大利膠輪電池公司 – 汽車維修店

爆左軑即係網上搵邊到有軑鋪 來到都預左師父補軑一定係西口西面 以事論事 補軑速度激快 咁當然會話你點軑點點點 夠期要換 報左價 同市場比係貴左d既 但態度都唔係差得咁緊要既

條軚無端端漏氣，因為漏得好快，所以就近近地搵左佢地check下條軚，點知師父一睇就話我插左釘，但又冇指出邊個位插釘，只係好快手咁整依樣整個樣就噴水話搞掂（當然就係連補軚既工具都冇拎出嚟），後來再發現原來係軚嘴都有漏氣（依樣係真既，因為佢有試俾我睇），跟住話換軚嘴100，補軚80，咁就俾佢X左80蚊，唔係怕漏氣漏到行唔到都真係唔會幫襯佢。

老實店一間!年幾前,寶馬車爆右頭胎要換,我驚換一條會危險，要換晒兩條,師父話條胎好新,唔使換兩條,仲同我打賭出吐露港放手行唔直線,另一條佢免費送比我,但我堅持要換一對,佢嬲到想食人!超搞笑! 補胎 換膠咀都一直幫襯呢間,又平又快手!

補呔不理想，無責任心，補完還快沒氣！

揸咗十幾年車最差嘅換呔經驗, 換軑期間我要求換完呔之後噴少少水試下車呔邊有冇漏氣, 因為裝咗上架車度就只能夠睇到外面睇唔到車底嗰面， 佢話有漏氣都係因為你條車鈴有問題(我梗係明白, 唔通條新呔漏氣咩），佢好唔願意幫我用水唧個呔邊嚟試下, 我話另一條都想試 ，但另一個人已經裝咗另一個轆喺車度， 因為我開咗聲都冇人叫佢試, 佢話"試咗㗎喇"。 但係我睇住佢根本冇試過， 條車呔邊仲係完全乾嘅。 態度差唔係問題， 我預咗。 係佢哋冇諗住盡能力幫你換好條呔， 佢哋唔會檢查下同嘗試清潔車鈴邊緣嘅雜物就直接裝車呔。 同佢講多幾句， 佢話" 你第一次換呔牙！" 建議如果你對架車有啲要求，就搵第二間。