天天海南雞飯 (新城市廣場) – 新加坡餐廳

講到我最鍾意食嘅新加坡菜，除咗喇沙之外就肯定係海南雞，但係海南雞要做到嫩滑都唔係一件容易嘅事，所以我要搵間專食海南雞又有質素嘅餐廳！！ 一碟中size嘅海南雞唔可以話貴喎，勝在雞肉真係白嫩又滑身！額外沾上海南雞醬汁，又多一份惹味同滋香，建議叫碗油飯/白飯就夠啦 而蒜香酥炸䱽魚同樣好食，始終屋企真係做唔到酥炸嘅烹調方法，冇諗過份量都幾多，魚肉無話炸到好乾身，反而外脆裏面保留住肉汁，加上粒粒蒜蓉好香口。 小籠包好特別，插上咗香醋，比你自己直接擠入去小籠包嘅裏面。呢份點心都幾有驚喜，內裡肉汁澎湃。

新加坡過江龍南雞專門店 未去過新加坡 鍾意食海南雞所以嚟潮聖下 果然冇失望！🇸🇬 煲煲甄選2人套餐 豐富滿足

朋友話呢間天天海南雞飯，新加坡菜都好出名☺️ 佢話佢試過幾次食都唔錯，所以就叫埋我一齊去食 咁啱見到餐廳，仲同隔籬嗰間賣蛇羹嘅餐廳一齊做Crossover有套餐叫 所以就試咗呢一個《龍鳳配》二人餐💕 一次過試晒兩間嘅出品 套餐真係好抵🥹 平時一個蛇羹都幾十蚊 呢個餐真係包咗好多嘢食 首先就係呢一個花膠太史蛇羹 二人份量真係比得好足 蛇食落唔會有腥味 味道調配得剛剛好 而且最緊要就係加啲配料 有我最鍾意食嘅脆脆配料 ❤️ 跟住就包埋呢個豆漿海南雜菜煲 豆漿令到蔬菜嘅鮮味帶咗出嚟 而且裏面材料都豐富 除咗雜菜之外都仲有菇同埋雞腎 ～ 之後就到今餐嘅主角 天天海南雞半隻 佢嘅雞肉真係整得超出色 雞皮唔會油膩而且係爽脆 雞肉食落亦係新鮮肉質滑～！加埋佢嘅雞醬 就更加係提鮮 佢亦都有好多配搭俾你 我自己就鍾意夾多條芫荽一齊食 之後仲有每人人一碗嘅生炒糯米飯 加咗臘腸去炒真係非常之香 裏面亦都有花生配料 估唔到海南雞配呢個臘腸飯又咁好食 ！ 另外都想讚吓佢杯嘢飲 呢個係出邊比較少有嘅特色飲品 就係豆花奶茶同埋豆花咖啡 ～ 原來奶茶同咖啡同豆花係咁夾🥹 飲落會令到成杯嘢更加滑口 ～ 佢嘅咖啡同埋奶茶都沖得好靚 總括嚟講 呢間餐廳嘅出品非常之好 特別係海南雞 同埋蛇羹 出邊嘅餐廳真係冇整得咁好☺️ 想食正宗新加坡菜一定要嚟呢度試吓

二人餐有必點既海南雞，主菜有肉骨茶，仲配有小食同雜菜，加埋都唔洗$400。 餐廳招牌菜海南雞 雞肉已去骨，所以啖啖都係肉 雞肉嫩滑多汁，一定要連埋雞皮食，係超級滑！如果單食雞肉味道就偏淡，建議加埋佢嘅秘製醬汁同薑蓉，會好味啲。 豬肉肉骨茶 店員會以火爐原個奉上，保持湯嘅溫度 湯底胡椒味濃郁，配料豐富，除左有三件大既豬肋條，仲有豬肉丸、豆卜、豬肚。 豆漿海南雜菜煲 呢個平時真係少食，豆漿煮菜味道偏清淡，啱啱食完濃味肉骨茶就啱哂！ 不過菜既份量偏少，反而粉絲有好多！而且配料都唔少，仲有雞腎、蝦乾、白玉菇。

行經沙田新城市，見到天天海南雞門外兩塊大餐牌，都幾抵食兩條友決定入去一試 諗左好奈叫$399定$499套餐好～ 蛇羹唔係成日都食到所以決定叫$499👍🏼 平時一個蛇羹都幾十蚊碗，好足料，食落唔會有腥味 加埋脆脆配料好食 唔識蛇的可以簡燉湯👍🏼好貼心 豆漿海南雜菜煲 有雜菜之外都仲有菇、雞腎同埋大大隻蝦米 豆漿令到蔬菜更加提鮮👍🏼正 主菜：天天海南雞（半隻） 雞肉真係超出色，好嫩滑，食落似啫喱狀 無骨食落啖啖肉👍🏼配上青瓜蘸上黑醬油與酸辣醬 口感清新得來又濃郁 一人一碗 生炒糯米飯 有粒粒臘腸、潤腸、花生👍🏼足料 飲品：檸檬薏米水、菊花冰 總括黎講～呢個餐好抵食 食到正宗新加坡菜 海南雞同埋蛇羹真係好好食👍🏼👍🏼