千杯串居酒屋 – 居酒屋

【元朗日式居酒屋】 🇯🇵七味魷魚鬚 前菜小食叫咗個魷魚鬚，外皮炸得香脆🤩魷魚鮮滑彈牙，粉漿薄薄哋好吸引 . 🇯🇵血池辛辣卜卜蜆鍋 卜卜蜆鍋似乎係餐廳近期推出新品，之前幾次嚟食都唔覺有蜆肉份量好多，新鮮、味道鮮甜，辛辣風味非常之咁惹味，完全停唔到口🤤 . 🇯🇵八寶蟹皇天丼 大大隻炸軟殼蟹🤩🥳，問咗店員八寶蟹皇究竟係乜，原來係集齊咗炸軟殼蟹、蟹肉、芝士蟹籽、蟹籽、蟹膏、蟹柳、糖心蛋、青瓜絲種類豐富、多元化，呢個丼飯賣緊$100都唔使，定價都幾有驚喜👍 . 🇯🇵熔岩朱古力曲奇芭菲 甜品絕對唔失禮，作為朱古力控嘅大家絕對唔可以錯過🤭 . 🇯🇵寒天果檸檬果茶梳打 跟餐加錢有一杯特飲，味道清新，可以解一解膩

今日經過見到呢間都幾多人食，就入左去! QR CODE落單個餐牌係比實體餐牌仲多野食簡架，好多款式。 八寶蟹皇天丼 原來係新推出，仲好足料! 店鋪好貼心咁幫炸軟殼蟹同溏心蛋開邊，蟹肉蟹籽仲有蟹膏等等，撈埋曬一齊咁食，好鮮甜。 和風魚生冷面 呢個好岩熱熱地既天氣去食! 上面鋪左好多魚生，仲有個冷面汁撈埋落去，酸酸地既汁食落好清新又開胃。 汁燒活鱔 平時唔太食魚既我都好鐘意，個汁好香，鱔既肉質仲好彈牙，絕對可以encore。 原條魔女茄子 呢個幾好驚喜，大大條，而且好鐘意佢個調味，茄子上面鋪滿辣辣地既肉碎，有種食緊魚香茄子既感覺! 串燒仲叫左雞軟骨串同埋明太子雞翼~ 四季春水果茶好好飲，好多水果係入面，飲落好fresh。 最後仲叫左個甜品 - 抹茶紅豆蓉雪糕芭菲，紅豆蓉好甜，中間有埋cereal!

位於元朗的一間居酒屋，地方不大，但可以坐在室外位置喝酒吸煙。這小店是屬於家族經營兩姊妹打理全間舖頭。 特別推薦以下食品比較令我印象深刻。 「抹茶紅豆蓉雪糕芭菲」 最底的一層是餅乾碎混合在紅豆蓉同雪糕一起吃好有消暑嘅作用，雪糕有幾款口味可以供選擇。🤗 「八寶蟹皇天丼」有原隻軟殼蟹混合蟹柳和一些蟹膏在碗內🦀吃一碗都很飽暖☺️ 另外還有一些特飲「紅西柚粒粒梳打」果肉十分充足。 而「燒生蠔🦪」有滿滿的蒜蓉在蠔的上面加上辣椒絲，一口咬入口，生蠔的汁充滿在口內。 還有點了油金魚鮫和串燒。 現在還有啤酒任飲套餐。 平均每人二百多蚊。

千杯串真係一間好溫馨嘅居酒屋(*¯︶¯*)平日晚膳時間去，唔洗等位就可以入座，居酒屋氣氛良好，有情侶、三五知已係到飲下酒、食下串燒、談下心。侍應都非常熱情向我地推介食物，最後我哋叫左兩個定食同一啲小食。晚餐套餐星期一至四先有哦。 定食附送左前菜、小食同甜品，另外仲有茶碗蒸同麵豉湯，非常豐富🥰 🥗前菜—杏片南瓜沙律：南瓜味清甜突出，口感較為綿密，再加上杏仁片脆脆地，2樣嘢好夾。 🧀小食—日本炸薯餅 or 一口芝：2樣小食就較為常見，炸薯餅係紫薯餡，甜甜地。 🍈甜品—蜜瓜福餅：滿滿的蜜瓜味，口感軟糯。 🍽大大塊厚切吉列豚肉定食🐖 名乎其實大大塊，炸粉層唔太厚，口感適中，即炸嘅吉列豚肉，肉質較嫩。👍🏻 🍽蒜片牛柳粒定食🐂 蒜片較為乾身，同牛柳相配度尚可，但sauce令兩者夾翻。牛柳粒煮得軟腍、唔太老，容易入口，配飯十分之開胃。 🍽串燒5串盛🍢 有牛舌、和牛、雞肉、翠玉瓜、菠蘿🍍連鐵板一同上餐，”沙沙”聲 特別有風味但要盡快食啊，因為一直喺鐵板上面加熱，啲肉好易會老。當中我最鍾意嘅就係燒菠蘿🍍 🍽意式風情牛柳他他 蔥花同蔥絲令牛柳口感大增，sauce偏酸，蔥花令牛柳增香，建議先品嚐原味，才再沾醬品嚐，一個小食，兩種風味。 🍹寒天晶球巨蜂梳打、寒天晶球檸檬果茶梳打 唔想飲酒，飲梳打就啱晒 梳打刺激嘅感覺同啤酒不相伯仲，巨蜂提子酸酸甜甜🍇，好醒神。而寒天晶球好有咬口，同一般寒天唔同，呢個較為結實。 今次叫左定食，估唔到咁大份，真係好飽 生啤做緊買一送一嘅優惠，而且所有串燒都有7折優惠！下次叫串燒，好chill咁享受下相聚時刻先

元朗千杯串居酒屋：一場美味與樂趣的日式饗宴 元朗千杯串居酒屋是一家以日式料理為主題的餐廳，提供了豐富多樣的美食選擇，讓客人能夠品味到道地的日本風味。這家餐廳的特色菜式包括茶碗蒸、生蠔、和風魚生冷麵、紅西柚粒粒梳打以及美國牛肩脊(1人前壽喜燒)配時令蔬菜盤和芝士蒜茖燒虎蝦，每一道菜都帶來獨特的口味和驚喜。 首先，茶碗蒸是這家餐廳的一道經典菜品。這道菜以蛋液、高湯和各式配料為基礎，蒸製而成。茶碗蒸口感綿密，味道鮮美，每一口都帶來濃郁的湯汁和蛋香，讓人回味無窮。 餐廳的生蠔也是令人垂涎欲滴的一道美食。新鮮的生蠔以最簡單的方式呈現，保留了其原汁原味，搭配檸檬汁或醋汁，帶來清爽的口感和海洋的鮮味。這道菜絕對是海鮮愛好者的最愛。 和風魚生冷麵是一道涼爽的夏日美食。這道菜以冷麵為基底，搭配新鮮的魚肉和和風醬汁，口感清爽，風味獨特。這是一道絕佳的選擇，讓你在炎炎夏日中享受到涼爽的美食。 如果你喜歡喝梳打水，那麼紅西柚粒粒梳打絕對是你不能錯過的一杯。這杯梳打以新鮮的紅西柚和氣泡水為基礎，加入果粒和適量的糖，口感清爽，味道酸甜可口，絕對是解渴的最佳選擇。 此外，元朗千杯串居酒屋還提供了美國牛肩脊(1人前壽喜燒)配時令蔬菜盤和芝士蒜茖燒虎蝦。美國牛肩脊肉質鮮嫩多汁，搭配時令蔬菜盤，讓你在享受美味的同時也能補充營養。芝士蒜茖燒虎蝦則是一道結合了芝士、蒜茖和新鮮虎蝦的菜品，口感豐富，味道濃郁。 總結而言，元朗千杯串居酒屋是一家讓人愛不釋口的日式餐廳。他們提供的菜式包含了茶碗蒸、生蠔、和風魚生冷麵、紅西柚粒粒梳打、美國牛肩脊(1人前壽喜燒)配時令蔬菜盤和芝士蒜茖燒虎蝦，每道菜都展示了高品質的食材和獨特的味道。