吉勝吉列串揚專門店 – 炸物串與串炸餐廳

會回頭✨誠意滿滿嘅日式居酒屋🎏 今日想介紹下呢間「日式居酒屋餐廳」，上星期喺朋友介紹下，去咗大角咀一間頗有名氣嘅日式居酒屋餐廳【吉勝吉列串揚專門店 】。 呢間餐廳位於一條較為靜謐嘅街道上，門面低調但內裏別有洞天。入到去即刻感受到一種地道日式居酒屋嘅親切感，木製傢俬、暖黃燈光再加上牆上手寫嘅每日推介菜單，整個氣氛既溫馨又放鬆。 坐低之後就隨心所欲咁點咗一堆燒烤同刺身，打算好好感受一晚嘅美食盛宴！ ✨和風刺身沙律 & 赤海蝦刺身 開場點咗和風刺身沙律，賣相清新而誘人，刺身嘅鮮甜味道同爽口嘅沙律菜互相平衡，再配埋帶點酸甜嘅和風醬，清新又開胃。赤海蝦刺身亦係驚喜之作，蝦肉非常鮮甜，質感軟嫩但又帶點彈牙，每啖都可以感受到大海嘅鮮味，簡單而直接！ ✨鐵板燒牛舌 & 串燒厚燒牛舌心 牛舌係「吉勝」嘅招牌之一，自己落手喺鐵板燒切好咗嘅厚切牛舌，表面微焦而內裏嫩滑，口感層次豐富！再嚟係串燒版嘅厚燒牛舌心，每一口都係濃厚嘅肉香，配上輕輕嘅鹽調味，突顯咗牛舌嘅鮮美，絕對係喜歡燒烤朋友嘅必試之選！ ✨吉列日本黑豚定食 主菜揀咗吉列日本黑豚定食，豬扒外層炸得酥脆而唔油膩，內裏嘅肉質鮮嫩多汁，另外仲有碗芝麻俾你配枱邊醬汁自製蘸醬，配埋一碗熱辣辣嘅白飯同味噌湯，呢個定食可以話係非常滿足！ ✨壽司 & 卷物 壽司同卷物方面，火炙左口魚邊壽司係今晚嘅亮點之一，左口魚邊脂香濃郁，加上火炙後嘅輕輕焦香，入口即溶，回味無窮。火炙三文魚加州卷則係輕鬆啖啖好，三文魚嘅油脂同醋飯配搭得天衣無縫，每一口都係滿滿幸福感。 ✨串炸拼盤 串炸系列亦係居酒屋嘅經典選擇，每一串都炸得金黃酥脆，完全唔覺得油膩。特別推薦紫蘇雞肉炸串，紫蘇嘅清香滲入雞肉之中，咬落去好香口又唔覺得膩。多春魚炸串同煙熏豚肉炸串亦非常出色，魚肉鮮甜，豚肉則帶有一陣輕煙燻味，層次分明！另外，車厘茄炸串嘅酸甜口感係一道清新嘅驚喜，適合食到中段時清一清味蕾！ ✨特飲：信州蘋果梳打 & 完熟桃子梳打 飲品方面，信州蘋果梳打帶有自然蘋果香，清甜而唔膩，氣泡感恰到好處，幾適合作為解膩嘅飲品。而完熟桃子梳打則係甜度更高，帶有濃郁嘅果香，飲完之後有一種清新嘅感覺，令人精神一振。 【吉勝吉列串揚專門店 】係一間無論氣氛、菜式質素都非常值得推薦嘅日式居酒屋。 從前菜刺身到燒烤、串炸再到特飲，每一道菜都可以感受到廚師嘅用心。呢度嘅選擇多樣化，無論係輕鬆傾計定係想享受一場地道日式美食，都可以滿足到。下一次再來，必定會再試其他推介菜式！

正宗日式居酒屋 今日去大角咀同表哥拜年, 依往年一樣, 他會請我吃晚飯, 今年比較特別, 請我食日本餐. 到他屋企樓下的飯堂, 吉勝吉列串揚專門店, 原來表哥愛上居酒屋的食物和氣氛. 隔天也會到此開餐. 居酒屋門面闊, 提供壽司, 刺身, 卷物, 丼飯, 燒物, 鍋物......看來吸引. 裝修用上特式木, 木質台椅. 餐廳座位寬敞舒適. 店長見表哥帶親戚到訪, 立即替我們安排食物, 又介紹優惠飲品. 買一送一. Asahi 樽裝啤酒 330ml, 另叫了玉泉忌廉. Asahi 帶麥芽味, 氣泡多, 飲得好爽. 蟹籽沙律 蟹籽晶瑩通透, 蟹柳, 混合青瓜絲, 調上蛋黃醬, 好醒胃. 芥辣八爪魚拌青瓜, 八爪魚帶爽脆感, 加上芥辣味道更開胃, 唐揚小池魚, 理想送酒小食, 烤得香脆 , 沾上沙律醬同吃, 令人食不停口. 火炙左口魚邊壽司 / 火炙三文魚壽司 / 火炙三文魚加州卷, 一同送上, 賣相吸引. 火炙左口魚邊壽司, 魚肉鮮美, 越吃越滋味. 火炙三文魚壽司, 火炙厚切三文魚 燒得香口細膩, 入口柔膩甘美. 火炙三文魚加州卷, 外皮圍上火炙三文魚加上大大粒魚籽, 内餡玉子, 紫菜和青瓜絲, 口感有層次. 火炙三文鱼嘅鲜味更突出. 好食. 接著是燒物: 串燒厚燒牛舌心 / 串燒雞軟骨. 熱熱的送上.串燒雞軟骨: 爽口又脆口, 食得夠滋味. 串燒厚燒牛舌心, 燒得剛好, 牛舌偏厚身, 牛味夠香, 肉質較稔和有質感, 甘而不膩, 很滋味. 串燒鷄肉軟骨棒, 自家制的雞肉棒, 燒得外脆內軟, 沾著雞蛋黃醬油吃, 很是惹味. 隨機串揚拼盤 x 10本, 有齊海, 陸及蔬果: 多春魚, 日本冬菇, 大蝦, 芥茉牛柳, 豚肉露筍卷, 極黑豬柳串脆, 日本青椒仔, 秋葵, 日本茄子, 迷你甜薯. 好豐富. 我愛多春魚, 表哥喜歡日本冬菇, 各取所好. 大蝦, 肉質結實鮮甜. 吃得出色. 芥茉牛: 較稔又有質感, 點上芥茉很好味. 豚肉露筍卷: 豚肉很多汁, 露筍清爽, 外層肉燒得香, 很夾. 極黑豬柳串: 燒得焦香微脆, 肉味濃厚, 加點辣汁, 口感一流. 日本青椒仔, 秋葵: 健康之選. 日本茄子 燒得香, 吃得回味. 最後吃 迷你甜薯, 外脆內軟香甜濃郁. 室外天氣仍冷, 表哥叫了牛肉烏冬, 牛肉片肉質柔軟, 牛肉味濃郁, 烏冬夠滑又彈牙, 很好吃, 湯頭甜美更暖胃. 好滿意. 食材選料好, 食物有質素, 廚師廚藝有水準. 服務同環境都理想, 食得開心. #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #hkgoodlover #hongkong #foodblogger #hkfood #hkfoodie #香港 #美食分享#美食推介#香港必吃#香港吃#香港吃吃吃#香港吃貨＃香港吃喝玩樂#吃在香港#吉勝吉列串揚專門店

吉勝一直是我wish list內，因為除了串燒，炸串亦是我喜歡的食物，但是在香港食炸串真的頗貴。 當晚六點半到達，人不多。我因為買了OpenRice嘅日本餐廳八折券，就快到期，所以快啲用埋佢。先來一個牛油果沙律，其實我唔太喜歡胡麻醬，但係佢呢個醬都唔算重味，份量都多，牛油果應該用咗成個，但係有點可惜未夠熟。 然後開始叫炸串、蓮藕、南瓜、三文魚、紫蘇雞肉、海膽豆腐、鵪鶉蛋、芥末牛柳等等。比較喜歡紫蘇雞肉和南瓜。平均每串都是$1x-2x，價錢相宜，下次飲完涼茶再食。 朋友怕炸串太熱氣，所以就另外叫了串燒，雞肉軟骨棒，水準之內。串燒白鱔，稍嫌欠缺少少調味，說來好笑因為近日有朋友送了一些日本海膽鹽給我，我一直放在袋中沒有拿出來，正好派上用場。串燒白鱔燒得非常不錯。燒物做得不錯，而且價錢不貴，絕對可以encore。 最後我點了兩件壽司作結，我選了火炙左口魚壽司和火炙和牛壽司，兩者入口油分充足，非常圓滿的作結。 到我們離座時店子差不多六成滿，小店出品用心有誠意，加油呀。下次應該會來吃午餐。

📍 吉勝吉列串揚專門店 -大角咀 以日本文化做主題既內部裝修 好有居酒屋風格！ 服務態度友善，環境舒適。 可以慢慢享受食午餐嘅時光🥢 ✨魚生便當 魚生便當給我留下深刻的印象。 魚生以新鮮、三文魚，魷魚🦑吞拿魚、帶子、甜蝦做主題🦐切成粒粒撈埋豉油再加Wasabi，搭配豐富香氣四溢的白飯，每一啖都係滋味十足既享受。 便當仲包括仲有、吉列蝦同蟹，鯖魚。 令整個便當都好豐盛☺️ ✨吉列日本黑豚定食 黑豚肉質鮮嫩多汁，入口即化，帶著微妙的甜味和豐富的脂肪香氣。配搭白飯、湯品和小菜，平衡了整體味道。餐點份量足夠，能夠滿足飢餓感。 日本直送🎌 ✨日本提子味汽水 ✨日本橙味汽水

本來約了King 姐食飯，怎知她說要Training，與我分隔兩地上班。所以下班後的飯局唯有找人陪我吃。我們去了食一間　隱世餐廳，位置大角咀大全街附近，一下班收工就走過去，食材質素高質，新鮮味美，可以媲美日本當地質素。人均消費$465。 極尚時令刺身拼盤七品 一大盤刺身，擺設賣相精美。三文魚、油甘魚、中拖羅、牡丹蝦、帆立貝，還有時令刺身兩款，件件都高質肥美，油香鮮甜，完全不腥，齒頰留香，好少香港地方可以食到如此高質的食材。 三文魚腩壽司 油甘魚壽司 黑松露帆立貝壽司 火炙左口魚邊壽司 辣三文魚軍艦 青蔥吞拿魚蓉軍艦 壽司飯一小口，食材大大件的，肥嫩鮮美，飽滿、油香、有光澤。食完一件想再食的感覺。 車厘茄 冬菇 富士蘋果 日本青椒仔 外皮炸漿很薄，材料新鮮多汁。炸富士蘋果都是第一次食，感覺新奇又新鮮，味道清甜爽脆，頗特別的喔。車厘茄、冬菇都很好吃，車厘茄酸酸甜甜，開胃又好味。 極黑豚肉豬柳 芥末牛柳 串燒豚肉荔枝 嫩肉惹味可口，餸酒一流。其中串燒豚肉荔枝很開胃，荔枝的清甜與豚肉的味道很夾，兩種層次的口感，創意美味佳餚。 串燒雞皮 串燒雞軟骨 串燒雞腎 雞皮的雞油香氣撲鼻，脆炸香酥口感，令人流口水。雞軟骨的軟靭咬口，同樣嘴饞。 飲品: 信州蘋果 原熟桃子 好飲的日本風飲料，清甜，有果味，解渴清涼。 📍 吉勝吉列串揚專門店 (大角咀) 大角咀大全街48號大同新邨大榮樓地舖 #相机食先 #手机食先 #美食博主 #香港美食 #香港探店 #香港旅游攻略 #香港旅游好去处 #香港美食推荐 #foodie #food #foodpic #foodphoto #yum #yummy #delicious #tasty #hkig #ighk #hkfood #吉勝吉列串揚專門店 #大角咀 #大角咀美食 #極尚時令刺身拼盤七品 #極黑豚肉豬柳 #串燒豚肉荔枝