返應該襯咩口味既配料.