和食快餐 – 日本餐廳

雖然舖頭商場扶手梯一落就見到，但其實門面唔算吸引人入去，座位唔多窄窄地，細舖無辦法，但侍應一見你入去，都會主動招呼，去個兩次都係八成滿客。 叫咗$42雞扒冷蕎麥麵+$5凍檸茶+$2椰菜，共$49。等五分鐘度就嚟到。 雞扒煎得香，比較乾，雞皮好脆唔油，唔算咸（總體好啱個人喜好，唔啱鍾意滑雞多汁人士） 冷麥麵正常發揮，無特別，份量都多。冷麵汁涼涼地又唔會太咸，配埋芥辣好食。 最加分係間餐廳有得平平地加椰菜或者加蛋，原來椰菜配冷麵汁都幾夾。 應該之後都會成日去。

1 和食快餐 雞扒拉面 (醬油湯底) $37 雞皮煎得好脆, 雞肉其實冇乜調味, 食落有啲寡, E點有點可惜, 上台俾錯湯底, 俾左麵鼓豉湯底, 味道正常, 拉麵有嚼頭, 食落去唔會太淋, 我覺得湯底咸咗少少, 整體五粒星經濟實惠 加州卷 (2件) $12 好味過爭X, 入邊嘅菇片爽口彈牙, 而且幾有日本風味, 不過整體壽司太過鬆散, 而且價錢都唔算平, 所以就冇咁推薦, 下一次唔會再嗌三粒星 凍檸茶(走甜) 茶味冇乜, 只係飲到後勁有少少苦苦地, 比茶餐廳細杯, +$4 2 咖哩牛肉飯 凍奶茶走甜 $42 咖哩喺果種好甜口咖哩, 小朋友都適合食完全唔辣, 神奇又有誠意地方就係有五花腩碎, 所以食落口真心幾香, 咖哩配料紅蘿蔔洋蔥薯仔全部齊曬, 牛肉肥膏比較多, 雖然食落口好有油香, 不過我就認為有少少滯, 遺憾嘅地方就係牛肉冇咩調味, 份量比較多, 細食俾建議兩人分食, 好嘅牛肉冇羶味冇臭味口感唔會太韌, 飯嘅質素都唔差有飯香味, $39 哩個價錢非常抵食, 住得近嘅我會成日去, 整體五粒星 凍奶茶味道喺預料之內, 佢texture 好滑, 普通 3 豬扒煎蛋飯 $33 凍鴛鴦 $3 我就認為今次係我食過佢間餐廳最難食嘅一次, 有改善嘅空間, 但係其實抵食程度好高, 所以其實唔算好災難, 正正常常咁嘅質素, 如果你要求好低甚至可以覺得佢做得唔錯 佢嘅豬扒令我震撼嘅地方就係佢竟然吉列油炸, 我就認為各種調料嘅味道仲重過豬扒本身嘅味道, 食落去唔夠原汁原味, 而且炸得比較乾身, 加上又冇其他醬汁所以真係好dry, 好處佢新鮮即炸, 唔會攤到凍哂, 都算係有誠意, 豬扒唔會太薄, 所以食到啖啖肉, 非常滿足, 唔好咁高要求 佢嘅雞蛋其實我就覺得喺日本雞蛋, 蛋黃香味都ok 夠, 不過如果係燶邊會再香少少 我對白飯其實係有少少要求, 黎一間 OK 佢嘅鴛鴦我就覺得麻麻地, 我認為佢嘅咖啡真係實在太苦澀, 同佢嘅茶一樣都係冇乜aftertaste 不過半夜咁平就唔好咁挑剔, 冇水喉水怪味就得 飯嘅份量真係比較多, 我食完淨番起碼7成 總括黎講價錢抵食, 味道出乎意料, 餐廳環境正常冇乜記憶點, 以CP而言, 值得俾5粒星

平靚正 係2025年雞排煎蛋飯都係$36 味道質素都唔差

性價比超高，我加左隻蛋,兩份蟹柳,沙律醬，超飽～

糧尾恩物 嗌左個咖哩豬扒飯，豬扒仲多過飯，就知呢間係好野啦