元朗合隆潮州粉麵 (沙田) – 中式麵食店

夜晚七點半左右去，人唔多，但我哋去到嗰陣啲雞煲已經賣曬。我哋三個人叫咗一個滑蛋牛肉飯再加三個兩餸麵，食物質素算正常；個滑蛋炒得係幾好，牛肉幾新鮮但好難咬開；粉麵嗰啲我覺得個墨魚頭同蠔仔都幾好食，但好遺憾我真係好唔鍾意食內臟，連聞到陣味都頂唔住，所以嗰啲同豬大腸浸埋一齊嗰啲我全包冇食。好老實如果唔係兩老要去食我一定唔會去，不過兩老就幾滿意，佢哋覺得啲嘢都幾新鮮同埋都好食，估應該正宗掛。埋單每人大約HKD 80，晚飯嚟講唔算特別貴，收現金、八達通同中國QR code支付。

今天天氣見凍凍地，想食啲暖胃嘅嘢，經過石門食lunch見到有胡椒豬肚湯底嘅粉面店入去試試先。它似車仔面店填紙揀湯底，面類同餸的。佢哋主打豬什類。喜歡食及第粥嘅我就點咗豬什麵胡椒湯底銀針粉，份量都適中但湯底就覺得太胡椒都有D辣。不太嗜辣的朋友就楝番豬骨湯底☺️夜晚佢哋仲有椰子雞打邊爐或者係枝竹羊腩煲都好似好吸引🤩

食物整得唔錯，但份量不多環境就一般般，唔係屬於坐得舒服嗰種，快來快走，但呢個價錢係呢區屬於叫做比較抵食，所以不要有太多要求，注意這裏沒有水吧供應。

少見嘅豬油豬雜撈麵，撈好食過份雜。叫左2份，其中一份係鮮牛+鮮牛舌。牛舌係咁多樣裏面最好食。下次再食會叫加底再多芹菜，可能會試下佢份醬爆牛餅。 白胡椒湯都好味，不過下次會試下其他湯底。 講左幾次下次，即係呢間值得返去再食

一開始食過灣仔個間先過黎食，但質素明顯灣仔分店更勝一籌呢到個豬肺黑色嘅，見到唔敢食，上次灣仔食三餸啲料食極都仲有，呢到食幾啖就無曬啲餸，同樣價錢，真係灣仔店抵食啲