台灣麵 (悅來坊店) – 台灣餐廳

年初二下午，加一，~$92食左一鹽蘇雞搭手絲雞肉飯，一碗細酸辣湯，加杯紅豆冰。 味道普通，比一般餐廳稍差。正常的話唔會再光顧。 價錢方面，以一餐飯計，唔算抵食。以當搵地方坐下飲杯台式飲品，又唔算貴，係街邊買杯台飲都分分鐘$40，兩者都係唔太好飲，但起碼這裡有得坐陣休息一下。 職員都ok,係餐廳的衛生算差，枱面的調味瓶起哂漬。以連鎖餐廳計，這間算係最差的水平了。

早餐牛扒好食，但係個碟太細，切牛扒時，經常推跌晒啲粟米同其他食物🤷‍♀️

#悅來坊#大窩口#台灣面 悅來坊一帶都有唔少食物 呢次揀左台灣餐廳 叫左一個豬軟骨肉燥飯 豬軟骨見到有用八角同滷水炆 炆得好好入味 又淋身👍🏻 連肉燥飯一齊食一流🌟 不過單獨食就會有啲鹹 多數都係配飯配麵比較入味 否則就有少少重口味 第二係白菜水餃肉燥粗麵 水餃啖啖肉 價錢便宜 偶然試一試都ok

以前每次食台灣麵都在九龍灣展貿， 第一次到荃灣分店， 店內的裝修跟九展是差不多的， 餐廳主打台式料理，點了一個二人餐， 已包括兩碗湯( 酸辣湯和貢丸湯) 、肉燥油麥菜、 皮蛋豆腐、 豬軟骨肉燥飯、 牛三寶刀削麵、 柑桔檸檬和熱好立克。 二人套餐份量多，味道都算不錯， 就是豬軟骨有點硬。 整體菜式種類多，價錢合理。

早幾日聽見老豆話心掛掛台灣的牛肉麵， 但又冇得去台灣旅行食和玩，做女嘅咪唯有帶佢去台灣麵到食返碗牛肉麵頂住下先。 今次同老豆去左熊貓酒店樓下的分店食， 老豆見到呢到d 餐可以雙併好開心， 佢就叫左碗紅燒牛肉麵配韭菜雲吞乾麵， 來到見到乾麵上會有d 肉碎拌麵食，老豆話唔錯， 牛肉夠哂入味和淋。 而我又係花心鍾意多款， 我特登叫左出名的紅燒牛肉麵配豬腳肉燥飯， 感覺好好喎， 紅燒牛肉連湯有一點點辣幾惹味送麵一流，而豬腳好有骨膠原岩哂我地d 女人食，下面好多肉燥，當堂食多左飯。 飲品方面跟餐加8蚊有特飲， 老豆叫左杯好夢幻的紫背天葵檸什花釀，而我就叫左杯青檸柑桔愛玉凍加珍珠，飲落甜甜酸酸，加上愛玉好滑，解一解食左咁多肉幫助消化下。