共度一燒 – 燒烤餐廳

今次同朋友去咗荃灣嘅「共度一燒」食串燒，真係超有驚喜！雖然我哋揸車冇試到佢哋嘅＄168/位120分鐘暢飲放題，但已經決定下次一定要再嚟試！ 食物方面，我哋點咗酸辣粉同多款串燒，特別推薦： - 厚燒牛舌：口感彈牙，燒得啱啱好！ - 金菇肥牛卷：肥牛香濃，金菇吸晒汁，正！ - 雞軟骨串：香脆惹味，送酒一流！ - 泰式豬頭肉：味道酸辣開胃，好有泰國風味！ 服務真係要讚！我哋夜晚9點坐到凌晨1點半，店員完全冇催我哋，仲話「慢慢傾」，真係好有人情味！ 雖然今次冇試到暢飲放題，但整體體驗已經滿分，下次一定會再嚟！推薦大家嚟試下，記得提早book位啊！

共度一燒 (荃灣) 📍 荃灣鱟地坊80-84號華成樓B座地下B1號舖 開心星期五，同朋友黎到荃灣食串燒，友人極推位於鱟地坊的「共度一燒」，貪佢做緊120分鐘無限暢飲放題，可以大嘆生啤、啤酒🍻、清酒🍶、雞尾酒🍹等，酒鬼至愛。 店舖面積不大，但設有卡位雅座，感覺舒適， 不消一會已座無虛席，人們高談闊論絕對是朋友聚會好地方。 麻辣豬耳：毫不吝嗇的豬耳，份量多，豬耳夠麻夠香，爽彈無比，而且最鐘意有筋位，特別有咬口， 一啖接一啖。 豚肉京蔥卷：京蔥燒至脆身厚實，薄薄一層醬汁豚肉配上爽脆清甜爆汁京蔥，好驚艷。 安格斯一口牛：粉嫩粉嫩的安格斯牛，不會燒至過熟，恰到好處，一口咬落做到爆肉汁效果，而且調味不會重手過咸。 雞軟骨：我第二推介嘅係雞軟骨，一份兩串 香口又脆燒到脆卜卜，佐酒一流！ 多春魚：燒至香脆金黃，喜歡魚春部分，有顆粒感，而且不煙韌，容易咬開。 味醂魚干：魚干焦香帶魚油脂，調味比較甜，簡單蘸上沙律醬可解膩 原條茄子🍆：燒茄子個精髓係啲蒜蓉！滿滿香辣蒜蓉鋪滿係條茄子上面，見到都流哂口水，茄子燒至焾身同蒜蓉融為一體，好出色 榴連炸彈：炸到外脆內軟的榴槤波波，皮薄餡靚又足料，仲有流心效果的榴連蓉！齒夾留香。 酸辣粉：非常喜歡其湯頭！呷一啖麻辣燙因為有酸菜反而偏酸，BB辣都可再辣點。花生、芫荽、蔥呢啲係基本配料，水魷一整條，爽彈無異味，不錯。識叫一定叫豬皮！吸收曬湯底精華！佢仲有好多款面底提供，薯粉煙韌掛湯汁，幾推薦！ 飲左幾杯Asahi 非常暢快兼值回票價🤣，而且飲埋提子🍇梳打，吾會太甜！串燒配酒人生一大樂事！GUR 曬 總結： 高質串燒 價錢相宜 暢飲套餐 酒鬼至愛 #荃灣#共度一燒#串燒#暢飲#梳打#啤酒#清酒#汽水#蒜香茄子🍆#酸辣粉#開心星期五#雞軟骨#榴連炸彈#多春魚#安格斯一口牛#麻辣豬耳#京蔥豚肉卷

👨🏻‍🍳共度一燒 (荃灣) 📍荃灣鱟地坊80-84號華成樓B座地下B1號舖 「熱辣辣好夠味又抵食的串燒」 🍽️蒜香茄子 滿滿的醬料、孜然粉， 未到已香氣撲鼻， 同探魚既蒜香茄子有得揮🤤 不過都系探魚👍🏻D 食到下一層 無醬粉 就淡DD 👍🏻🍽️白鱔 極推！！ 既煙靭又脆口， 又無乜骨 食完再encore 👍🏻🍽️泰式豬頸肉 爽口嫩肉多汁 就系形容緊佢 推👍🏻 👍🏻🍽️清酒煮花甲 湯汁好夠味 食完花甲，再用殼飲， 超鮮甜🤤🤤 飲吾停🥲 🍽️牛舌、司華力腸、豆卜、蒜蓉粉絲扇貝、蒜香燒生蠔、蒜香炒雜菇、雞軟骨、多春魚、雞腎.. 都好夠味，好好食🤤👍🏻 小店， 但環境光猛，感覺乾淨👍🏻 差左椅子有D高有D矮 要同朋友換換凳🤣 #共度一燒

共度一燒 (荃灣) 📍 荃灣鱟地坊80-84號華成樓B座地下B1號舖 忙碌左一星期，要食好西獎勵自己，放工之後黎到荃灣鱟地坊的「共度一燒」與友人啤一啤🥂詳談，食炭燒串燒。 環境乾淨衛生，餐廳光猛明亮，坐位坐得舒服，雲石枱面，淺綠色椅子🪑，高級感十足。播放著外語英文歌，一路同朋友吹水， 一路食串燒❤️ 雞泡魚干🐟（HKD 42):：高級嘅海鮮美食，有陣味醂味，食落甜甜地，吾會太韌，蘸上沙律醬再灑上小小七味粉，絕對係佐酒小食，配冰涼啤酒🍻，掂，好似番左居酒屋🏮咁。 酸辣粉（HKD 29) 搭配薯粉、中辣🌶、已附爆炒肉碎、香脆有衣花生🥜、吊味蔥花、解火芫茜、湯底夠辣，可以更麻辣，薯粉晶瑩剔透，比較焾身入味，另加配油脂十足肥牛、爽彈鮮味水魷同普普通通墨魚丸。店員細心呈上碗仔比我同友人分享。 紫心香芋丸（HKD 24/4 件）： 炸得香脆可口，食落外脆內軟，香芋餡好突出，好軟糯，香芋味甜度適中，好正。 榴槤炸彈（HKD 28/2件）：點少得榴槤，榴槤控必食，榴槤味充斥著口腔，齒頰留香，熱辣辣呈上食要小心燙口，流心效果出。 上湯煮花蛤（HKD 58): 花蛤大大隻，鮮味十足，蛤肉飽滿，上湯吾會死咸，反而帶出花蛤鮮甜味，蛤肉吸左上湯汁，食落吾會乾。 大墨魚咀（HKD 24): 大大粒好吸收眼球，材料新鮮不需點調味都好好食，墨魚嘴好爽彈，帶點淮鹽香粉味，仲燒得好焦脆，炭燒味好出。 金菇肥牛卷（HKD 20): 肥牛油脂燒至逼出香氣，完美滲入金菇中，金菇保持水份汁水，肥牛燒至香脆乾身，同金菇相映成趣。 厚燒牛舌（HKD 28): 口感較有嚼勁，中段部位口感爽脆，鮮脆且多汁，絕對是牛最醇香的部位。 總結： 環境坐得舒服 同朋友聚會一流 串燒質素味道好 價錢相宜 #荃灣#鱟地坊#串燒#共度一燒#掂#牛舌#墨魚嘴#金菇肥牛卷#酸辣粉#上湯煮花蛤#榴槤炸彈#香芋丸

性價比高🆙串燒製作用心 店舖裝修好新淨明亮，少見串燒店咁闊落又有時尚感🤩抽風好無油煙味，值得一讚👍🏻價錢方面相當親民，CP值高，喜歡飲返兩杯嘅朋友，仲可嗌生啤🍺同時有多款樽裝啤酒供應🍻真心會再訪+推介俾朋友 酸辣粉 配薯粉 BB辣 - 豬腩肉 豬大腸 •••••• 呢度有粉麵嗌，多個選擇又飽肚啲🤣賣相靚，配料足，肉碎辣辣地好食。豬大腸滷得入味，重要厚切！🤤薯粉煙韌Q彈， 厚燒牛舌($28) •••••• 大大片牛舌燒到焦香，表面油脂光澤印證火喉控制得好✅食落爽脆，一點都唔乾，沒有丁點異味腥味 招牌牛舌芯($28) •••••• 牛舌芯同樣大方厚切，燒得外脆內嫩，軟腍軟滑 安格斯一口牛($36) •••••• 叫得安格斯自然牛味濃，比較有嚼勁肉感 五花腩串($20) •••••• 油滋滋豬腩肉🤭邪惡但極香口一咬油脂爆發而不乏豬肉肉香味 雞肉串($16) •••••• 聰明地明顯唔係大舊大舊雞肉咁串起來，減低雞肉柴口嘅機會，表面帶有光澤已經收貨👌🏻 台灣腸($18) •••••• 皮脆肉甜嘅台灣腸好適合做串燒，有台灣夜市感覺 鯖魚($44) 白鱔($44) •••••• 高質高質高質❗️ 魚類一定要襯熱食，凍左會腥，鯖魚落少少鹽汁燒已經夠美味 新鮮白鱔肉厚肥美，脆魚皮真係好好香口好好食簡單調味更能突出魚肉甘香鮮味，咬落無骨又啖啖肉 原條蒜香茄子($42) •••••• 串燒舖必點菜式❗️蒜香十足難以抗拒🥰綿軟柔糯嘅絲絲茄肉，非常香甜，食到停唔到口，最尾清哂食到乾乾淨淨 上湯煮花甲($58) •••••• 估唔到份量咁多全部都開口，證明新鮮，花甲肉無熟過龍無縮水，大大隻鮮甜肉厚👍🏻 酒糟雞卷($26) •••••• 少見嘅冷盤前菜，自己好鍾意花雕、酒釀嘅食物，呢個雞卷自帶啖啖酒香氣，肉質札實，不錯