傷心酸辣粉 (元朗裕景坊店) – 中式麵食店

其實應該3星半，選擇算多，味道各自喜好，真的有辣有唔辣，悉隨尊便，亦唔貴，還有放題。

喺2023 2024年，仲有邊度可以30蚊左右食到一碗粉食得飽仲要有個小食加個嘢飲？ 我諗除咗傷心酸辣粉都冇乜邊間可以做得到呢個價錢呢個offer🤣🤣 其實佢個淮山麵就真係幾好食 佢個湯底我都幾鍾意 花之丸就係普普通通喺出面食到差不多啦🤣 你唔可以話佢非常好食但係佢絕對係你快靚正平嘅最佳選擇

傷心酸辣粉我諗大部份人都食過，好多年前已經喺香港開，中學時期真係好鍾意食佢哋個酸辣粉。原來佢哋而家已經有其他川菜食，例如係水煮魚/牛，雞煲，麻辣烤魚等等 鍾意食辣嘢嘅我今次就叫咗水煮魚套餐，ABC區每樣可以揀一款，套餐for兩人食 今次揀咗水煮魚配麻辣肥腸同埋熗炒土豆，仲包兩碗白飯。飲品就另外跟餐加$5。辣度自己揀，今次我就試咗中辣 水煮龍脷魚🐟🌶 啲龍利柳有係炸過走油，食落更加香同埋冇腥味，辣椒同辣油都俾好多，可以用嚟撈飯食。魚完全去晒骨👍🏻放心食，入面仲加咗寬粉同芽菜，好有重慶風味 麻辣肥腸🐷🌶 大腸唔算好肥，入面亦都清乾淨晒冇臭味。辣辣地，小食黎講好惹味 熗炒土豆🥔🌶 相比其餘兩個菜，呢個就比較有特色，唔係出邊到到有，嚟到真係嚇一嚇，因為超大兜！麻辣味好重同埋好香，一絲絲口感都幾爽，炒得有鑊氣

蒜香烤魚 🧄 好多蒜頭好香阿 最驚喜係年糕，竟然係蛋黃味 好食！好滿足 🤤

傷心酸辣粉除咗有得食酸辣粉，而家仲多咗好多選擇🤩猶豫左陣要食雞煲定烤魚，咁啱隔離枱就有烤魚嘅香味飄嚟，就食重慶烤魚啦仲都開胃前菜同炸物，整體都幾抵食呢～ 🔸重慶香辣烤魚(2人餐) (HK$259) 雖然話係2人餐，但3個人食其實都好足夠烤魚入面原本已跟一堆配料(木耳/豆卜/金針菇/芽菜/蓮藕)，跟餐仲可以再加多3款配料添同主食添。經炸過嘅烤魚，外身帶香脆，配埋辣湯好惹味。配料浸得越耐就越入味，如果驚太鹹就記得早少少食啦～ 🔸夫妻肺片 (HK$42) 開胃小菜都好多款揀，夫妻肺片質地軟嫩，仲有花生、芝麻、青瓜配住嚟食，感覺係可以再重口味啲～ 🔸香酥軟骨 (HK$36) 炸物就叫左呢份雞軟骨，食落脆卜卜好好有口感，後來放凍左之後都唔會淋哂～ 🔸獨製辣椒油 (HK$29) 埋單個陣見到有得單買佢地嘅辣椒油，價錢都唔算貴，就買返罐返去煮野食調味啦，試下係屋企食唔食到傷心酸辣粉嘅味道