{“星期二”: “08:00-18:00”, “星期三”: “08:00-18:00”, “星期四”: “08:00-18:00”, “星期五”: “08:00-18:00”, “星期六”: “10:00-00:00”, “星期日”: “00:00-06:00,10:00-18:00”, “星期一”: “08:00-18:00”}
{“星期二”: “08:00-18:00”, “星期三”: “08:00-18:00”, “星期四”: “08:00-18:00”, “星期五”: “08:00-18:00”, “星期六”: “10:00-00:00”, “星期日”: “00:00-06:00,10:00-18:00”, “星期一”: “08:00-18:00”}
填寫評論
Read More Reviews
Konggirlss
2 週前呢日同朋友去咗西營盤一間好chill嘅cafe，水泥灰工業風裝修，簡約又型格，坐低即刻有種好舒服嘅感覺！ House White ($45)係Latte，咖啡豆味濃郁，入口順滑，奶泡綿密，帶點微果香，不錯！ Golden Beach ($58)係甜桂花菠蘿梳打，氣泡清爽，桂花同菠蘿嘅甜味搭得超好，炎夏飲落好解渴！ Salted Caramel Muffin ($35)外脆內軟，咬落鬆軟濕潤，焦糖甜中帶鹹，每啖都係甜鹹交織嘅享受！ 餐廳有咖啡豆零售，Packing用唔同顏色區分咖啡豆風味，揀豆一目了然，設計好貼心！
Soserious Y
1 個月前噓🤫🤫🤫🤫🤫 間野個名咁特別嘅？ 估唔到係飲咖啡咖喎🤭 門口同鋪內都係以灰色調為主 一入到去就聽到好舒服嘅音樂 呢排真係好熱 要即刻落單叫野飲 我揀咗Iced House white 朋友揀咗 Cafe Drink ( Matcha Latte) 好奇問咗店員咩叫Colour black 原來係有唔同嘅顏色嘅咖啡豆 係代表返果啲顏色既水果或者食物既風味 又幾特別喎，下次過開嚟先再試 入面啲環境好舒服 好岩我呢啲偽文青去飲杯咖啡扮下文青 見到都有其他客人會帶notebook係度做野 我就揀咗我認為全場最chill 嘅位坐係度等我嘅野飲 坐低後，店員就俾咗杯水我地先 跟住等到我杯咖啡啦～ 雖然唔係攞正牌既品咖啡師，但基本都知品咖啡要感覺香氣、酸度、醇厚、風味同餘韻。 飲第一啖覺得真係飲緊咖啡咩🤣 奶油既順滑口感，酸度又好平衡，後尾仲有焦糖甜味添。 飲咗覺得又幸福又醒神。 而朋友杯 Matcha Latte 雖然係non coffee 系列，聽落亦好似好簡單，綠茶同奶囉！但飲落口感真係唔一般，滑滑既口感，有綠茶既味道但冇綠茶既苦澀味，有少少覺得係溶左既綠茶味雪糕咁，好飲到位朋友連比我試一口都唔肯囉！🤣 仲要係呢個環境下，我真係有種唔想走嘅感覺🤭
KikiKeiKei KeiKei
6 個月前位於上環同西營盤交界嘅工業風小cafe~雖然佢哋食物同咖啡嘅種類唔算好多，但係絕對做到貴精不貴多嘅感覺🤍☕️同朋友一人一杯House White坐喺度傾吓偈真係好寫意~~奶泡好滑 又唔會搶左咖啡香🫶🏻🫶🏻下次再去嘅時候，你想買佢哋嘅咖啡豆返屋企試吓haha
lifeistooshortforbadfood
7 個月前☕️ COLOUR BLACK 有5-6款咖啡豆可以揀，主要用packing 顏色分辨咖啡豆風味，而且最特別係有提供凍手沖🧊香港唔係好多cafe 會有提供 🫘Bolivia Taipiplaya Asocafe Honey 甜度好高，Body 厚身，aftertaste 好長， 而且只係$70，Cp 值好高👍🏻👍🏻 🥛White Coffee 期間限定可以轉用哩款豆做White Coffee Colombia Quindio Pink Bourbon Cinnamon Honey 咖啡有好香濃既肉桂味，奶打得好滑，同打熱左牛奶好夾，飲落好似食緊甜品咁，好特別👍🏻👍🏻
Hkfoodiebo
1 年前水泥風格令到咖啡店風格簡約， 坐得舒服，而且空間感都好足 入面有好多精品擺設，都幾適合打咭㗎！ 天氣炎熱，我們選了咗兩杯凍咖啡 果味比較多，好岩夏天飲 Cafe入面仲有咖啡豆零售， 唔同藍色嘅packing有不同的咖啡豆風味 可以根據自己嘅喜好去選擇 另外再嗌左件藍莓muffin 入面有酸甜嘅藍莓果醬,甜度適中， 配返杯咖啡啡就最啱啦！ 係上環既內街有間靚中帶旺既cafe，幾適合來抖一抖，放空一下