嘉多娜 – 麵包西餅店

嘉多娜麵包店擅長於傳統中創新，2021年推出「法式布甸包」引起網民熱烈關注而爆紅，成為本港人氣麵包店之一，事隔幾年每日仍有大批市民排隊等出爐。 老闆浩然在訪問時曾說希望能持續推出新產品。對於做麵包，他除了熱誠還有著自己的哲學：「以前食麵包為溫飽，但隨著香港飲食文化的轉變，要吸引年輕人選擇你的麵包，我們要革新。），老闆經常周遊列國，到法國、德國、台灣、日本等地觀摩學習，也會為了食一個麵包而去旅行。他說：「你永遠不知道自己學到的，會在甚麼時候跑出來給你靈感。」在近年持續革新，目的是讓更多年輕人欣賞港式麵包的魅力。 生日蛋糕造型很多，可指定款式或起草稿請師傅做。蛋撻分酥皮和曲奇皮，尤其曲奇皮拍埋深水埗10蚊一個嘅蛋撻都毫不遜色。 麵包我就推介蛋飽系列，有餐肉蛋，火腿蛋和煙肉蛋，雖然17蚊貴咗D，但內裹有生菜和沙律醬做底，再加滿牛油炒滑蛋，市面未見過。 另兩款推介係咖啡鬆餅和開心果燒餅，兩樣均香氣和味道濃郁。

我們點了三種口味的布丁包跟一個開心果泡芙 三個布丁包分別是朱古力、原味跟開心果口味 原味最好吃 再來是朱古力👍 開心果可略 它中間的內餡有點流心感 有點微冰 吃起來滿特別的 體積不大 可以多點幾個好好品嚐一番

麻糬布甸只限佐敦同何文田分店，每日1:30pm出爐，2:30pm去到都仲有唔少貨 麻糬布甸size偏細，所以唔算平民價錢，不過好味都值得去試！ 👓開心果麻糬布甸 $13/個，$25/2個 面頭嘅開心果醬真係同個色一樣好濃郁，中間布甸質感軟滑，麻糬皮好煙靭，開心果控超級滿足🤤 👓朱古力麻糬布甸 $13/個，$25/2個 本身有啲怕會係低B朱古力味或者好甜，點知食落係少甜又濃郁嘅朱古力味，有少少流心，又係食完會好滿足🤤 👓芋蓉麻糬布甸 $13/個，$25/2個 依個味道同樣好出色！原味布甸餡一樣好軟滑，中間芋蓉好香，都一定要食！ 👓開心果泡芙 $25 Size大大個，泡芙外皮係超級香脆，入面開心果醬係爆餡，可惜味道淡，覺得有啲浪費咗咁出色嘅泡芙外皮🥲 👓開心果燒餅 $10 依款產品喺油麻地店出爐後好快就賣曬，估唔到佐敦店下午都仲有咁多燒餅外皮煙靭，中間開心果醬又濃又香口，而且有粒粒開心果碎，如果見到一定要買嚟食！

佐敦分店嘅環境比油麻地好，環境大啲。 但麵包嘅選擇同油麻地分店係有啲唔同嘅，普通港式嘅麵包種類比較多，油麻地則多啲特色麵包。 一出門口，急不及待試咗三款包，分別都係$20三個。 發現質素普遍比油麻地分店為差，有點後悔買咗咁多，共8 個包 （$20 三個的買了x 2 set ； $18 兩個x 1set )，本身仲以為佢哋嘅水平都會差唔多，點知佐敦分店嘅包，比油麻地分店嘅差好遠，首先包嘅質地有啲偏乾，唔夠鬆軟，而且落料亦冇油麻地分店嘅禁足。 例如個肉鬆鹹蛋包，包嘅質地就偏乾，一啲都唔鬆軟，鹹蛋又一啲鹹蛋味都冇，而且好細嚿，包面頭肉鬆都冇乜味，所以食落成個包都係冇乜味得嚟，又有啲乾。 然後又試咗佢個花生醬拉絲包，入邊雖然有麻糬，冇味嘅，麻糬本身好腍身，亦沒有拉絲嘅效果，花生醬最敗筆，係一啲花生粒都冇，而且好甜，唯一比肉鬆包好嘅係，麵包質地冇咁乾，但係都唔可以稱得上鬆軟。 柚子朱古力麻糬，好似佐敦分店先有麻糬波波，而當中一隻特別嘅味道係柚子朱古力味，所以就買咗一個嚟試，麻糬比坊間嘅大少少，但係外皮比較乾比較硬，中間都沒有濕潤煙韌嘅感覺，食到又一粒粒嘅柚子粒，應該係用柚子醬嗰類嘅產品，所以偏甜，朱古力味有，但係食落兩個味唔係咁夾

今日終於食到傳說中嘅開心果燒餅，我重視咗佢嘅開心果泡芙同埋蛋撻。反而我覺得佢嘅酥皮蛋撻係出色嘅，開心果燒餅就婆普普通通啦，其實佢都幾爆餡係我覺得可以再加多啲砂糖，因為唔夠甜。我喺呢間12點開始賣11:45已經有大約10個人喺出面排隊。我相信好快賣晒。