大紅袍火鍋料理 – 火鍋餐廳

椰子雞湯底🥥🐔真係唔可以錯過！湯底入面有半隻雞同埋兩個椰子，湯底味道香濃，椰子嘅甜味同雞肉嘅鮮味再加好多配料，搭得好好。位置夠闊落坐得舒服！ 餐廳有好多火鍋配料選擇，又大碟又新鮮，以下幾樣特別推介： 花彫牛肉：花雕味好濃，肉質鮮嫩，就算錄得好熟都仍然好重花雕味同埋好嫩滑，食落好滿足。 廣島蠔（8隻）：肉厚多汁，脹卜卜好好味❤️ 脆鯇魚骨腩：肉質彈口，冇魚腥冇草味🐠 蟹籽墨魚滑：滑口又有彈性，有墨魚味推介 豬腰 ：好大片，清潔得好乾淨，完全冇怪味，食落爽口，超正 王喉： 超爽口，好味 冰豆腐：火鍋必備，吸晒湯汁正 仲有好多新鮮刺身，加拿大海膽鮮甜美味！下次可以encore !

今次去荃灣食呢個傳聞中好鮮甜嘅五指毛桃椰子雞湯 五指毛桃椰子雞湯底$168 湯底入面有五指毛桃 ，椰子肉等。 先倒入2個新鮮椰青水，再落埋半隻雞，等佢煲滾一陣，清甜滋潤湯底完成。 雞肉好滑，煲耐左都唔會柴。 大紅袍牛肉三拼 $368 三拼有極級本地手切肥牛，頂級安格斯牛頸脊同手切封門柳，每款牛都係好正，肉質鮮嫩彈牙，牛味香濃。 牛胸尖$108 油香重，肉質爽口有𡁻口 日本黑豚五花腩$138 肉質香滑，絕不油膩，亦唔會有羶味 手打檸檬茶$28 超大杯，好足料 有D食品可以半份咁叫，2位食都可以叫多幾款野食 而家仲有優惠，只要星期一至六(公眾假期除外)去食，追蹤大紅袍IG 、上傳相片到IG或Threads，身份證上含有1 /5 /7 / 9 即享有以下優惠: 1個字9折 , 2個字85折 、3個字8折 4個字75折 (數字唔重複計同唔計括號入面既數字)咁又抵食左! 值得一試

高質火鍋湯料都咁正 話說舊同事喜歡火鍋，即使佢痛風都唔戒口個種呢。佢搵我一起食依間，真係幾正的。食材高質，湯底好清，又幾正。 五指毛桃椰子雞湯 $198 湯底用左椰青水、鮮淮山和五指毛桃，味道清甜，未食前先飲碗湯好正。仲有半隻雞份量十足，令湯更鮮美。 招牌三拼餃 $138 三款餃樣樣都好味，餃皮薄身，餡料十足。黑松露蟹肉餃松露味突出，加上蟹肉絲絲好鮮味。鮮蝦雲吞餃蝦肉爽口彈牙，鮮香美味。韭菜餃菜味香甜，啖啖豬肉好正。 手打四寶丸 $98 丸物都好高質，有牛丸、蝦丸、墨魚丸、鯪魚球。新鮮手打係食唔同D既，保留到肉汁。 棉花魚肚 $88 鍾意食魚肚，一大兜真係好滿足。大塊又彈牙煮埋湯汁，好味。 西班牙豬肉 $118 豬肉肉質鮮嫩，脂肪均勻，肉味香濃帶點風騷。 美國桶蠔 $168 白雪雪大大隻蠔非常肥美，蠔味鮮美又唔腥。 紫菜炸響鈴 $60 響鈴即叫即炸，大件夾抵食，香脆可口，加上紫菜味香，一浸索下湯汁，外軟內脆，食完都幾飽肚。

大紅袍嘅邊爐湯底一向岀色，今次就揀咗個椰子雞湯底，又係非常真材實料，包括有半隻雞及足足兩個椰子嘅椰汁🥥，煮滾左先飲啖湯，味道清甜，雞肉亦都好嫩滑，椰香與雞鮮完美融合，相當滋潤 除了湯底出色，火鍋料也相當高質，牛肉蜆牛丸蝦滑墨西滑全部都好新鮮。 而家身份證有折扣，1，5，7，9 四個字其中一個或以上就有折，4個中晒有75折，我哋就中左3個，有8折，正！

香港人就最鍾意打邊爐，我都唔例外🤭今次就去咗荃灣嘅大紅袍☺️佢嘅位置呢就喺荃灣百悦坊，西鐵站行過去呢10分鐘左右所以其實都幾方便㗎。而且喺16樓全層，地方好大同，朋友仔一齊去食呢就啱晒啦 🌟清甜椰子雞（$168） 我不嬲都好鍾意食椰子雞打邊爐嘅，貪佢味道好清甜仲可以飲埋個湯，佢一開始會上兩個椰青俾你倒入去個湯底度，然之後加埋新鮮雞落去滾起就可以食啦。雞肉真係好嫩滑👍而且係用真椰子做湯底，個味好鮮甜🤭忍唔住連湯都飲多兩碗 🌟廣島蠔（$118） 佢嘅海鮮配料都好多選擇嘅，而且價錢唔算貴，我就叫咗佢嘅廣島蠔八隻都係$118 蠔肉好新鮮而且全部都肥嘟嘟 🌟鮮牛肉粒（$148） 打邊爐又點會少得牛肉🤭我哋叫咗佢嘅鮮牛肉粒，琳琳嘅油脂分布，可以話係入口即溶☺️我自己呢就覺得牛肉味幾香嘅 🌟滑牛肉（$118） 我老公就鍾意食佢哋嘅滑牛肉，佢哋嘅滑牛肉會配埋一隻蛋，食之前撈勻佢🤭食落特別嫩滑 🌟鬼馬蝦膠（$75） 好少見到餐廳會有呢一個鬼馬蝦膠，其實佢就係油炸鬼上面吱蝦膠再配埋油炸鬼一齊食。個口感都幾豐富㗎👍而且呢油炸鬼淥熟咗之後軟腍腍🤭 呢一間餐廳我都幾推薦一大班朋友去食嘅，因為佢嘅款式種類都好豐富啦，多啲人就可以試多啲唔同嘅嘢食啦 我仲留意到呢佢四月份推出嗰個新優惠真係幾抵㗎 身份證上含有 1，5，7，9 四個字其中一個或以上即享有以下優惠 [不計算重複及身份證括號內號碼]： - 1個字9折 - 2個字85折 - 3個字8折 - 4個字75折