哈豆 (觀塘駿業里店) – 台灣餐廳

之前下午試過哈豆，覺得幾好味，所以夜晚見到有外賣就叫咗佢哋嘅二人套餐。套餐可以揀乾拌麵或者肉燥飯，我揀咗滷水雞翅肉燥沙茶乾拌麵同紅燒牛肉肉燥飯，仲有菜，感覺幾健康！ 味道方面，乾拌麵嘅沙茶醬好香，雞翅肉好入味，牛肉好冧，不過外賣送到嘅時候，麵同飯有少少焗到冧咗，冇堂食咁好食。如果鍾意食爽口啲，建議堂食好啲！ 價錢都正常，連運費總共＄197。整體來講，哈豆嘅食物質素唔錯，但外賣真係影響咗少少口感，下次都會揀返堂食！

呢間係來自台中的台式輕食餐廳，唔使俾服務費，食物好味又多選擇，性價比幾高～ 海獺黑冰河畔溫泉 個海獺造型嘅巧克力奶凍好可愛，仲有台灣芋圓，上層鋪滿薄脆片，底層仲有黑芝麻雪糕；手工畫碟好精緻，chiikawa畫得好靚，好用心👍 蝦小紅燒牛肉湯麵 真材實料，味道好好，牛腱肉好厚，牛肉湯底濃郁香醇，麵條夠彈牙🍜 水餃+湯品+肉燥飯，麻油雞 有水餃4款唔同口味🥟，麻油雞果然名不虛傳，超嫩超好味，仲有淡淡藥膳味 黑糖芋芋鮮奶，躺平鴨珍珠紅豆 都係台式經典飲品，又香又濃 香脆豆乳雞 冇鹽酥雞咁鹹，雞肉多汁，酥脆口感，好味道 台式滷水豆腐，經典台式小食，滷水味好夠💕 遇見檸奶凍吐司 吐司烤得脆脆地，奶凍Q彈，芋泥綿密，真係好好食🤤 甘梅番薯條 撒咗甘梅粉，令薯條帶少少酸甜味，幾開胃🤩

一直都好想食哈豆嘅打卡刨冰🍧 係一間台灣人主理嘅台式餐廳🍴 不過佢換咗Menu 係開心果刨冰🍧試試佢 最驚喜係呢個刨冰有開心果同朱古力2隻味 🤍 刨冰面頭係豆沙繡球裱花同埋海鹽奶蓋 豆沙繡球裱花係最好食 入口即溶 認真食落口感細膩 海鹽奶蓋好似cream咁軟綿綿 鹹鹹哋 (呢2款係成個冰最好食嘅地方)💫 💚 中間配料係幾豐富 有紅豆🫘開心果 果仁🥜 食到中間仲有開心果雪糕🍦層次感豐富 🤎 值得改善嘅地方係 我覺得刨冰唔夠幼細綿密 整體偏向硬身咗啲 開心果味唔算突出 不過撈埋啲開心果同果仁 味道啱啱好👌🏻 朱古力味淡淡地 唔會好漏 食到底味道都係偏淡 撈埋海鹽奶蓋食都OK - 整體最鍾意係豆沙繡球裱花同埋海鹽奶蓋✨ 不過刨冰嘅口感細膩綿密啲就會更好 推薦度：7/10 ($118) - 芋見檸奶凍吐司🍞 炭黑色烘烤三文治外層口感鬆脆 但不得不讚 裏面個芋泥好出色 口感綿密 奶凍勁香滑 凍L凍L 奶味突出得嚟 唔算甜 好欣賞佢裏面有麵包糠 增加口感 拼埋一齊食 完全唔膩💛好有驚喜 少貴 但係好食✨👌🏻 推薦度：8/10 ($64) - 甘梅番薯條🍟 番薯條外脆內軟 入面係香甜軟糯嘅番薯👌🏻每條番薯條沾滿大量甘梅粉 食落酸酸甜甜 新鮮炸起熱辣辣 又唔油膩 勁好食🤤大家一定要叫呢個✨ 推薦度：8/10 ($38) - 藥燉排骨湯 排骨湯真材實料 足足有3大嚿排骨🐷 索晒濃郁嘅藥材味 勁入味 仲好軟腍 味道苦中帶甘✨暖胃又補身 真心唔錯👍🏻 推薦度：8/10 ($38)

同同事聚舊揀咗呢間餐廳，豬手湯麵轉米粉。新竹米粉爽口好食，份量都大份。隔離枱叫左個凱撒沙律都好大份好吸引咁

之前都有寫過哈豆嘅食評，不過主要係講牛肉麵，今次再俾多次機會佢嘅肉燥飯，果然令我改觀，佢嘅肉燥飯有得揀多滷水汁，椒鹽排骨份量比得好多，肉燥飯係台灣嘅味道，好食而且絕對飽肚 微糖嘅豆漿，對於平時唔飲甜嘢嘅我嚟講，佢嘅豆漿啱啱好，正如香港人嘅稱讚唔係好甜 - 。1109椒鹽排骨肉燥飯(套餐) | $64 1109椒鹽排骨肉燥飯多滷水汁 2103豆漿去冰、微糖 - 📌#sorriso_觀塘 #sorriso_觀塘區 - 👅【哈豆 Doctor Beans】 📍觀塘駿業里6號富利工業大廈3樓A室 📍觀塘成業街19號成業工業大廈2樓29室 🕑Mon-Sun 11:30-23:00 更多食評ig: @sorriso.foodie.hk - #foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #觀塘美食 #哈豆 #sorriso_觀塘區 - 哈豆都算係觀塘台灣菜嘅始祖，觀塘分別有兩間，好多人都話成業街嗰間比較好食，我就嚟左富利呢間，裝修幾有台灣特色，留意返只收現金 🍜【1201台灣牛肉湯麵】 $66 (4.5/10) 邊有得揀多麵，牛肉夠淋又有紅蘿蔔同埋蘿蔔同蛋，配料幾好，不過呢個牛肉麵個湯淡到我食唔到味🫠，甚至要叫店員比辣油我係咁加，我以為係自己問題，問咗同場一齊食飯嘅同事佢哋都覺得呢個牛肉麵無味，而且關廟麵煮得太淋 套餐包一杯豆漿紅茶，我揀咗無糖，所以唔評論 下次可能去成業街嗰間再試，見到openrice嘅差評都係話個湯淡到冇味，唔明點解會有咁多好評，但好評嘅都唔會點講個麵質地，希望老闆見到嘅話可以令到個湯再濃啲🥹 #sorriso_觀塘 #sorriso_九龍 - 📍【哈豆 Doctor Beans】 @drbeans2012 觀塘駿業里6號富利工業大廈3樓A室 觀塘成業街19號成業工業大廈2樓29室 🕑Mon to Sun 11:30 ~ 21:30 👅更多食評ig: @sorriso.foodie.hk - #foodie #foodiehk #hkeats #黃店 #黃色經濟圈 #不專業食評  #相機食先 #黃店地圖 #食好西 #852foodie #foodstagram #foodphotography #觀塘黃店 #九龍黃店 #良心小店