八番麵工房 – 拉麵店

匆匆忙忙去到一田超市，肚餓見到這間超市內拉麵店的Bar台坐滿了人，就放心試試。$54 - $78一碗拉麵，這間店麵條比較幼，口感不似一般拉麵店食到的麵質，湯底也是普普通通。义燒是好味的，咬入口有香濃醬油味，算是唯一亮點。食完才知道原來是超市特價日，大家都是找個地方休息休息，怪不得全坐滿，今次大意了

放工肚仔餓去附近醫肚～之前已經想試吓試個吉列豬扒沾麵$75仲以為個汁會好濃～食落水一點但不錯！似煮豬軟骨嘅汁加味噌湯…另一個味菜拉麵$69清清地。相比沾麵較淡口！叉燒不錯但得一塊太少…會繼續幫襯的！

話說星期日行完山，諗住落上水搵啲嘢食，好唔好彩搵中咗呢間。叫咗個吉列豬扒沾麵餐加杯凍咖啡。本身都唔期望會好食，個沾麵嘅湯居然同普通嘅拉麵湯一樣嘅質地，然後吉豬就更加唔使講，當然係好厚粉同明顯係工場貨色。成餐埋單計埋加一要成百三蚊，說實話真係性價比極低。題外話，食麵時係坐bar枱，對正裡邊師父燒串燒，見到個網黑晒都唔換，師父仲離奇幫個黑網點火，跟手繼續燒嘢俾客食。最後上嚟寫評，發現都係負評居多，只好怪自己冇使足功課啦。btw張相係食到尾，醒起想食評驚啲人話我吹水，所以隨手影咗張。

八番麵工房 @ 沙田一田 叉燒拉麵（醬油豬骨湯）$65 湯底味道雖然啱啱好，有有少少浠。 麵都算係合格，而且都掛到湯。 叉燒都好味，唯獨配料較少。 食果陣突然諗起以前響日本高速停車休息區（SA/PA） 果陣， 點既拉麵。大概就係咁既水準。

係沙田一田超市內行到累或先醫肚再掃貨，而又有得坐的速食之選。